ᐸᕐᓇᐅᑎᑦ ᐊᑐᐊᒐᐃᓪᓗ
Quttinirpaaq National Park
ᒥᕐᖑᐃᖅᓯᕐᕕᓕᕆᓂᕐᒧᑦ ᐸᕐᓇᐅᑎ ᑐᑦᑕᕐᕕᒋᔭᐅᔪᒃᓴᐅᑕᐅᓪᓗᓂ ᑎᑎᕋᖅᑕᐅᓯᒪᔪᖅ ᑐᑭᒧᐊᒍᑎᐅᑦᑎᐊᖁᓪᓗᒍ ᑲᓇᑕᐅᑉ ᒥᕐᖑᐃᖅᓯᕐᕕᓕᕆᔨᒃᑯᖏᓐᓄᑦ ᓴᐳᔾᔨᓇᓱᐊᕐᓂᐊᖅᑎᓪᓗᒋᑦ, ᒥᕐᖑᐃᖅᓯᕐᕕᓕᕆᓂᐊᖅᑎᓪᓗᒋᑦ, ᐊᐅᓚᑦᑎᓂᐊᖅᑎᓪᓗᒋᓪᓗ ᑲᓇᑕᐅᑉ ᒥᕐᖑᐃᖅᓯᕐᕕᖏᓐᓂᒃ. ᒥᕐᖑᐃᖅᓯᕐᕕᓕᕆᓂᖅ ᑕᑎᒋᔭᐅᔪᓐᓇᑦᑎᐊᕐᓗᓂ ᑎᑎᕋᖅᑕᐅᓯᒪᓂᐊᖅᑐᖅ ᑲᓇᑕᐅᑉ ᐃᓄᓕᒫᖏᑦ ᐊᑭᓴᖅᑐᖅᑕᐅᒋᐊᕐᓗᑎᒃ, ᒥᕐᖑᐃᖅᓯᕐᕕᓕᕆᓂᕐᒧᑦ ᐸᕐᓇᐅᑎ ᓇᓗᓇᐃᖅᓯᔪᖅ ᖃᓄᖅ ᑲᓇᑕᒥ ᒥᕐᖑᐃᖅᓯᕐᕕᓕᕆᔩᑦ ᒪᓕᒐᕐᔪᐊᑎᒍᑦ ᑎᓕᔭᐅᓯᒪᓂᖏᓐᓂᒃ ᓴᐳᔾᔨᓇᓱᐊᕆᐊᖃᕐᓂᒃᑯᑦ, ᐃᓕᓐᓂᐊᖅᑎᑦᑎᔭᕆᐊᖃᕐᓂᒃᑯᑦ, ᐊᓕᐊᓇᐃᒋᔭᐅᑦᑎᐊᕐᓗᑎᒡᓗ ᒥᕐᖑᐃᖅᓯᕐᕕᒋᔭᐅᔪᑦ ᐱᔭᐅᔪᓐᓇᕆᐊᒃᓴᖏᓐᓂᒃ. ᐸᕐᓇᐅᑎ ᑐᓂᓯᓂᐊᕐᒥᔪᖅ ᐋᖅᑭᒃᓯᒪᓂᕐᒥ ᖃᓄᖅ ᑲᓇᑕᐅᑉ ᒥᕐᖑᐃᖅᓯᕐᕕᓕᕆᔨᖏᑦ, ᐃᓄᐃᑦ, ᐃᓚᐅᔩᑦ, ᐃᓄᓕᒫᓪᓗ ᐱᓕᕆᖃᑎᒌᑦᑎᐊᕐᓗᑎᒃ ᒥᕐᖑᐃᖅᓯᕐᕕᖕᒥ ᐊᐅᓚᑕᐅᑦᑎᔭᕆᐊᖃᕐᓂᖏᓐᓄᑦ ᓯᕗᓂᒃᓴᑐᖄᓗᖕᒧᑦ.
ᐊᐅᓚᑦᑎᓂᒻᒧᑦ ᐸᕐᓇᐅᑎ ᓇᓗᓇᐃᔭᖅᓯᒪᓂᖏᑦ
ᐃᓘᓐᓈᒍᑦ ᑕᑯᒋᐊᕐᓂᖅ ᐊᐅᓚᑦᑎᓂᕐᒧᑦ ᐸᕐᓇᐅᑎᑦ ᐃᖏᕐᕋᓂᖏᓐᓂᑦ ᕿᒥᕐᕈᓂᐅᓪᓗ ᐃᓕᖅᑯᓯᖓᓂᑦ.
ᖁᑦᑎᓂᕐᐹᖅ ᒥᕐᖑᐃᓯᕐᕕᖓ ᑲᓇᑕᒥ ᐊᐅᓚᑦᑎᓂᕐᒧᑦ ᐸᕐᓇᐅᑏᑦ ᑎᑎᕋᕆᐊᓐᖓᐅᑏᑦ ᐅᒃᑑᕝᕙ 2020
ᐅᖃᓕᒫᕈᒃ 2020-ᒥ ᖁᑦᑎᓂᕐᐹᖅ ᑲᓇᑕᒥ ᒥᕐᖑᐃᓯᕐᕕᖓᑕ ᑎᑎᕋᕆᐊᓐᖓᐅᑎ ᐊᐅᓚᑦᑎᓂᕐᒧᑦ ᐸᕐᓇᐅᑎᑦ.
ᖁᑦᑎᒃᓂᕐᐹᖅ ᑲᓇᑕᒥ ᒥᕐᖑᐃᓯᕐᕕᒃ ᐊᐅᓚᑦᑎᓂᖕᒧᑦ ᐸᖕᓇᐅᑎ 2009-ᒥ
ᐊᕙᑖᓂ ᐱᓕᕆᐊᖑᔪᑦ ᖃᓄᖅ ᐃᓄᐃᑦ ᒥᓐᖑᐃᓯᕐᕕᓪᓗ ᐱᓕᕆᖃᑎᒌᑉᐸᒻᒪᖔᑕ ᐊᐅᓚᑕᐅᓂᖓᓄᑦ ᖁᑦᑎᓂᖅᐹᖅ ᒥᕐᖑᐃᓯᕐᕕᒃ ᑲᓇᑕᒥ.
ᐊᕌᒍᓕᒫᖅ ᐊᐅᓚᓯᓂᕐᒧᑦ ᐸᕐᓇᐅᑎᐅᑉ ᐊᑐᓕᕐᑎᑕᐅᓂᖓᑕ ᖃᓄᐃᓕᖓᓕᕐᓂᖓ 2021-22
2021-22−ᒥ ᖃᓄᐃᓕᖓᓂᖓ ᐅᓂᒃᑳᖅ ᐃᓄᓐᓄᑦ, ᑎᒍᒥᐊᖅᑎᐅᖃᑕᐅᔪᓄᑦ, ᑭᒃᑯᑐᐃᓐᓇᓄᓪᓗ ᐊᑐᓕᕐᑎᑕᐅᓂᖏᓐᓄᑦ ᖁᑦᑎᓂᖅᐹᖅ ᒥᕐᖑᐃᓯᕐᕕᒃ ᑲᓇᑕᒥ ᐊᐅᓚᑕᐅᓂᖓᓄᑦ ᐸᕐᓇᐅᑎᖓ.
ᐊᕌᒍᓕᒫᖅ ᐊᐅᓚᓯᓂᕐᒧᑦ ᐸᕐᓇᐅᑎᐅᑉ ᐊᑐᓕᕐᑎᑕᐅᓂᖓᑕ ᖃᓄᐃᓕᖓᓕᕐᓂᖓ 2019-20
2019-20−ᒥ ᖃᓄᐃᓕᖓᓂᖓ ᐅᓂᒃᑳᖅ ᐃᓄᓐᓄᑦ, ᑎᒍᒥᐊᖅᑎᐅᖃᑕᐅᔪᓄᑦ, ᑭᒃᑯᑐᐃᓐᓇᓄᓪᓗ ᐊᑐᓕᕐᑎᑕᐅᓂᖏᓐᓄᑦ ᖁᑦᑎᓂᖅᐹᖅ ᒥᕐᖑᐃᓯᕐᕕᒃ ᑲᓇᑕᒥ ᐊᐅᓚᑕᐅᓂᖓᓄᑦ ᐸᕐᓇᐅᑎᖓ.
ᐊᕌᒍᓕᒫᖅ ᐊᐅᓚᓯᓂᕐᒧᑦ ᐸᕐᓇᐅᑎᐅᑉ ᐊᑐᓕᕐᑎᑕᐅᓂᖓᑕ ᖃᓄᐃᓕᖓᓕᕐᓂᖓ 2018
2018−ᒥ ᖃᓄᐃᓕᖓᓂᖓ ᐅᓂᒃᑳᖅ ᐃᓄᓐᓄᑦ, ᑎᒍᒥᐊᖅᑎᐅᖃᑕᐅᔪᓄᑦ ᑭᒃᑯᑐᐃᓐᓇᓄᓪᓗ ᐊᑐᓕᕐᑎᑕᐅᓂᖏᓐᓄᑦ ᖁᑦᑎᓂᖅᐸᖅ ᒥᕐᖑᐃᓯᕐᕕᒃ ᑲᓇᑕᒥ ᐊᐅᓚᑕᐅᓂᖓᓄᑦ ᐸᕐᓇᐅᑎᖓ.
ᖃᓄᐃᑦᑑᓂᖓ ᒥᕐᖑᐃᓯᕐᕕᒃ ᖃᐅᔨᓴᕐᑕᐅᓂᖓ 2018-ᒥ
ᖃᐅᔨᓴᖅᑕᐅᓂᖏᑦ ᐆᒪᔪᓐᓇᖅᑐᓕᒫᑦ ᐊᑦᑐᐊᖃᑎᒌᓐᓂᖏᓐᓄᑦ ᐊᑦᑐᐊᔪᑦ, ᐃᓕᖅᑯᓯᓕᕆᓂᕐᒥ ᐱᓕᕆᔾᔪᑎᑦᓴᐃᑦ, ᓄᓇᖃᖅᑳᖅᓯᒪᔪᑦ ᐃᓚᒌᓐᓂᖏᑦ, ᐳᓛᕆᐊᖅᑐᑦ ᐊᑐᖅᐸᑦᑕᖏᑦ ᐊᓯᖏᓪᓗ.
ᒪᓐᓇ ᓄᑖᕈᑦᑎᐸᓪᓕᐊᔭᕗᑦ ᐊᐅᓚᑦᑎᓂᕐᒧᑦ ᐸᕐᓇᐅᑎ ᖁᑦᑎᓂᕐᐹᖅ ᑲᓇᑕᒥ ᒥᕐᖑᐃᓯᕐᕕᖕᒧᑦ!
ᑖᓐᓇ ᑲᓇᑕᐅᑉ ᒥᕐᖑᐃᓯᕐᕕᖏᑕ ᐱᖁᔭᖓ ᐊᒻᒪᑦᑕᐅᖅ ᑖᓐᓇ ᑲᓇᑕᐅᑉ ᒥᕐᖑᐃᓯᕐᕕᓕᕆᔨᖏᑕ ᑎᒥᖁᑎᖓᓄᑦ ᐱᖁᔭᖅ ᐊᑐᖅᑎᑦᑎᖁᔨᕗᑦ ᑲᓇᑕᐅᑉ ᒥᕐᖑᐃᓯᕐᕕᓕᕆᔨᖏᓂᑦ ᐸᕐᓇᐅᑎᓕᐅᖁᓪᓗᒋᑦ ᐊᐅᓚᑦᑎᓂᒻᒧᓪᓗ ᐸᕐᓇᑕᐅᓯᒪᔪᑦ ᕿᒥᕐᕈᐊᑕᐅᒋᐊᓖᑦ ᐊᕐᕌᒍᑦ ᖁᓖᑦ ᓈᒐᐃᐸᑕ ᓄᑖᕈᒃᑎᑕᐅᒑᖓᖅ ᑲᓇᑕᐅᑉ ᐱᖁᔭᓕᕆᔨᔾᔪᐊᖏᓄᑦ ᐊᑐᓕᖅᑎᑕᐅᒋᐊᖃᓲᑦ. ᓄᓇᕗᑦ ᐊᓪᓚᕝᕕᖓᓂ, ᐊᑐᓕᖅᑎᓪᓗᒋᑦ ᐃᓄᐃᑦ ᐊᑦᑐᖅᑕᐅᓂᖏᓄᑦ ᐃᑲᔪᓯᐊᖏᓐᓄᓗ ᐊᖏᕈᑎᒥᑦ ᐊᐅᔪᐃᑐᕐᒧᑦ, ᖁᑎᓂᕐᐹᕐᒧᑦ ᐊᒻᒪᓗ ᓯᕐᒥᓕᒃ ᑲᓇᑕᒥ ᒥᕐᖑᐃᓯᕐᕕᖕᒧᑦ (ᕿᑭᑖᓗᒥ ᐃᓄᐃᑦ ᐊᒃᑐᖅᑕᐅᓂᐊᕐᓂᖏᓐᓄᑦ ᐃᑲᔫᓯᐊᕐᑖᕈᓐᓇᐅᑎᖏᓐᓄᓪᓗ ᐊᖏᕈᑎᖓ) ᑎᑎᕋᕆᐊᙵᐅᑎᑕᖃᕆᐊᖃᖅᐳᖅ ᐊᐅᓚᑦᑎᓂᒻᒧᑦ ᐸᕐᓇᐅᑎᒥᒃ ᐊᖅᑭᓱᒃᑕᐅᓯᒪᔪᒥᑦ ᒥᕐᖑᐃᓯᕐᕖᑦ ᐊᐅᓚᑦᑎᖃᑎᒌᑦ ᐸᕐᓇᐃᔨᖏᑕ ᑲᑎᒪᔨᕋᓛᖏᓐᓄᑦ. ᒥᕐᖑᐃᓯᕐᕕᒃ ᐊᐅᓚᑦᑎᖃᑎᒌᑦ ᐸᕐᓇᐃᔩᑦ ᑲᑎᒪᔨᕋᓛᖏᑦ ᐅᑯᐊᖑᕗᑦ ᑲᑐᔾᔨᓪᓗᑎᒃ ᐃᓄᐃᑦ / ᒐᕙᒪᒃᑯᑦ ᐸᕐᓇᐃᔨᖏᑦ ᐊᐅᓚᑦᑎᔩᓪᓗ ᑲᑎᒪᔨᖏᑦ ᑎᒃᑯᐊᑕᐅᓯᒪᔪᑦ ᑲᓇᑕᒥ ᒥᕐᖑᐃᓯᕐᕕᓕᕆᔨᒃᑯᓐᓄᑦ ᐊᒻᒪ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓄᓪᓗ.
ᐅᐸᓗᖓᐃᔭᓂᖅ ᖁᑦᑎᓂᕐᐹᑉ 2020−ᒥ ᐸᕐᓇᐅᑎᖏᓐᓄᑦ ᑎᑎᕋᕆᐊᓐᖓᐅᑎ ᐊᐅᓚᑦᑎᓂᒻᒧᑦ, ᐸᕐᓇᐃᔩᑦ ᑲᑎᒪᔨᕋᓛᖏᑦ ᖃᐅᔨᒃᑲᐃᓯᒪᔪᑦ ᐃᓚᒋᔭᐅᖃᑕᐅᓪᓗᑎᒃ ᐃᓄᐃᑦ ᖃᐅᓱᐃᑦᑐᒥᐅᑕᐅᔪᑦ ᐊᐅᓱᐃᑦᑐᒥᐅᑕᐃᓪᓗ, ᖃᓂᓛᖑᔫᒃ ᑖᒃᑯᐊ ᓄᓇᓖᒃ ᒥᕐᖑᐃᖅᓯᕝᕕᒻᒧᑦ ᐊᑑᑎᖃᕐᑎᐊᑑᒃ ᖁᑦᑎᓂᕐᐹᖅ ᑲᓇᑕᒥ ᒥᕐᖑᐃᓯᕐᕕᒻᒧᑦ ᐱᔾᔪᑎᒋᓪᓗᒍ ᕿᑭᖅᑖᓗᒧᑦ ᐃᓄᐃᑦ ᐊᒃᑐᖅᑕᐅᓂᐊᕐᓂᖏᓐᓄᑦ ᐃᑲᔫᓯᐊᖅᑖᕈᓐᓇᐅᑎᖏᓐᓄᓪᓗ ᐊᖏᕈᑎᖓ. ᑎᑎᕋᕆᐊᓐᖓᓯᒪᔪᖅ ᐸᕐᓇᐅᑎ ᕿᒥᕐᕈᐊᑕᐅᓯᒪᔪᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ, ᐊᒻᒪ 2019 ᓄᓐᖑᐊᓂ, ᐊᖏᖅᑕᐅᓚᐅᕐᓯᒪᔪᖅ ᓄᓇᓖᑦ ᑐᓴᕆᐊᕐᕕᐅᓪᓗᑎᒃ ᖁᑦᑎᓂᕐᐹᑉ ᑲᑐᔾᔨᓂᒃᑯᑦ ᒥᕐᖑᐃᓯᕐᕕᓕᕆᓂᕐᒧᑦ ᐊᐅᓚᑦᑎᔨᑦ ᑲᑎᒪᔨᕋᓛᖏᓐᓄᑦ.
ᐊᑐᐃᓐᓇᕈᓚᐅᖅᑑᒐᓗᐊᑦ ᕿᒥᕐᕈᔭᐅᒋᐊᓖᑦ 2020ᖑᑎᓪᓗᒍ, ᐊᐱᖅᓱᕐᓂᒃᑯᑦ ᓯᕗᓪᓕᐹᖅᓯᐅᑦ ᐸᕐᓇᐅᑦ ᑭᖑᕙᕆᐊᕆᐊᖃᓚᐅᕐᒪᑦ ᐱᓪᓗᒍ ᓄᕙᔾᔪᐊᓇᖅ 19 ᓯᐊᒻᒪᐸᓪᓕᐊᓂᖓ, ᐸᕐᓇᑕᐅᒋᐊᓖᑦ ᐃᓕᖅᑯᓯᖓ ᒪᓕᓪᓗᒍ, ᖃᐅᔨᓂᐊᖅᑐᑎᑦ ᓄᑖᕈᕆᐊᖅᑕᐅᓯᒪᔪᓂᑦ ᐅᕙᓂ ᒪᑉᐱᒐᕐᒥ, ᐃᓚᒋᔭᐅᓪᓗᑎᑦ “ᑐᓴᖅᓯᒪᔭᕗᑦ” ᓇᐃᓈᖅᓯᒪᔪᖅ ᐅᓂᒃᑳᖅ ᐊᐱᖅᓱᕐᓂᒃᑯᑦ ᖃᐅᔨᒐᓱᐊᕐᓂᖅ ᐃᓱᓕᓚᐅᖅᑎᓪᓗᒍ, ᑭᖑᓪᓕᐹᖅᓯᐅᑎᖓᓗ ᐊᐅᓚᑦᓯᓂᐅᑉ ᐸᕐᓇᐅᑎᖓ ᐊᑐᐃᓐᓇᕈᑐᐊᖅᑲᑦ ᐱᔭᑦᓴᐅᓂᐊᕐᒥᔪᖅ.
- Date modified :