Kanuk nunatsualimami imanik piulimatsigasuannik iluani Torngat Area Tusugijaujuit tukiKammangat

Paigijaunitsanga Torngat Nunagita Tusugijaujut (“Torngat-AOI”) unuttunut tukiKajuk unuttunut inunnut. Nunatsiavut kavamanga amma kavamanga Canada angiutijok KaujisattuKagiaKanninganik pimmagaiuajuaka, amma ikKanalluni sivuppigiamik akunimut piukimatsiniuniattumik nunamik.

Piulimatsigasuannik tukiKajuk Canada atausigiallamik sivuppiagutiKagiamut kajusititsigiamik paitsigiamut 25 per cent nunaup nunagijanginnik amma imagijanginnik sivungani 2025. Pingutitauppat, nutak nunatusalimami imanik piulimatsigiamik iluani Torngat-AOI sakKegajakKuk paitsigimaik ilikKusitigut pimmagiujunik Inuit InigiKattasimajanginnik, nunaujop ilutsinginnik, amma ikKanattunik nunaujumi inigijausonik

Kaujisanniuluni kamannik sivulittiKaniakKuk Inuit Kaujimausinginnik amma Itivimmiut Kaujimausinginnik katitsutaumajunik amma allataumajunik Nunatsiavut nunagijanginni ikajuttilugu Nunatsiavut kavamanga ilangaulluni Imappivut (Our Oceans): A Nunatsiavut Marine Plan Initiative. Parks Canada suliaKaKataujuk Nunatsiavut kavamanganut, amma tamammik ilautitsiniattok amma uKalaKataullutik namminiliujunut sollu kavamanganut Newfoundland and Labrador amma Makivik Corporation, kiggatujut Kanuttogutinginnik Nunavik Inuit, Kaujisattisigiamik kamallutillu sakKititaugajattunik amma aulataugajattunik Kinugautaujumut nutamut Atuttausainnatumut paigijaugialinnut nunanut iluani Torngat-AOI.