ᐱᕙᓪᓕᐊᔪᓂ ᓴᖅᑭᑎᑕᐅᔪᖅ

ᖁᑦᑎᓐᓂᖅᐹᖅ ᑲᓇᑕᒥ ᒥᙳᐃᓯᕐᕕᖓᑕ ᑲᓇᑕᓕᒫᒧᑦ ᐊᐅᓚᑦᑎᓂᕐᒧᑦ ᐸᕐᓇᐅᑎᖓ ᓴᖅᑭᑕᐅᔪᖅ ᒪᓕᒐᓕᐅᕐᕕᒡᔪᐊᕐᒥ

ᐸᕐᓇᐅᑦ ᐃᖃᔪᖅᓯᒍᑕᐅᓂᐊᖅᑐᖅ ᓴᐳᔾᔨᒍᑕᐅᖁᓪᓗᒍ ᑲᓱᖅᓯᒍᑕᐅᖁᓪᓗᒍᓗ ᑲᓇᑕᒥᐅᓂᑦ ᓄᓇᑐᐃᓐᓇᕐᒧᑦ ᓄᓇᕗᒻᒥ

ᑲᓇᑕᒥ ᒥᕐᖑᐃᖅᓯᕖᑦ ᐊᖅᑯᑎᐅᖕᒪᑕ ᖃᐅᔨᒋᐅᕈᒪᔪᓄᑦ, ᐃᓕᑦᑎᕚᓪᓕᕈᒪᔪᓐᓄᑦ ᒥᑦᓵᓄᑦ, ᑲᓱᕐᕕᑦᓯᐊᕙᐅᓪᓗᓂᓗ ᓄᓇᑐᐃᓐᓇᕐᒧᑦ. ᒥᕐᖑᐃᖅᓯᕕᓕᕆᔩᑦ ᑲᓇᑕᒥ ᐃᓕᓴᕆᔭᐅᓯᒪᕗᑦ ᓯᕗᓕᕐᓂᖏᓐᓂᑦ ᐊᑐᓗᐊᑦᑕᐃᓕᒪᑎᑦᓯᓂᕐᒥᒃ ᖃᓄᐃᒋᐊᕈᑎᖃᕈᓐᓇᕐᓂᖏᓐᓂᓪᓗ ᓴᐳᔾᔭᐅᖁᓪᓗᒋᑦ ᑲᓇᑕᒥ ᒥᕐᖑᐃᓯᕐᕖᑦ ᐊᒻᒪ ᑲᓇᑕᒥ ᑕᕆᐅᕐᒥᐅᑕᐃᑦ ᓴᐳᑎᔭᐅᕕᖏᑦ ᐃᑯᕐᕆᖅᑕᐅᓂᒃᑯᑦ ᐅᑎᖅᐸᓪᓕᐊᖁᓪᓗᒋᑦ ᐆᒪᔪᐃᑦ ᓄᖑᑉᐸᓪᓕᐊᔪᑦ ᐊᑦᑕᓇᖅᑐᒦᑦᑐᑦ.

ᓄᑖᖅ ᐊᐅᓚᑦᑎᓂᕐᒧᑦ ᐸᕐᓇᐅᑎ ᖁᑦᑎᒃᑐᖅ ᒥᕐᙳᐃᓯᕐᕕᖓᓄᑦ ᓴᖅᑭᑎᑕᐅᓚᐅᖅᐳᖅ ᒪᓕᒐᓕᐅᕐᕕᒡᔪᐊᒥ ᑎᓯᐱᕆ 12, 2023. ᕿᒥᕐᕈᔭᐅᕙᒃᑐᑎᓪᓗ ᑖᒃᑯᐊ ᐊᕐᕌᒍᑦ ᖁᓕᑦ ᐊᓂᒍᕌᖓᑕ, ᐊᐅᓚᑦᑎᓂᕐᒧᑦ ᐸᕐᓇᐅᑎᓕᐅᕆᐊᖃᓲᖑᕗᑦ ᒪᓕᓪᓗᒍ ᑲᓇᑕᒥ ᒥᕐᖑᐃᓯᕐᕕᖕᓄᑦ ᐱᖁᔭᕐᔪᐊᖓ ᖃᐅᔨᒪᔾᔪᑕᐅᕙᒃᑐᑎᓪᓗ ᑕᓯᐅᖅᓯᒋᐊᕈᑕᐅᓪᓗᑎᒃ ᐊᐅᓚᑕᐅᔾᔪᑎᓄᑦ ᑲᓇᑕᒥ ᐃᑦᑕᕐᓂᓴᖃᕐᕕᖕᓄᑦ, ᑲᓇᑕᒥ ᒥᕐᖑᐃᓯᕐᕕᖕᓄᑦ, ᐊᒻᒪ ᑲᓇᑕᒥ ᑕᕆᐅᕐᒥᐅᑕᐃᑦ ᓴᐳᑎᔭᐅᕕᖏᓐᓄᑦ.

ᐃᓚᒋᔭᐅᓪᓗᓂ ᑖᓐᓇ ᑲᓇᑕᐅᑉ ᐅᑭᐅᖅᑕᖅᑐᖓᑕ ᕿᑭᖅᑕᖏᓐᓄᑦ, ᖁᑦᑎᒃᑐᖅ ᒥᕐᖑᐃᓯᕐᕕᒃ ᐊᐅᓱᐃᑦᑑᑉ ᕿᑭᖅᑖᓗᐊᑕ ᓄᕗᐊᓃᑉᐳᖅ. ᐊᑦᑎᖅᑕᐅᓯᒪᔪᖅ ᐃᓄᓐᓄᑦ, "ᖁᑦᑎᓂᖅᐹᒥᑦ," ᑐᑭᓕᒃ “ᖄᖓᓃᑦᑐᖅ” – ᐊᑎᖅᑕᐅᑦᓯᐊᖅᓯᒪᔪᖅ ᖁᑦᑎᓐᓂᖅᐹᖓᓃᓐᓂᖓᓄᑦ ᑲᓇᑕᒥ ᒥᕐᖑᐃᓯᕐᕕᐅᔪᓂ, 800 ᑭᓛᒥᑕᑐᐃᓐᓇᐃᑦ ᑐᖔᓂᑦ ᐅᐊᖕᓇᖓᓃᑦᑐᖅ ᓄᓇᕐᔪᐊᑉ ᑲᔾᔨᖓᑕ.

ᑐᓐᖓᕕᒋᓪᓗᒋᑦ ᐅᖃᐅᓯᐅᓯᒪᔪᑦ ᖃᐅᓱᐃᑦᑐᒥᐅᑦ ᐊᐅᓱᐃᑦᑐᒥᐅᓪᓗ ᐃᓄᖏᓐᓄᑦ ᐊᓯᖏᓪᓗ ᐱᓕᕆᖃᑕᐅᔪᓄᑦ, ᐱᖃᑕᐅᓪᓗᑎᒃ ᑲᓇᑕᐅᑉ ᐊᒻᒪ ᓄᓇᕗᓪᓗ ᒐᕙᒪᒃᑯᖏᑕ ᐱᓕᕆᕝᕕᖏᑦ, ᐃᓄᐃᑦ ᑲᑐᔾᔨᖃᑎᒌᖏᑦ, ᐃᓕᓐᓂᐊᖅᑐᓕᕆᓂᕐᒥ ᖃᐅᔨᓴᖅᑏᑦ, ᐊᒻᒪ ᐳᓛᕆᐊᖃᑦᑕᖅᓯᒪᔪᑦ ᑭᖑᓂᑦᑎᓐᓂ ᒫᓐᓇᓗ, ᐊᐃᑉᐸᕈᑕᖓ ᐊᐅᓚᑦᑎᓂᕐᒧᑦ ᐸᕐᓇᐅᑦ ᖁᑦᑎᓂᖅᐹᑉ ᑲᓇᑕᒥ ᒥᕐᖑᐃᓯᕐᕕᖓᓄᑦ ᑕᓯᐅᖅᓯᒋᐊᕈᑕᐅᓂᐊᖅᐳᖅ ᒥᕐᖑᐃᓯᕐᕕᐅᑉ ᐊᐅᓚᑕᐅᓂᖓᓄᑦ ᐅᑭᐅᓄᑦ ᖁᓕᓄᑦ ᖃᐅᔨᒪᔭᐅᑦᓯᐊᕈᑎᐅᓰᓐᓈᑦ ᐃᓄᐃᑦ ᐱᔪᓐᓇᐅᑎᖏᑦ ᓴᐳᑎᔭᐅᓯᒪᖁᓪᓗᒋᑦ ᐊᒻᒪ ᐃᓄᐃᑦ ᖃᐅᔨᒪᓂᖏᑦ ᐅᕝᕙᓘᓐᓃᑦ ᖃᐅᔨᒪᔭᑐᖃᖏᑦ ᑕᓯᐅᖅᓯᒋᐊᕈᑕᐅᖁᓪᓗᒋᑦ ᐊᐅᓚᑦᑎᓂᕐᒥ ᐃᓱᒪᓕᐊᕆᔭᐅᔪᓄᑦ.

ᐊᖅᑯᑎᒋᓗᒋᑦ ᑖᒃᑯᐊ ᐊᐅᓚᑦᑎᓂᕐᒧᑦ ᐸᕐᓇᐅᑏᑦ, ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᓴᐳᔾᔨᓂᐊᖅᐳᑦ ᐆᒃᑑᑎᑦᑎᐊᕙᐅᓪᓗᓂᓗ ᓄᓇᒥᙶᖅᑐᑦ ᐱᓪᓗᒋᑦ ᐃᑦᑕᕐᓂᓴᐃᑦ ᑲᓇᑕᒥ ᑲᒪᒋᔭᐅᓂᖏᑦ, ᐃᓚᐅᕙᒃᑐᑎᒃ ᐱᓕᕆᖃᑎᖃᖅᐸᒃᑐᑎᓪᓗ ᐃᓄᖕᓂᒃ, ᐱᕕᖃᖅᑎᑕᐅᓪᓗᑎᓪᓗ ᑲᓇᑕᒥᐅᑦ ᐊᑐᕈᓐᓇᖁᓪᓗᒋᑦ ᖃᐅᔨᓗᑎᓪᓗ ᐊᕙᑎᑦᑎᓐᓂ ᓄᑖᓂᑦ ᓴᓇᑐᓂᒃᑯᑦ ᐱᔾᔪᓯᐅᔪᓂᑦ.

ᓄᑖᖅ ᐸᕐᓇᐅᑎᖓ ᖁᑦᑎᓐᓂᖅᐸᖅ ᑲᓇᑕᒥ ᒥᕐᖑᐃᓯᕐᕕᖓᑕ ᐱᓗᐊᕐᓂᖏᑦ ᓇᓗᓇᐃᔭᖅᑕᐅᔪᑦ ᖃᓄᖅᑑᕈᑏᑦ:

• ᐅᐱᒋᓗᒋᑦ ᑲᑐᔾᔨᓂᒃᑯᑦ ᐊᖏᕈᑕᐅᓯᒪᔪᑦ: ᓴᙱᒃᑎᒋᐊᕐᓗᒋᑦ ᐃᓄᐃᑦ ᐃᓚᐅᑎᑕᐅᓂᖏᑦ ᖁᑦᑎᓂᖅᐹᖅ ᑲᓇᑕᒥ ᒥᕐᖑᐃᓯᕐᕕᖓᓂ ᐊᐅᓚᑦᑎᖃᑕᐅᓂᖏᑦ ᒥᕐᖑᐃᓯᕐᕕᒻᒥᑦ ᐊᐅᓚᑦᑎᓂᕐᒥ, ᐱᕚᓕᑎᑦᓯᖃᑕᐅᓗᑎᒃ ᑮᓇᐅᔭᓕᐅᕋᓱᐊᕈᑕᐅᔪᓐᓇᖅᑐᓂᑦ, ᐱᕚᓪᓕᑎᑦᓯᖃᑕᐅᓗᑎᒡᓗ ᓄᓇᓕᐅᑉ ᐊᒃᑐᐊᖃᑕᐅᑦᓯᐊᒋᐊᖃᕐᓂᖓᓂᑦ ᖃᓂᒋᔭᖏᓐᓃᑦᑐᓄᑦ ᒥᕐᖑᐃᓯᕐᕕᐅᑉ.
• ᐱᓕᕆᖃᑎᒌᖕᓂᖅ: ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᑲᑐᔾᔨᖃᑎᖃᕋᓱᐊᑦᓯᐊᓲᖑᕗᑦ ᐱᓕᕆᖃᑎᒋᔭᒥᓂᒃ ᓴᙱᒃᑎᒋᐊᕈᑎᒃᓴᓂᒃ ᐃᓄᐃᑦ ᐃᓚᒋᔭᐅᖁᓪᓗᒋᑦ ᐊᑦᑐᐊᔪᓂᑦ ᖁᑦᑎᓂᖅᐹᖅ ᑲᓇᑕᒥ ᒥᕐᖑᐃᕐᕕᖓᓄᑦ. ᑲᑐᔾᔨᖃᑎᒌᖕᓂᒃᑯᑦ, ᐱᓇᓱᐊᑦᓯᐊᐸᑉᐳᒍᑦ ᓇᓕᒧᑦᓯᐊᖁᓪᓗᒋᑦ ᖃᐅᔨᓴᕐᓂᕐᒧᑦ ᐊᑦᑐᐊᔪᑦ, ᐳᓚᕋᖅᑐᓕᕆᓂᖅ, ᐊᒻᒪ ᐃᓪᓗᐃᑦ ᐊᐅᓚᑦᓯᕕᐅᔪᓐᓇᖅᑐᑦ, ᓄᓇᓕᐅᔪᓄᓪᓗ ᐱᓕᕆᐊᒃᑯᒥᒋᔭᐅᔪᑦ, ᐊᒻᒪ ᓴᙱᒃᑎᒋᐊᕐᓗᒋᑦ ᐃᓄᐃᑦ ᐃᓚᐅᓂᖏᑦ ᖃᐅᔨᓴᖅᑐᓕᕆᓂᕐᒥ.
• ᐃᓕᑉᐸᓪᓕᐊᓂᖅ ᐃᓄᖕᓂᒃ ᓄᓇᒥᓪᓗ: ᐊᐅᓚᑦᑎᔾᔪᑎᖏᓐᓂ ᖁᑦᑎᓂᖅᐹᑉ ᑲᓇᑕᒥ ᒥᕐᙳᐃᓯᕐᕕᖓᑕ ᑲᑎᑎᑦᑎᔪᒪᕗᑦ ᖃᐅᔨᓴᖅᑐᓕᕆᔨᓂᑦ ᐊᒻᒪᓗ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ (ᐃᓄᐃᑦ ᖃᐅᔨᒪᔭᖏᓐᓂᒃ) ᑲᒪᒋᔭᐅᑦᓯᐊᖁᓪᓗᒋᑦ ᐱᓕᕆᐊᖑᔪᑦ ᑕᐃᔭᐅᔪᒥ ᐊᕙᑎᑦᑎᓐᓂᒃ ᑲᒪᑦᑎᐊᕐᓂᖅ (ᐃᒃᐱᒋᔭᖃᑦᑎᐊᕐᓂᖅ ᑲᒪᒋᔭᖃᑦᑎᐊᕐᓂᕐᓗ ᐊᕙᑎᒥᒃ) ᐊᖏᒡᓕᒋᐊᖅᑎᑦᑎᓗᓂᓗ ᑐᑭᓯᐅᒪᓂᕆᔭᑦᑎᓐᓂᒃ ᓄᓇᒥ ᐃᓕᖅᑯᓯᑐᖃᓕᕆᓂᕐᒥ ᐊᓐᓂᕆᔭᐅᔪᓂᒃ ᐊᑑᑎᖃᖅᑐᓂᓪᓗ ᒥᕐᙳᐃᓯᕐᕕᓕᕆᓂᕐᒥ ᓯᓚᑖᓃᑦᑐᓄᓪᓗ ᐊᕕᑦᑐᖅᓯᒪᔪᓂ. ᑕᒪᓐᓇ ᖃᐅᔨᒪᓂᕆᔭᐅᔪᖅ ᑲᔪᖏᖅᓴᐃᒍᑕᐅᖁᓪᓗᒍ ᓄᓇᕐᔪᐊᓕᒫᒥᒃ ᐅᐱᓐᓇᕐᓂᖓᓂᑦ ᑐᑭᓯᕕᐅᔪᓐᓇᕐᓂᖓᓂᓪᓗ ᐅᑭᐅᖅᑕᖅᑐᖅ ᖁᑦᑎᓂᖅᐹᖓ, ᐊᒃᑐᐃᓂᕆᕙᑦᑕᖓᓂᓪᓗ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᑕ ᐃᓄᐃᓪᓗ ᖃᓄᖅ ᓯᓚᑐᓂᒃᑯᑦ ᓴᓇᑐᔪᓐᓇᕐᓂᖏᑦ ᖃᓄᐃᒋᐊᕈᓐᓇᕐᓂᖏᓪᓗ ᓴᒻᒥᔭᐅᑎᓪᓗᒋᑦ ᐊᑦᓱᕈᕐᓇᖅᑐᓄᑦ ᐊᓯᔾᔨᖅᐸᓪᓕᐊᓂᐅᔪᓄᓪᓗ.

ᖁᑦᑎᓐᓂᖅᐸᖅ ᒥᕐᖑᐃᓯᕐᕕᒻᒧᑦ ᐊᐅᓚᑦᑎᓂᕐᒧᑦ ᐸᕐᓇᐅᑦ ᐊᑐᐃᓐᓇᐅᑎᑕᐅᔪᖅ ᑕᑯᒋᐊᖅᑕᐅᔪᓐᓇᖅᑐᑦ ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᐃᑭᐊᖅᑭᕕᖓᓂ ᐅᕗᖓ: parks.canada.ca/pn-np/nu/quttinirpaaq/info/plan-in/gestion-management-2023-in. ᖃᐅᔨᒃᑲᓐᓂᕈᒪᒍᕕᑦ ᖁᑦᑎᓐᓂᖅᐸᖅ ᒥᕐᖑᐃᓯᕐᕕᐅᑉ ᒥᒃᓵᓄᑦ, ᑕᑯᒋᐊᕈᓐᓇᖅᐳᑎᑦ ᐅᕗᖓ: parks.canada.ca/quttinirpaaq (ᖃᓪᓗᓈᑎᑐᑦ ᑭᓯᐊᓂ).

ᐅᖃᐅᓯᐅᔪᖅ

"ᑲᓇᑕᒥ ᐃᑦᑕᕐᓂᓴᖃᕐᕖᑦ, ᑲᓇᑕᒥ ᒥᕐᖑᐃᖅᓯᕖᑦ, ᐊᒻᒪ ᑲᓇᑕᒥ ᑕᕆᐅᕐᒥᐅᑕᓂᒃ ᓴᐳᔾᔨᕖᑦ ᐃᓂᖏᑦ ᑲᑐᔾᔨᖃᑎᒌᒍᑕᐅᓂᖏᑦ ᐅᐱᒋᔭᐅᕗᑦ ᑲᓇᑕᒥᐅᓕᒫᓄᑦ. ᓴᐳᔾᔨᒍᑕᐅᒻᒪᑕ ᐊᒥᖅᑳᕈᑕᐅᒋᐊᓕᓐᓂᑦ ᓄᓇᒥᙶᖅᑐᓂᒃ ᐃᓕᖅᑯᓯᑐᖃᐅᔪᓂᓪᓗ ᐊᑐᖅᑕᐅᕙᒃᑐᑐᖃᕕᓂᕐᓂᑦ, ᐃᑲᔪᖅᑐᐃᓪᓗᑎᒃ ᐊᔾᔨᒌᙱᕈᓘᔭᖅᑐᓂᒃ ᐆᒪᔪᓐᓇᖅᑐᓕᒫᓂᑦ ᐃᓂᖏᓐᓂᓗ, ᐅᓂᒃᑲᐅᓯᐅᕙᒃᑐᓪᓗ ᑐᓴᖅᑕᐅᔪᓐᓇᖅᑐᑎᒃ ᑲᓇᑕᒥ ᖃᓄᐃᑦᑑᒐᓗᐊᖅᐸᑕ ᐃᓱᒪᔾᔪᓯᐅᔪᑦ. ᑖᒃᑯᐊ ᐃᓂᖏᑦ ᓄᓇᒥ ᐊᒥᓱᒻᒪᕆᓐᓄᑦ ᑲᓇᑕᒥᐅᓄᑦ ᐳᓚᕋᖅᐸᒃᑐᓄᓪᓗ ᓄᓇᕐᔪᐊᓕᒫᒥᑦ ᑲᓱᖅᑎᑦᓯᒍᑕᐅᕙᒻᒪᑕ ᐊᑐᖃᑦᑕᖅᓯᒪᔪᓄᑦ ᑭᖑᓂᑦᑎᓐᓂ ᖃᐅᔨᒋᐅᖅᑎᑦᓯᒍᑕᐅᕙᑦᑐᑎᓪᓗ ᓄᓇᑐᐃᓐᓇᕐᒨᓕᖓᔪᓂᑦ ᖃᐅᑕᒫᑦ. ᖁᔭᒋᔪᒪᕙᒃᑲ ᐃᑲᔪᓚᐅᖅᑐᑦ ᐊᐅᓚᑦᑎᓂᖕᒧᑦ ᐸᖕᓇᐅᑎᖓᓂᑦ ᖁᑦᑎᓂᖅᐹᖅ ᑲᓇᑕᒥ ᒥᕐᖑᐃᓯᕐᕕᖓᑕ ᐋᖅᑭᒃᓱᐃᔾᔪᑕᐅᓂᐊᖅᑐᑎᓪᓗ ᓯᕗᓂᒃᓴᖓᓂᑦ ᑖᔅᓱᒪ ᐃᓂᖓᓂᑦ ᓄᓇᐅᑉ. ᐱᒃᑯᒋᕙᕋ ᑕᒪᓐᓇ ᐱᓕᕆᖃᑎᒌᑦᓯᐊᕐᓂᖅ ᑲᒪᑦᓯᐊᕋᓱᐊᕐᓂᕐᓗ ᑲᑐᔾᔨᓂᒃᑯᑦ ᖁᑦᑎᓂᖅᐹᑉ ᑲᓇᑕᒥ ᒥᕐᙳᐃᓯᕐᕕᖓ ᑲᔪᓯᑦᓯᐊᖁᓪᓗᒍ ᓴᐳᔾᔨᓯᒪᓂᕆᔪᓐᓇᖅᑕᖓ ᑲᑐᔾᔨᒍᑕᐅᔪᒥᒃ ᑲᓇᑕᒥ ᐃᑦᑕᕐᓂᑕᖃᕐᕖᑦ ᖁᕕᐊᒋᔭᐅᖁᓪᓗᒋᓪᓗ ᑭᖑᕚᕇᓄᑦ ᐊᕐᕌᒍᕋᓴᕐᓄᑦ ᐊᒡᒋᖅᑐᓄᑦ."

ᒪᓕᒐᓕᐅᖅᑎ ᐅᐱᓐᓇᖅᑐᖅ ᓯᑏᕙᓐ ᒋᐅᓪᐴᓪᑦ
ᒥᓂᔅᑕ ᐊᕙᑎᓕᕆᔨᓄᑦ ᐊᒻᒪ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄᑦ ᐊᒻᒪ ᒥᓂᔅᑕ ᑲᒪᒋᔭᓕᒃ ᒥᕐᙳᐃᓯᕕᐅᔪᓂᑦ ᑲᓇᑕᒥ

ᓇᐃᓈᖅᓯᒪᔪᑦ ᓱᓕᔪᑦ

• ᖁᑦᑎᓂᖅᐹᖅ ᒥᕐᖑᐃᓯᕐᕕᒃ ᓴᐳᔾᔨᓯᒪᕗᖅ 37,775 ᑭᑉᐹᕆᑦᑐᑦ ᑭᓛᒥᑕᓂᑦ ᐊᖏᓂᓕᒻᒥᑦ ᓄᓇᒥ ᐅᐊᓐᓇᖓᓂ ᐊᐅᓱᐃᑦᑑᑉ ᕿᑭᖅᑖᓗᐊᑕ ᐊᒻᒪ ᑲᓇᑕᐅᑉ ᐅᐊᓐᓇᖓᓃᓐᓂᖅᐹᖑᓪᓗᓂ ᐊᐃᑉᐸᖓᓂᓗ ᐊᖏᓂᖅᐹᖑᔪᖅ ᑲᓇᑕᓕᒫᒥᑦ ᒥᕐᖑᐃᓯᕐᕕᐅᓂᖓ. ᖁᑦᑎᒃᑐᖅ ᐃᓄᒃᑎᑐᑦ ᑐᑭᖓ "ᖁᑦᑎᓂᖅᐹᖅ," ᐅᖃᐅᓯᓕᒃ ᒥᕐᖑᐃᓯᕐᕕᐅᑉ ᓱᑯᑦᓯᐊᓃᓐᓂᖓᓂᒃ ᓄᓇᕐᔪᐊᒥ.
• ᖁᑦᑎᓐᓂᖅᐹᖅ ᐊᑑᑎᖃᒻᒪᕆᑦᑐᖅ ᑐᑭᓯᕚᓪᓕᕈᑕᐅᓯᒪᓂᖓ ᐃᓄᓐᓄᑦ ᑭᖑᓂᑦᑎᓐᓂ ᐊᑐᖅᑕᐅᓯᒪᔪᑦ ᐅᑭᐅᖅᑕᖅᑐᒥ ᐱᓪᓗᒋᑦ, ᐃᓚᖏᓪᓗ ᓄᑕᐅᙱᓛᖑᓪᓗᑎᒃ ᐱᑕᖃᓛᖑᓂᖓᓗ ᐅᑭᐅᖅᑕᖅᑐᒥ ᐃᑦᑕᕐᓂᓴᑐᖃᕐᓂᑦ ᐃᓗᐊᓂ ᑭᒡᓕᖓᑕ. ᒥᕐᖑᐃᓯᕐᕕᐅᑉ ᓄᓇᖓ ᓯᕐᒥᖃᐅᖅᑐᒻᒪᕆᐅᓂᖓ ᖃᖅᑲᖃᐅᕐᓂᖓᓗ ᐊᓚᒡᒐᐃᑐᒻᒪᕆᐅᕗᖅ ᑭᓯᐊᓂᓗ ᑕᐸᐃᕐᓇᓗᐊᒃᑲᓐᓂᖅᐳᖅ ᐱᑕᖃᐅᕐᓂᖓ ᐊᔾᔨᐅᖏᑦᑐᓂᑦ ᓄᓇᖓ ᖃᓄᐃᑦᑐᑐᐃᓐᓇᕐᓂᑦ ᐆᒪᔪᓂᑦ ᓇᔪᖅᑕᖏᓐᓄᓪᓗ ᐊᑦᑐᐊᔪᓂᑦ. ᑖᓐᓇ ᒥᕐᙳᐃᓯᕐᕕᒃ ᑕᐅᑐᒃᑕᐅᕗᖅ ᓄᓇᕐᔪᐊᓕᒫᒥᑦ ᖃᐅᔨᕕᐅᔪᓐᓇᕐᓂᖓ ᖃᓄᑎᒋ ᐊᒃᑐᐃᕙᓪᓕᐊᒻᒪᖔᑦ ᓯᓚᐅᑉ ᐊᓯᔾᔨᖅᐸᓪᓕᐊᓂᖓ.
• ᐳᓛᕆᐊᕈᓐᓇᕐᓂᖅ ᖁᑦᑎᓂᖅᐹᑉ ᒥᕐᙳᐃᖅᓯᕐᕕᖓᓄᑦ ᐊᒃᑐᐃᓯᒪᒻᒪᕆᑉᐳᖅ ᐱᔾᔪᑎᒋᓪᓗᒍ ᐊᑐᐃᓐᓇᖅᑕᖃᕆᐊᖃᕐᓂᖓ ᐊᑐᖅᑕᐅᔪᓐᓇᖅᑐᓄᑦ ᐳᓚᕋᑎᓄᑦ ᒫᓐᓇ ᐅᒥᐊᕐᔪᐊᒃᑯᑦ ᖃᖓᑕᔫᒃᑯᓪᓗ ᑭᓯᐊᓂ ᐳᓛᕆᐊᕈᒪᔪᑦ ᒥᕐᙳᐃᖅᓯᕐᕕᓕᐊᕈᓐᓇᖅᐸᒻᒪᑕ. 2008−ᓗ − 2017−ᓗ ᐊᑯᓐᓂᖏᓐᓂ, ᐊᕐᕌᒍᑕᒫᑦ ᐳᓛᕆᐊᕋᔪᓚᐅᖅᑐᑦ ᐅᒥᐊᕐᔪᐊᑕᖃᖅᐸᑎᓐᓇᒍ 17-ᑐᐃᓐᓇᐅᒐᔪᓚᐅᖅᑐᑦ. ᑕᒪᓐᓇᐅᓚᐅᖅᑎᓪᓗᒍ, ᐊᕐᕌᒍᐃᑦ ᐃᓗᐊᓂ ᐱᖓᓱᑦ ᐅᒥᐊᕐᔪᐊᑦ ᑐᓚᒍᓐᓇᖅᓯᓚᐅᖅᑎᓪᓗᒋᑦ, ᒥᕐᖑᐃᓯᕖᑦ ᐅᐸᑦᑕᐅᒍᓐᓇᓕᓚᐅᖅᑐᖅ ᖃᓂᒋᔮᓂ 215−ᓄᑦ ᐳᓛᕆᐊᖅᑐᓄᑦ ᑖᒃᑯᐊ ᓄᓇᖏᓐᓄᑦ. ᐃᓚᒋᐊᕈᑎᒋᓗᒍ, ᐃᒻᒪᖃ 20 ᖃᓂᒋᔮᓂ ᖃᐅᔨᓴᖅᑏᑦ ᐊᕐᕌᒍᑕᒫᑦ ᒥᕐᖑᐃᓯᕐᕕᒻᒨᕈᓐᓇᖅᓯᓚᐅᖅᑐᑦ, ᐅᓪᓗᓄᑦ ᑕᓪᓕᒪᓄᑦ ᑕᖅᑮᒃ ᒪᕐᕉᓐᓄᑦ ᑎᑭᓪᓗᒍ, ᐊᒻᒪᓗ 40−ᓂᑦ 150−ᓄᑦ ᑲᓇᑕᒥ ᐅᓇᓕᑦᓴᔭᐃᑦ ᐃᖅᑲᓇᐃᔭᖅᑎᖏᑦ ᐊᑐᕈᓐᓇᖅᓯᓚᐅᖅᑐᑦ ᓯᔾᔭᕆᑦᑑᑉ ᑲᖏᖅᑐᖓᑕ ᒥᕝᕕᖓᓄᑦ ᐱᕕᑦᓴᐅᓂᖓ ᐊᐅᓚᓂᖓᓗ ᒪᑐᐃᖓᓂᖓᓂ ᒥᕐᖑᐃᓯᕐᕕᐅᑉ, ᑭᓯᐊᓂ ᓯᓂᑦᑕᕋᔪᐃᓚᐅᖅᑐᑦ.
• ᑲᓇᑕᐅᑉ ᒐᕙᒪᒃᑯᖏᑦ ᖁᕕᐊᓲᑎᖃᖅᐳᑦ ᐃᓚᒌᑦ ᐊᑭᖃᙱᑦᑐᒥᑦ ᒥᕐᙳᐃᓯᕐᕕᓐᓄᑦ ᐊᐅᓚᑕᐅᔪᓄᑦ ᑲᓇᑕᒥ ᐃᓯᕈᓐᓇᖅᑎᑕᐅᒻᒪᑕ ᒪᒃᑯᒃᑐᑦ ᐅᑭᐅᑲᖅᑐᑦ 17ᓂᑦ ᑐᖔᓂᓗ. ᐃᑦᑕᕐᓂᓴᖃᕐᕖᑦ ᒪᒃᑯᒃᑐᓄᑦ ᐊᑑᑎᖃᑦᓯᐊᖅᐳᑦ ᖃᐅᔨᒃᑲᓐᓂᖁᓪᓗᒋᑦ ᓯᓚᐅᑉ ᒥᑦᓵᓄᑦ ᐃᓕᓐᓂᐊᑲᓐᓂᕈᑕᐅᔪᓐᓇᕐᓂᖏᓐᓄᓪᓗ ᐊᕙᑎᓕᕆᓂᕐᒥᑦ ᐱᐅᓯᕆᔭᐅᖃᑦᑕᖅᓯᒪᔪᓂᓪᓗ ᑭᖑᓂᑦᑎᓐᓂ. ᓯᕗᓪᓕᐅᔾᔭᐅᔪᒪᔪᑦ ᐊᒻᒪ ᑎᑭᐅᑎᔭᐅᔪᒪᔪᑦ ᑕᕝᕙᓂ ᓄᑖᕐᒥ ᐊᐅᓚᑦᑎᓂᕐᒧᑦ ᐸᕐᓇᐅᑎᐅᔪᒥ ᑕᐅᑐᓐᓂᖅᓴᐅᔪᒪᕗᑦ ᐱᕙᓪᓕᕈᑕᐅᔪᓐᓇᖅᑐᓂᑦ ᑲᓱᑦᓯᐊᕈᑕᐅᔪᓐᓇᖅᑐᓂᓪᓗ ᐊᑯᓐᓂᖏᓐᓂ ᖁᑦᑎᓂᖅᐹᑉ ᑲᓇᑕᒥ ᒥᕐᖑᐃᓯᕐᕕᖓᑕ ᐊᒻᒪ ᐃᓄᐃᑦ ᒪᒃᑯᒃᑐᑦ ᓄᓇᓕᖏᖕᓂ ᖃᐅᓱᐃᑦᑑᑉ ᐊᒻᒪ ᐊᐅᓱᐃᑦᑑᑉ.

ᐊᒃᑐᐊᔪᑦ ᑲᓱᕐᕖ

• ᖁᑦᑎᓂᖅᐹᖅ ᑲᓇᑕᒥ ᒥᕐᖑᐃᓯᕐᕕᖓᑕ ᐊᐅᓚᑦᑎᓂᕐᒧᑦ ᐸᕐᓇᐅᑎᖓ − ᖃᓪᓗᓈᑎᑐᑦ
• ᖁᑦᑎᓂᖅᐹᖅ ᑲᓇᑕᒥ ᒥᕐᖑᐃᓯᕐᕕᖓᑕ ᐊᐅᓚᑦᑎᓂᕐᒧᑦ ᐸᕐᓇᐅᑎᖓ − ᐃᓄᑦᑎᑐᑦ
• ᖁᑦᑎᓂᖅᐹᖅ ᑲᓇᑕᒥ ᒥᕐᖑᐃᓯᕐᕕᒃ
• ᖁᑦᑎᓂᖅᐹᖅ ᑲᓇᑕᒥ ᒥᕐᖑᐃᓯᕐᕕᒃ ᕙᐃᔅᕗᒃᒥ − ᖃᓪᓗᓈᑐᑎᑦ/ᐃᓄᑦᑎᑐᑦ
• ᖁᑦᑎᓂᖅᐹᖅ ᑲᓇᑕᒥ ᒥᕐᖑᐃᓯᕐᕕᒃ ᑐᐃᑐᒥ (Twitter) - ᖃᓪᓗᓈᑎᑐᑦ/ᐃᓄᑦᑎᑐᑦ

ᖃᐅᔨᒋᐊᕐᕕᒃᓴᑦ

ᓵᓐ ᑖ'ᐋᔨᓐᑯᐊᑦ ᐳᕆᓐᑕᑉ
ᓯᓚᑖᓃᑦᑐᓂᒃ ᐊᓪᓚᕝᕖᑦ
ᑐᓴᐅᒪᖃᑎᒌᓐᓂᕐᒧᑦ ᑲᑐᔾᔨᖃᑎᖃᕐᓂᕐᒧᓗᒃ ᐊᐅᓚᑦᑎᔨ
ᓄᓇᕗᒻᒥ ᓄᓇᑐᐃᓐᓇᕐᒥ ᐱᓕᕆᖃᑎᒌᑦ ᐊᓪᓚᕝᕕᖏᓐᓄᑦ
1-867-222-8361
seane.dargencourtprintup@pc.gc.ca

ᑐᓴᒐᒃᓴᓕᕆᔩᑦ
ᑲᓇᑕᒥ ᒥᕐᖑᐃᓯᕐᕕᓕᕆᔨᒃᑯᓐᓄᑦ
1-855-862-1812
pc.media@pc.gc.ca