ᐊᐅᓚᑦᑎᓂᒻᒧᑦ ᐸᕐᓇᐅᑎ ᓇᓗᓇᐃᔭᖅᓯᒪᓂᖏᑦ

ᐊᐅᓚᑦᑎᓂᒻᒧᑦ ᐸᕐᓇᐅᑎ ᑭᒃᑯᓕᒫᓄᑦ ᑎᑎᕋᖅᓯᒪᔪᖅ ᐱᔭᕇᔭᖅᓯᒪᓪᓗᓂ ᑐᓴᕆᐊᕐᕕᖃᕐᓂᕐᒧᑦ ᓄᓇᖃᖅᑳᓯᒪᔪᓂᑦ ᑲᓇᑕᒥᐅᑕᓂᓪᓗ. ᐊᕐᕌᒍᒐᓴᓐᓄᑦ ᑕᑯᓐᓇᖑᐊᖅᑕᐅᓯᒪᔪᑦ ᑲᓇᑕᒥ ᒥᕐᖑᐃᓯᕐᕕᒻᒥ, ᐊᒻᒪᓗ ᖃᓄᖅᑑᕈᑎᓕᐊᕆᔭᐅᓯᒪᔪᖅ ᑐᑭᒧᐊᖅᑎᑦᑎᒍᑎ ᒥᕐᖑᐃᓯᕐᕕᒻᒥ ᐊᐅᓚᑦᑎᓂᒻᒧᑦ ᐊᒻᒪᓗ ᐃᓚᒋᔭᐅᔪᓄᑦ ᑐᑭᒧᐊᒍᑕᐅᓪᓗᓂ ᐊᕐᕌᒍᑦ ᖁᓖᑦ ᐃᓗᐊᓂᑦ. ᐃᓄᑐᐃᓐᓇᕐᓄᑦ ᑎᑎᕋᖁᑎᒋᔭᐅᔪᖅ ᑲᓇᑕᒥ ᒥᕐᖑᐃᓯᕐᕕᒻᒧᑦ, ᐊᒻᒪᓗ ᓄᓇᖑᖃᖁᑎᒋᔭᖏᑦ ᐊᒻᒪᓗ ᐊᓯᐅᔭᐃᒃᑯᑎᒋᓪᓗᒍ ᐃᑲᔫᑕᐅᖃᑦᑕᕐᑐᑦ ᓇᒧᖓᐅᕙᓪᓕᐊᑎᓪᓗᒋᑦ ᑲᓇᑕᒥ ᒥᕐᖑᐃᓯᕐᕕᐅᑉ ᐱᔪᒪᓂᖏᑦ ᑐᕋᒐᖏᓐᓂᒃ.

ᓄᓇᕗᑦ ᐊᓪᓚᕝᕕᖓᓂ, ᐊᐅᓚᑦᑎᓂᒻᒧᑦ ᐸᕐᓇᐅᑎ ᓇᓗᓇᐃᓯᔪᑕᐅᓲᖑᒻᒥᔪᖅ ᖃᓄᖅ ᒥᕐᖑᐃᓯᕐᕕᒃ ᐊᐅᓚᑕᐅᒻᒪᖓᖅ ᑐᕋᒐᖏᓪᓗ ᖃᓄᐃᑉᐸᓪᓕᐊᓂᖏᑦ ᐊᑐᓕᖅᑎᑕᐅᓗᑎᒃ ᓄᓇᕗᑦ ᐊᖏᕈᑎᖏᑦ ᐊᒻᒪᓗ ᐃᓄᐃᑦ ᐊᑦᑐᖅᑕᐅᓂᖏᓄᑦ ᐃᑲᔪᓯᐊᖏᓐᓄᓗ ᐊᖏᕈᑎᒥᑦ ᐊᐅᔪᐃᑐᕐᒧᑦ. ᐱᔾᔪᑎᒋᓪ.ᓗᒍ ᖁᑦᑎᓂᕐᐹᖅ ᒥᕐᖑᐃᓯᕐᕕᒃ ᑲᓇᑕᒥ, ᐃᓄᐃᑦ ᐊᑦᑐᖅᑕᐅᓂᖏᓄᑦ ᐃᑲᔪᓯᐊᖏᓐᓄᓗ ᐊᖏᕈᑎᒥᑦ ᐊᐅᔪᐃᑐᕐᒧᑦ, ᖁᑎᓂᕐᐹᕐᒧᑦ ᐊᒻᒪᓗ ᓯᕐᒥᓕᒃ ᑲᓇᑕᒥ ᒥᕐᖑᐃᓯᕐᕕᖕᒧᑦ (ᕿᑭᑖᓗᒥ ᐃᓄᐃᑦ ᐊᒃᑐᖅᑕᐅᓂᐊᕐᓂᖏᓐᓄᑦ ᐃᑲᔫᓯᐊᕐᑖᕈᓐᓇᐅᑎᖏᓐᓄᓪᓗ ᐊᖏᕈᑎᖓ).

ᓄᓇᕗᑦ ᐊᓪᓚᕝᕕᖓᓂ, ᕿᑭᖅᑖᓗᑉ ᐃᓄᐃᑦ ᐊᑦᑐᖅᑕᐅᓂᖏᓄᑦ ᐃᑲᔪᓯᐊᖏᓐᓄᓗ ᐊᖏᕈᑎ ᐱᔭᕆᐊᖃᖅᑎᑦᑎᓪᓗᓂ ᑖᔅᓱᒥᖓ ᑎᑎᕋᕆᐊᙵᐅᑎ ᐊᐅᓚᑦᑎᓂᒻᒧᑦ ᐸᕐᓈᕆᔭᖏᓂᑦ ᓴᖅᑮᓗᑎᒃ ᑲᑐᔾᔨᖃᑎᖃᓪᓗᑎᒃ ᒥᕐᖑᐃᓯᕐᕕᒻᒧᑦ ᐸᕐᓇᐃᔨᑦ ᑲᑐᔾᔨᔨᖏᓂᑦ, ᑲᑎᖅᓱᖓᔪᑦ ᓇᓕᒧᑦᑐᓂᒃ ᐃᓚᒋᔭᐅᔪᑦ ᑎᒃᑯᐊᖅᑕᑦ ᑖᔅᓱᒪ ᑲᓇᑕᐅᑉ ᒥᕐᖑᐃᓯᕐᕕᓕᕆᔨᖏᓄᑦ ᐊᒻᒪᑦᑕᐅᖅ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓄᑦ. ᐊᓯᖏᑦ ᐊᑦᑐᖅᑕᐅᓂᖃᓗᐊᙳᐊᕐᓂᐊᖅᑐᓄᑦ ᐱᓕᕆᖃᑕᐅᒻᒥᔪᑦ ᐊᒻᒪᓗ ᐃᓱᒪᒋᔭᖏᑦ ᐱᖃᓯᐅᔾᔭᐅᔪᑦ:

• ᖁᑦᑎᓂᕐᐹᖅ ᑲᑐᔾᔨᓗᑎᒃ ᒥᕐᖑᐃᓯᕐᕕᓕᕆᓂᕐᒧᑦ ᐊᐅᓚᑦᑎᔨᑦ ᑲᑎᒪᔨᕋᓛᖏᑦ
• ᐃᓄᐃᑦ ᓄᓇᕗᒻᒥᐅᑕᐃᓪᓗ, ᐱᓗᐊᖅᑐᒥᑦ ᐊᑦᑐᐊᔪᑦ ᓄᓇᓖᑦ ᓇᓗᓇᐃᖅᓯᒪᔪᖅ ᐃᓄᐃᑦ ᐊᑦᑐᖅᑕᐅᓂᖏᓄᑦ ᐃᑲᔪᓯᐊᖏᓐᓄᓗ ᐊᖏᕈᑎᒦᒃᑐᑦ (ᓲᕐᓗ, ᖃᐅᓱᐃᑦᑐᖅ ᐊᒻᒪ ᐊᐅᓱᐃᑦᑐᖅ, ᑐᑭᓕᐅᕆᔭᐅᓯᒪᓂᐊ ᒪᓕᒃᖢᒍ ᐃᓗᐊᒍᑦ ᕿᑭᖅᑖᓘᑉ ᐃᓄᐃᑦ ᐊᑦᑐᖅᑕᐅᓂᖏᓄᑦ ᐃᑲᔪᓯᐊᖏᓐᓄᓗ ᐊᖏᕈᑎ)
• ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᐱᓕᕆᔨᖏᑦ
• ᑲᓇᑕᒥᐅᑕᐅᖃᑎᖏᑦ ᑭᒃᑯᓕᒫᑦ
• ᐊᓯᖏᑦ ᒐᕙᒪᐅᔪᑦ, ᐊᑦᑐᖅᑕᐅᓂᖃᓗᐊᙳᐊᕐᓂᐊᖅᑐ, ᐊᒻᒪ ᐱᖃᑕᐅᔪᑦ

ᐅᓇ ᓇᓗᓇᐃᓯᒪᔪᖅ ᐊᐅᓚᑦᑎᓂᕐᒧᑦ ᐸᕐᓇᐅᑎ ᐱᕙᓪᓕᐊᖏᓐᓇᓂᖏᑦ, ᑎᓴᒪᐅᓕᖅᑲᖓᔪᖅ ᐊᑦᑐᖅᑕᐅᓂᖃᓗᐊᙳᐊᕐᓂᖏᑦ:

1. ᒥᕐᖑᐃᓯᕐᕕᒃ ᖃᓄᐃᓕᖓᓕᕐᒪᖔᖅ ᕿᒥᕐᕈᔭᐅᓂᖓ: ᕿᒥᕐᕈᔭᐅᓂᖓ ᒪᓐᓇ ᒥᕐᖑᐃᓯᕐᕕᒃ ᖃᓄᐃᓕᖓᓕᕐᒪᖔᖅ ᓇᓗᓇᐃᕐᓯᒪᓲᒍᕗᑦ ᐃᓱᒫᓘᑕᐅᕙᓪᓕᐊᔪᑦ ᐊᐅᓚᑦᑎᓂᖅ ᖃᓄᐃᓐᓂᖓ ᒥᕐᖑᐃᓯᕐᕕᐅᑉ ᐊᒻᒪᓗ ᐊᖅᑭᓱᐃᓲᑦ ᕿᒥᕐᕈᔭᐅᓂᖓ ᐊᐅᓚᓂᖓ ᐸᕐᓇᐅᑎᐅᑉ. ᓄᓇᕗᑦ ᐊᓪᓚᕝᕕᖓᓂ, ᑕᓐᓇ ᕿᒥᕐᕈᔭᐅᓂᖓ ᑭᐅᔭᐅᔪᓐᓇᕐᑐᖅ ᐊᐱᖅᑯᑕᐅᔪᒧᑦ: ᖃᓄᖅ ᒥᕐᖑᐃᓯᕐᕕᒃ ᑲᔪᓯᑎᒃᑎᓲᖑᕙ ᑲᓇᑕᒥ ᒥᕐᖑᐃᓯᕐᕕᒃ ᑎᓕᓯᔾᔪᑕᐅᓯᒪᔪᓂᑦ ᐊᒻᒪᓗ ᐊᑐᕆᐊᖃᖅᑎᑕᐅᓯᒪᔪᑦ ᓇᓗᓇᐃᖅᓯᒪᔪᑦ ᐃᓄᐃᑦ ᐊᑦᑐᖅᑕᐅᓂᖏᓄᑦ ᐃᑲᔪᓯᐊᖏᓐᓄᓗ ᐊᖏᕈᑎᒥᑦ?

   1. ᖁᑦᑎᓂᕐᐹᖅ ᒥᕐᖑᐃᓯᕐᕕᒃ ᖃᓄᐃᓕᖓᓂᕐᒪᖔᖅ ᐅᓂᒃᑳᖅ ᕿᒥᕐᕈᔭᐅᓂᖓ ᓇᓗᓇᐃᓯᒪᔪᑦ ᐱᕙᓪᓕᐊᓂᖏᑦ 2020 ᑎᑎᕋᕆᐊᙵᐅᑎ ᐊᐅᓚᑦᑎᓂᒻᒧᑦ ᐸᕐᓇᐅᑎ ᐊᖏᖅᑕᐅᓯᒪᔪᑦ 2018ᒥᑦ ᐊᒻᒪ ᐅᕙᓂ ᓇᓂᒍᓐᓇᖅᑕᐃᑦ.


2. ᐊᐅᓚᑦᑎᓂᕐᒧᑦ ᐸᕐᓇᐅᑎᑦ ᐊᑐᕐᑕᐅᒍᒪᓂᐊᑐᑦ ᓴᖅᑭᑕᑦ: ᖃᐅᔨᓴᕈᑎᒻᒪᕆᐅᔪᖅ ᖃᐅᔨᔾᔪᑕᐅᓲᖑᕗᖅ ᐊᑦᑐᖅᑕᐅᓂᖃᓗᐊᙳᐊᕐᓂᖏᑦ ᐃᓱᒫᓘᑕᐅᔪᓪᓗ, ᑕᐅᑐᙳᐊᕆᔭᒧᑦ ᐃᓗᓕᕆᔭᑦ, ᓂᕆᐅᒋᔭᐅᔪᑦ, ᐊᒻᒪ ᑐᓴᕆᐊᕐᕕᖃᕐᓂᕐᒧᑦ ᐊᑐᕋᓱᓐᓂᐊᓐᓂᒻᒥᒃ ᑎᑎᕋᕆᐊᖓᐅᑎ ᐊᐅᓚᑦᑎᓂᒻᒧᑦ ᐸᓐᓇᐅᑎᒥᒃ. ᓄᓇᕗᑦ ᐊᓪᓚᕝᕕᖓᓂ, ᒥᕐᖑᐃᓯᕐᕕᒃ ᐊᐅᓚᑦᑎᓂᕐᒧᑦ ᐸᕐᓇᐃᔩᑦ ᑲᑎᒪᔨᕋᓛᖏᑦ ᐱᔭᕇᔭᖅᓯᒪᓪᓗᓂ ᐊᐅᓚᑦᑎᓂᕐᒧᑦ ᐸᕐᓇᐅᑎᑦ ᐊᑐᕐᑕᐅᒍᒪᓂᐊᑐᓂᑦ.



3. ᑎᑎᕋᕆᐊᖓᐅᑎ ᐊᐅᓚᑦᑎᓂᒻᒧᑦ ᐸᓐᓇᐅᑎ: ᐅᐸᓗᖓᐃᔭᐃᓗᓂ ᑎᑎᕋᕆᐊᖓᐅᑎ ᐊᐅᓚᑦᑎᓂᕐᒧᑦ ᐸᕐᓇᐅᑎ ᐋᖅᑮᔪᖅ ᐃᓗᓕᒃᓴᖏᖕᓂᒃ, ᖃᓄᖅᑑᕈᑎᓂᒃ, ᐱᓇᓱᐊᒐᖏᖕᓂᒃ ᐊᒻᒪᓗ ᑎᑭᓐᓇᓱᐊᖅᑕᖏᖕᓂᒃ ᒪᓕᑦᑐᒋᑦ ᖃᐅᔨᔭᐅᓯᒪᔪᑦ “ᖃᓄᐃᓕᖓᓕᕐᓂᖏᖕᓂᒃ” ᖃᐅᔨᓵᖑᓯᒪᔪᑦ ᐊᒻᒪᓗ ᐊᐅᓚᑦᑎᓂᕐᒧᑦ ᐸᕐᓇᐅᑎᑦ ᐊᑐᕐᑕᐅᒍᒪᓂᐊᑐᑦ ᓴᖅᑎᑕᑦ. ᓄᓇᕗᑦ ᐊᓪᓚᕝᕕᖓᓂ, ᒥᕐᖑᐃᓯᕐᕕᒃ ᐊᐅᓚᑦᑎᓂᕐᒧᑦ ᐸᕐᓇᐃᔩᑦ ᑲᑎᒪᔨᕋᓛᖏᑦ ᐱᔭᕇᔭᖅᓯᒪᓪᓗᓂᒋᑦ ᑎᑎᕋᕆᐊᖓᐅᑎ ᐸᕐᓇᐅᑎᒃ ᐊᒻᒪᓗ ᐊᖏᖅᑕᐅᓲᖑᕗᒃ ᖁᑦᑎᓂᕐᐹᖅ ᑲᑐᔾᔨᓗᑎᒃ ᒥᕐᖑᐃᓯᕐᕕᓕᕆᓂᕐᒧᑦ ᐊᐅᓚᑦᑎᔨᑦ ᑲᑎᒪᔨᕋᓛᖏᓄᑦ ᑲᓇᑕᒥ ᒥᕐᖑᐃᓯᕐᕕᒃ ᐊᖏᔪᖅᑳᒻᒪᕆᐅᑉ ᑐᖏᓕᐊ, ᐊᐅᓚᑦᑎᓂᕐᒧᓪᓗᑕᐅᖅ.

   1. ᐅᐸᓗᖓᐃᔭᐃᓗᓂ ᖁᑦᑎᓂᕐᐹᖅ 2020 ᑎᑎᕋᕆᐊᓐᖓᐅᑎ ᐊᐅᓚᑦᑎᓂᒻᒧᑦ ᐸᕐᓇᐅᑎ, ᐸᕐᓇᐃᔩᑦ ᑲᑎᒪᔨᕋᓛᖏᑦ ᖃᐅᔨᒃᑲᐃᓯᒪᔪᑦ ᐊᑑᑎᓛᑦ ᐃᓚᒋᔭᐅᖃᑕᐅᔪᑦ ᐃᓚᒋᔭᐅᓪᓗᑎᒃ ᐃᓄᐃᑦ ᖃᐅᓱᐃᑦᑐᒥᐅᑕᐅᔪᑦ ᐊᐅᓱᐃᑦᑐᒥᐅᑕᐃᓪᓗ, ᖃᓂᓛᖑᔫᒃ ᓄᓇᓕᑦ ᒥᕐᖑᐃᓯᕐᕕᒻᒧᑦ ᐊᑑᑎᖃᕐᑎᐊᑑᒃ ᖁᑦᑎᓂᕐᐹᖅ ᑲᓇᑕᒥ ᒥᕐᖑᐃᓯᕐᕕᒻᒧᑦ ᐱᔾᔪᑎᒋᓪᓗᒍ ᕿᑭᖅᑖᓗᒧᑦ ᐃᓄᐃᑦ ᐊᒃᑐᖅᑕᐅᓂᐊᕐᓂᖏᓐᓄᑦ ᐃᑲᔫᓯᐊᖅᑖᕈᓐᓇᐅᑎᖏᓐᓄᓪᓗ ᐊᖏᕈᑎᑦ. ᑎᑎᕋᕆᐊᓐᖓᓯᒪᔪᖅ ᐸᕐᓇᐅᑎ ᕿᒥᕐᕈᐊᑕᐅᓯᒪᔪᖅ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ, ᐊᒻᒪ 2019 ᓄᓐᖑᐊᓂ, ᐊᖏᖅᑕᐅᓚᐅᕐᓯᒪᔪᖅ ᖁᑦᑎᓂᕐᐹᖅ ᑲᑐᔾᔨᓗᑎᒃ ᒥᕐᖑᐃᓯᕐᕕᓕᕆᓂᕐᒧᑦ ᐊᐅᓚᑦᑎᔨᑦ ᑲᑎᒪᔨᕋᓛᖏᓐᓄᑦ. ᐊᑐᐃᓐᓇᐅᓚᐅᕐᑐᖅ ᓄᓇᓕᑦ ᑐᓴᕆᐊᕐᕕᖃᕐᓂᕐᒧᑦ 2020ᒥᑦ.
   
   
   2. ᐊᖏᖅᑕᐅᓯᒪᔪᖅ ᑎᑎᕋᕆᐊᓐᖓᐅᑎ ᐸᕐᓇᐅᑎ ᑲᔪᓯᓂᖃᓲᖅ ᑐᓴᕆᐊᕐᕕᖃᕐᓂᕐᒧᑦ, ᑐᓴᕈᒪᒃᑲᓐᓂᓲᑦ ᑎᑎᕋᕆᐊᓐᖓᐅᑎᐅᑉ ᒥᒃᓵᓄᖓᔪ ᓂᑦ ᐅᑯᓇᖓᑦ ᐊᑑᑎᓛᑦ ᐃᓚᒋᔭᐅᖃᑕᐅᔪᑦ ᐃᓚᒋᔭᐅᓪᓗᑎᒃ ᐃᓄᐃᑦ ᖃᐅᓱᐃᑦᑐᒥᐅᑕᐅᔪᑦ ᐊᐅᓱᐃᑦᑐᒥᐅᑕᐃᓪᓗ, ᖃᓂᓛᖑᔫᒃ ᓄᓇᓕᑦ ᒥᕐᖑᐃᓯᕐᕕᒻᒧᑦ ᐊᑑᑎᖃᕐᑎᐊᑑᒃ ᖁᑦᑎᓂᕐᐹᖅ ᑲᓇᑕᒥ ᒥᕐᖑᐃᓯᕐᕕᒻᒧ − ᓈᒻᒪᒃᓴᒻᒪᖔᑕ ᐱᔪᒪᓯᒪᔭᖏᑦ ᐅᐃᒍᔭᐅᓯᒪᓂᖏᓄᑦ ᑖᔅᓱᒧᖓ ᑎᑎᕋᕆᐊᓐᖓᐅᑎ ᐸᕐᓇᐅᑎᓕᐊᖑᔪᒧᑦ. ᑐᓴᕆᐊᕐᕕᖃᕐᓂᕐᒧᑦ ᑭᖑᕙᕆᐊᓯᒪᓚᐅᕐᑐᑦ ᐱᔾᔪᑎᖃᕐᑐᑎᒃ ᐳᕝᕕᕆᓐᓇᖅ/ᓄᕙᔾᔪᐊᓇᖅ 19ᖑᓚᐅᕐᒪᑦ, ᑭᓯᐊᓂᓕ ᑲᔪᓯᓂᖃᕐᑐᖅ 2022ᒥ.


4. ᐱᔭᕇᕐᓯᒪᔪᖅ ᐊᐅᓚᑦᑎᓂᒻᒧᑦ ᐸᕐᓇᐅᑎ ᐊᒻᒪ ᐊᖏᖅᑕᐅᒋᐊᖃᕐᓂᖓ: ᓄᓇᕗᑦ ᐊᓪᓚᕝᕕᖓᓂ, ᑐᓴᕆᐊᕐᕕᖃᕐᓂᖅ ᒪᑐᐸᑦ ᐊᒻᒪ ᐃᓱᒪᓕᐅᕆᔭᖏᑦ ᐅᐃᒍᔭᐅᖃᓯᐅᑎᐸᑕᑦ ᑖᓱᒧᖓ ᐱᔭᕇᕐᓯᒪᔪᒧᑦ ᐱᒋᐊᖃᖅᑲᑦ, ᐱᔭᕇᕐᓯᒪᔪᖅ ᐸᕐᓇᐅᑎ ᐊᖏᖅᑕᐅᐸᑦ ᖁᑦᑎᓂᕐᐹᖅ ᑲᑐᔾᔨᓗᑎᒃ ᒥᕐᖑᐃᓯᕐᕕᓕᕆᓂᕐᒧᑦ ᐊᐅᓚᑦᑎᔨᑦ ᑲᑎᒪᔨᕋᓛᖏᓄᑦ ᐊᒻᒪᓗᑕᐅᖅ ᓄᓇᕗᑦᒥ ᐆᒪᔪᓕᕆᔨᕐᔪᐊᑦ ᑲᑎᒪᔨᖏᓐᓄᑦ ᐊᑐᓕᖅᑎᑕᐅᓂᖓ ᒥᓂᔅᑕᒧᑦ ᑲᒪᒋᔭᖃᖅᑐᖅ ᑲᓇᑕᐅᑉ ᒥᕐᖑᐃᓯᕐᕕᓕᕆᔨᖏᓂᑦ ᑲᓇᑕᒥ ᐱᖁᔭᓕᕆᔨᔾᔪᐊᖏᓄᑦ.

ᐊᖏᖅᑕᐅᓚᐅᖅᑎᓪᓗᒍ ᐱᔭᕇᕐᓯᒪᔪᖅ ᐊᐅᓚᑦᑎᓂᒻᒪᑦ ᐸᕐᓇᐅᑎ, ᐊᕐᕌᒍᓕᒫᖅ ᐊᑐᓕᖅᑎᑕᐅᓂᖓᓄᑦ ᐅᓂᒃᑳᓕᐊᕆᔭᐅᓲᑦ ᐱᔭᕇᔭᖅᓯᒪᓲᑦ ᐅᐊᑦᑎᔭᐅᓂᐊᓂᖏᑦ ᐊᒻᒪᓗ ᐅᓪᓗᒥᒨᖓᔪᑦ ᐱᕙᓪᓕᐊᓂᖏᑦ ᒥᕐᖑᐃᓯᕐᕕᒃ ᐊᐅᓚᓂᖓ ᑎᑭᐅᑎᓗᑎᒃ ᐊᐅᓚᑦᑎᓂᕐᒧᑦ ᐸᕐᓇᐅᑎᐅᑉ ᖃᓄᖅᑑᕈᑎᖏᑦ, ᐱᓇᓱᐊᒐᖏᑦ, ᐊᒻᒪᓗ ᑎᑭᓐᓇᓱᐊᖅᑕᖏᑦ.

ᐅᓇ ᓇᓗᓇᐃᓯᒪᔪᖅ ᐅᓪᓗᖁᑎᖏᑦ ᐊᕐᕌᒍᒥ ᐱᕙᓪᓕᐊᓂᖏᑦ ᐱᔭᕇᖁᓪᓗᒍ ᓄᑖᖑᔪᖅ ᖁᑦᑎᓂᕐᐹᖅ ᐊᐅᓚᑦᑎᓂᒻᒧᑦ ᐸᕐᓇᐅᑎ, ᐱᖃᓯᐅᑎᓯᒪᔪᑦ ᐅᑯᐊ ᐱᔭᕇᕐᓯᒪᔪᑦ ᐊᒻᒪᓗ ᓂᕆᐅᒋᔭᐅᔪᑦ ᐱᕙᓪᓕᐊᒍᑎᒋᔭᖏᑦ:

• ᒥᕐᖑᐃᓯᕐᕕᒃ ᖃᓄᐃᓕᖓᓕᕐᒪᖔᖅ ᕿᒥᕐᕈᔭᐅᓂᖓ ᖁᑎᓂᕐᐹᖅ ᑲᓇᑕᒥ ᒥᕐᖑᐃᓯᕐᕕᒻᒧᑦ, ᐊᒻᒪ ᒪᓕᒃᑐᒋᑦ ᐊᐅᓚᑦᑎᓂᕐᒧᑦ ᐸᕐᓇᐅᑎᑦ ᐊᑐᕐᑕᐅᒍᒪᓂᐊᑐᑦ ᓴᖅᑭᑕᑦ, ᐱᔭᕇᔭᖅᓯᒪᔪᑦ ᐊᒻᒪᓗ ᐊᖏᖅᑕᐅᓗᓂ 2018ᒥ ᑎᑎᕋᕆᐊᖓᐅᑎ ᐸᕐᓇᐅᑎ ᐊᑐᐃᓐᓇᐅᓗᓂ
• ᕿᒥᕐᕈᐊᒐᒃᓴᐅᓗᓂᓗ 2020ᖑᑎᓪᓗᒍ, ᑭᓯᐊᓂ ᑐᓴᕆᐊᕐᕕᖃᕐᓂᕐᒧᑦ ᑭᖑᕙᕆᐊᓯᒪᓚᐅᕐᑐᑦ ᐱᔾᔪᑎᖃᕐᑐᑎᒃ ᐳᕝᕕᕆᓐᓇᖅ/ᓄᕙᔾᔪᐊᓇᖅ 19ᖑᓚᐅᕐᒪᑦ
• ᑐᓴᕆᐊᕐᕕᖃᕐᓂᕐᒧᑦ ᒪᑐᐃᓚᐅᕐᑐᖅ 2022ᒥ
• ᐱᔭᕇᕐᓯᒪᔪᖅ ᐸᕐᓇᐅᑎ ᓂᕆᐅᒋᔭᐅᔪᑦ ᐊᑐᓕᖅᑎᑕᐅᓗᓂ ᑲᓇᑕᒥ ᐱᖁᔭᓕᕆᔨᔾᔪᐊᖏᓄᑦ 2023ᒥ