ᐊᕐᕌᒍᑕᒫᑦ ᐊᐅᓚᑦᑎᓂᕐᒧᑦ ᐸᕐᓇᐅᑦ ᐊᑐᓕᖅᑎᑕᐅᓂᖓᓄ ᑐᑭᓯᒋᐊᕈᑏᑦ 2021-2022

---

---

ᐃᓗᓕᕆᔭᖏᑦ

• ᓄᕙᒡᔪᐊᕐᓇᖅ-19 ᖃᓄᐃᓕᓯᒋᐊᕐᓂᖅ
• ᐸᕐᓇᐅᑦ 1: ᐃᓚᒋᔭᐅᑎᑦᑎᓂᖅ ᓄᓇᓕᓐᓂᑦ ᐸᓐᓂᖅᑑᖅ ᐊᒻᒪ ᕿᑭᕐᑕᖅᔪᐊᖅ ᐃᓚᒋᔭᐅᑎᑦᑎᓪᓗᓂ ᐳᓚᕋᖅᑎᓂᑦ ᓄᓇᒧᑦ, ᐃᒪᐅᑉ ᐊᕙᑎᖓᓄᑦ ᐊᒻᒪ ᐃᓄᐃᑦ ᐱᖅᑯᓯᖏᓐᓄᑦ
• ᐸᕐᓇᐅᑦ 2: ᑲᑎᓐᓂᐅᔪᑦ ᐊᒻᒪ ᑐᓂᓯᔭᐅᓂᖅ ᖃᐅᔨᒪᓂᐅᔪᓂᑦ ᐃᓚᒋᔭᐅᓕᕐᓗᓂ ᓄᓇᒧᑦ.
• ᓇᒦᓐᓂᖓ 1: ᐊᔅᓵᔪᖅ ᐊᖅᑯᑎᖓ
• ᓇᒦᓐᓂᖓ 2: ᐃᓪᓚᐅᓕᑑᖅ ᓄᕗᐊᓄᑦ ᓇᕐᐸᐃᖕ ᑲᖏᖅᑐᖅ
• ᓇᒦᓐᓂᖓ 3: ᐅᑯᐊ ᐃᒪᖓᓂ Confederation Fiord−ᒧᑦ.
• ᑲᔪᓯᑦᑎᐊᖅᓯᒪᔪᑦ ᐅᓂᒃᑳᑦ
• ᑭᖑᓪᓕᕐᒥ ᐱᓕᕆᐊᖑᓂᐊᖅᑐᑦ

---

ᓄᕙᒡᔪᐊᕐᓇᖅ-19 ᖃᓄᐃᓕᓯᒋᐊᕐᓂᖅ

ᑮᓇᐅᔭᓕᕆᓂᕐᒧᑦ ᐊᕐᕌᒍᖓᓂ 2021-2022, ANP ᒪᑐᔭᐅᓚᐅᖅᑐᖅ ᐃᐳᕈ 1, 2021 ᔪᓚᐃᒧᑦ 31, 2021 ᐊᑖᓂ ᐊᖏᔪᖅᑳᖓᓄᑦ ᑎᓕᓯᔾᔪᑎᖓᓄᑦ ᖃᓄᐃᓕᓯᒋᐊᕈᑎᖏᓐᓄᑦ ᓄᕙᒡᔪᐊᕐᓇᖅ-19 ᓯᓚᕐᔪᐊᒥ ᐋᓐᓂᐊᕐᓇᖅ. ᒥᕐᖑᐃᓯᕐᕕᒃ ᒪᑐᐃᒃᑲᓐᓂᓚᐅᖅᑐᖅ ᐋᒡᒌᓯ 1, 2021 ᑎᑭᒐᓱᐊᖅᑐᒍ ᑎᓯᐱᕆ 23, 2021 ᑭᓯᐊᓂ ᒪᑐᔭᐅᒃᑲᓐᓂᓚᐅᖅᑐᖅ ᐋᓐᓂᐊᓇᕐᒧᑦ ᐱᒋᐊᖅᑐᓂ ᑎᓯᐱᕆ 24, 2021 ᑎᑭᑦᑐᒍ ᒫᑦᓯ 18, 2022. ANP ᒪᑐᐃᒃᑲᓐᓂᓚᐅᖅᑐᖅ ᒫᑦᓯ 19, 2022 ᐊᒻᒪ ᒪᑐᐃᖓᐃᓐᓇᓕᖅᑐᓂ ᑭᒃᑯᑐᐃᓐᓇᕐᓄᑦ ᐅᑯᐊ ᐅᓂᒃᑳᑦ ᐅᓪᓗᖓᓂ ᑎᑎᕋᖅᑕᐅᓕᖅᑎᓪᓗᒋᑦ. ᐊᖏᔪᖅᑳᖓᓐᓄᑦ ᒪᑐᔭᐅᓯᒪᑎᓪᓗᒍ, ᐳᓚᕋᖅᑎᓕᒫᑦ (ᐱᖃᓯᐅᑎᓪᓗᑎ ᖃᐅᔨᓴᖅᑏᑦ ᐊᒻᒪ ᓇᒻᒥᓂᖃᓂᕐᒧᑦ ᓚᐃᓴᓐᓯᓖᑦ) ᐃᓯᕈᓐᓇᖅᑎᑕᐅᓚᐅᖏᑦᑐᑦ ᑲᓇᑕᒥ ᒥᕐᖑᐃᓯᕐᕕᓐᓄᑦ ᓄᓇᕗᒻᒥ. ᑖᒃᑯᐊ ᐱᔪᓐᓇᖅᑎᑕᐅᖏᑦᑐᑦ ᐊᑐᕐᓂᖃᖏᑦᑐᑦ ᐃᓄᐃᑦ ᓄᓇᕗᒻᒥ ᐱᔪᓐᓴᐅᑎᖏᓐᓂ ᒥᕐᖑᐃᓯᕐᕕᒻᒨᕈᓐᓇᕐᓂᖏᓐᓄᑦ ᐱᑕᖃᖅᑎᑕᐅᔪᓂᑦ ᓄᓇᕗᒻᒧᑦ ᐊᖏᕈᑦ.

PCA ᐊᖏᔪᓂᑦ ᐊᓯᔾᔩᒋᐊᖃᓚᐅᖅᑐᑦ 2021-22 ᐊᕐᕌᒍᑕᒫᑦ ᐸᕐᓇᐅᑎᖓᓂᑦ ᐱᖃᓯᐅᑎᓪᓗᑎ ᐃᓚᖏᑦ ᓄᖅᑲᖅᑎᑕᐅᔪᑦ 2021 ᐊᕐᕌᒍᖓ, ᐊᒻᒪ ᐊᒥᓲᓂᖅᓴᐃᑦ ᐸᕐᓇᑕᐅᓯᒪᔪᑦ ᐊᐅᓪᓚᓂᕐᒧᑦ ᐊᒻᒪ ᐃᓄᑦᑎᒍᑦ ᑲᑎᒪᓂᐅᔪᑦ. ᑕᒪᓐᓇ ᐊᑦᑐᐃᓂᖃᓚᐅᖅᑐᖅ ᒥᕐᖑᐃᓯᕐᕕᒻᓄᑦ ᐊᐅᓚᓂᖏᓐᓄᑦ, ᓄᓇᓕᒻᒥ ᐃᓚᒋᔭᐅᑎᑦᑎᓂᖅ/ᑐᓴᖅᑎᑦᑎᓂᕐᒧᑦ ᐱᓕᕆᔭᐅᔪᑦ, ᐊᕙᑎᖓᓂᑦ ᖃᐅᔨᓴᖃᑦᑕᓂᕐᒧᑦ, ᐱᖅᑯᓯᓄᑦ ᓄᓇᒦᖔᖅᑐᓂᑦ ᖃᐅᔨᓴᖃᑦᑕᓂᕐᒧᑦ ᐊᒻᒪ ᐱᓕᕆᖃᑎᒋᓐᓂᕐᒧᑦ ᐊᐅᓚᑦᑎᓂᕐᒧᑦ ᐱᓕᕆᔭᐅᔪᓂᑦ. ᐃᓚᖏᑦ ᐅᖃᖅᑕᐅᓯᒪᔪᑦ ᐱᓕᕆᔭᐅᔪᑦ ᑲᒪᒋᔭᐅᔪᓐᓇᓚᐅᖅᑐᑦ ᐃᑉᐱᒍᓱᓐᓂᖃᖅᑐᑎᑦ ᐃᓄᓐᓄᑦ ᐋᓐᓂᐊᖅᑐᓕᕆᓂᒧᑦ ᐊᑐᖅᑕᐅᔭᕆᐊᓖᑦ, ᑭᓯᐊᓂ ᐃᓚᖏᑦ ᐊᐅᓚᑦᑎᓂᕐᒧᑦ ᐸᕐᓇᐅᑏᑦ ᑐᕌᖅᑕᐅᔪᑦ ᑭᖑᕙᖅᑎᑕᐅᓯᒪᔪᑦ.

---

ᐸᕐᓇᐅᑦ 1: ᐃᓚᒋᔭᐅᑎᑦᑎᓂᖅ ᓄᓇᓕᓐᓂᑦ ᐸᓐᓂᖅᑑᖅ ᐊᒻᒪ ᕿᑭᕐᑕᖅᔪᐊᖅ ᐃᓚᒋᔭᐅᑎᑦᑎᓪᓗᓂ ᐳᓚᕋᖅᑎᓂᑦ ᓄᓇᒧᑦ, ᐃᒪᐅᑉ ᐊᕙᑎᖓᓄᑦ ᐊᒻᒪ ᐃᓄᐃᑦ ᐱᖅᑯᓯᖏᓐᓄᑦ.

ᑐᕌᒐᖅ 1.1: ᐊᖏᓪᓕᒋᐊᕐᓗᒋᑦ ᐊᒻᒪ ᐱᐅᓯᑎᒋᐊᕐᓗᒋᑦ ᐳᓚᕋᖅᑎᓄᑦ ᐊᑐᖅᑕᐅᕙᑦᑐᑦ ᐊᐅᔪᐃᑦᑐᖅ ᒥᕐᖑᐃᓯᕐᕕᒻᒥ ᐊᒻᒪ ᓄᓇᓕᐅᔪᓂᑦ ᐸᓐᓂᖅᑑᖅ ᐊᒻᒪ ᕿᑭᕐᑕᖅᔪᐊᖅ.

ᐱᕙᓪᓕᐊᓂᖓ/ᑕᑯᔅᓴᐅᓂᖏᑦ:

• ᐃᓄᒃᑎᑐᑦ ᓄᓇᐃᑦ ᐊᑎᖏᑦ ᐃᓚᔭᐅᓚᐅᖅᑐᑦ ᐳᓚᕋᖅᑎᓄᑦ ᑐᑭᓯᒋᐊᕈᑎᓄᑦ ᑐᓂᔭᐅᔪᑦ ANP ᖃᕋᓴᐅᔭᒃᑯᑦ ᑐᑭᓯᒋᐊᕐᕕᖓ, ᐊᒻᒪ ᐃᖅᑲᓇᐃᔭᖅᑏᑦ ᐊᑐᕋᔪᖃᑦᑕᖅᑐᑦ ᐃᓄᒃᑎᑐᑦ ᓄᓇᐃᑦ ᐊᑎᖏᓐᓂ ᑭᐅᑎᓪᓗᒋᑦ ᐳᓚᕋᖅᑎᓄᑦ ᖃᐅᔨᒋᐊᕈᑎᖏᓐᓂ
• ᐱᓕᕆᖃᑎᖃᖅᑐᑎᑦ ᓄᓇᓕᒻᒥ ᐊᐅᓪᓚᕈᔾᔨᔨᓂᑦ, ᐊᕐᕌᒍ ᐃᓗᐊᓂ ᐊᐅᓪᓚᕐᓂᐅᔪᑦ ᐳᓚᕋᖅᑎᓄᑦ ᓴᖅᑭᔮᖅᑎᑕᐅᖏᓐᓇᖅᑐᑦ ᐊᒻᒪ ᒥᕐᖑᐃᓯᕐᕕᒻᓄᑦ ᐃᖅᑲᓇᐃᔭᖅᑎᓂᑦ ᐱᕕᔅᓴᖃᖅᑎᑎᓪᓗᑎ ᓇᓗᓇᐃᔭᖅᓯᒪᔪᓂᑦ ᐊᑐᖅᑕᐅᖃᑦᑕᖅᑐᓂᑦ.
• ᐃᓄᐃᑦ ᐊᐅᓪᓚᕈᔾᔨᔩᑦ ᐅᖃᐅᓯᒃᑯᑦ ᑐᓵᔨᐅᓚᐅᖅᑐᑦ ᐊᒻᒪ ᑐᓂᓯᓪᓗᑎ ᐱᖅᑯᓯᓄᑦ ᖃᐅᔨᒪᔭᐅᔪᓂᑦ ᐊᐅᓪᓚᕈᔾᔨᑎᑎᓪᓗᒋᑦ ᐳᓚᕋᖅᑎᓂᑦ ᒥᕐᖑᐃᓯᕐᕕᒻᒧᑦ. ᐊᐅᓚᑦᑎᓂᕐᒧᑦ ᐊᐳᕈᑎᖃᓗᐊᖅᑎᑎᑦᑕᐃᓕᓪᓗᑎ ᓄᓇᓕᒻᒥ ᐊᐅᓪᓚᕈᔾᔨᔨᓄᑦ, ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᓴᖅᑭᑎᑦᑎᔪᑦ ᐱᒡᒐᓇᖏᓂᖅᓴᓂᑦ ᐃᖏᕋᑎᑕᐅᓂᕐᒧᑦ ᓚᐃᓴᓐᓯᑖᕋᓱᐊᕈᑎᓂᑦ ᐊᕐᕌᒍᒧᑦ 2022-2023.

ᑐᕌᒐᖅ 1.2: ᐱᐅᓯᑎᒋᐊᕐᓗᒍ ᓄᓇᓕᒻᒥᑦ ᐱᓕᕆᖃᑎᖃᓂᕐᒥᑦ.

ᐱᕙᓪᓕᐊᓂᖓ/ᑕᑯᔅᓴᐅᓂᖏᑦ:

• ᐃᖅᑲᓇᐃᔭᖅᑎ ᕿᑭᕐᑕᖅᔪᐊᒦᑦᑐᖅ ᐱᑎᑕᐅᓚᐅᖅᑐᖅ ᐊᕐᕌᒍ ᐃᓗᐊᓂ ᐅᖓᕐᕙᕆᐊᖅᑕᐅᔪᒥᑦ ᐊᕐᕌᒍᓕᒫᒥᑦ ᐃᖅᑲᓇᐃᔭᓂᕐᒧᑦ.
• ᒥᕐᖑᐃᓯᕐᕕᓕᕆᔩᑦ ᑲᓇᑕᒥ ᐃᖅᑲᓇᐃᔭᖅᑎᖃᐃᓐᓇᓚᐅᖅᑐᑦ ᐊᓪᓚᕕᒻᒥ ᐱᖃᓗᔭᖅ ᑲᑎᕝᕕᒻᒥ ᐃᓪᓗᒥᑦ ᕿᑭᕐᑕᖅᔪᐊᒥᑦ, ᓄᕙᒡᔪᐊᕐᓇᖅ-19 ᓯᓚᕐᔪᐊᒥ ᐋᓐᓂᐊᕐᓇᖅ ᐱᔪᓐᓇᖅᑎᑎᓪᓗᒋᑦ.
• ᔮᓐᓄᐊᕆᒥᓂᑦ 2018, ANP ᐱᓯᒪᑦᑏᓇᖅᑐᑦ 100% ᐃᓄᓐᓂᑦ ᐃᖅᑲᓇᐃᔭᖅᑎᑦᑎᓂᕐᒧᑦ, ᐊᑕᖏᖅᑐᑎᑦ ᑐᓴᐅᒪᑎᑦᑎᔪᓐᓇᖅᑐᑦ ᐃᓄᑦᑎᑐᑦ. ᑖᓐᓇ ᐊᖏᔪᖅ ᑲᔪᓯᑦᑎᐊᖅᓯᒪᔪᖅ ᐊᒻᒪ ᒥᕐᖑᐃᓯᕐᕕᒻᒧᑦ ᐊᓪᓚᕕᖓᓂ ᑐᓐᖓᓱᑦᑎᑏᓐᓇᖅᑐᑎᑦ ᓄᓇᓕᒻᒥᐅᑕᓄᑦ.
• ᓯᓚᒦᓐᓂᕐᒧᑦ ᑐᐊᕕᕐᓇᖅᑐᓄᑦ ᐋᓐᓂᐊᖅᑐᓕᕆᓂᕐᒧᑦ ᐃᓕᓐᓂᐊᖅᑎᑕᐅᓚᐅᖅᑐᑦ 2021-2022 ᒥᕐᖑᐃᓯᕐᕕᒻᒧᑦ ᐃᖅᑲᓇᐃᔭᖅᑎᓄᑦ ᐊᒻᒪ ᐱᖓᓱᑦ ᓄᓇᓕᒻᒥᐅᑕᐃᑦ ᐸᓐᓂᖅᑑᒥ ᐃᓚᒋᔭᐅᓚᐅᖅᑐᑦ ᐃᓕᓐᓂᐊᓂᕐᒧᑦ.

ᑐᕌᒐᖅ 1.3: ᐱᐅᓯᑎᒋᐊᕐᓗᒍ ᓂᐅᕐᕈᑕᐅᓂᖏᑦ ᒥᕐᖑᐃᓯᕐᕕᒃ ᐊᒻᒪ ᓴᖅᑭᔮᖅᑎᓪᓗᒋᑦ ᓄᓇᓕᐅᔪᑦ ᐸᓐᓂᖅᑑᖅ ᐊᒻᒪ ᕿᑭᕐᑕᖅᔪᐊᖅ ᐱᓕᕆᖃᑎᖃᖅᑐᑎᑦ ᐳᓚᕋᖅᑐᓕᕆᓂᕐᒧᑦ ᑲᑐᔾᔨᖃᑎᒋᓂᑦ.

ᐱᕙᓪᓕᐊᓂᖓ/ᑕᑯᔅᓴᐅᓂᖏᑦ:

• ᐱᔾᔪᑕᐅᓪᓗᓂ ᓄᕙᒡᔪᐊᕐᓇᖅ−19 ᓯᓚᕐᔪᐊᒥ ᐋᓐᓂᐊᕐᓇᖅ, ᓴᖅᑭᔮᖅᑎᑦᑎᓂᕐᒧᑦ ᐱᓕᕆᔭᐅᔪᑦ ᑭᓪᓕᖃᖅᑎᑕᐅᓚᐅᖅᑐᑦ ᐊᕐᕌᒍᖓᓂ 2021-22.
• ᒥᕐᖑᐃᓯᕐᕕᓕᕆᔩᑦ ᑲᓇᑕᒥ ᓯᓚᑖᓄᑦ ᐱᓕᕆᔩᑦ ᐅᐸᖃᑕᐅᓚᐅᖅᑐᑦ Carrefour ᓄᓇᕗᑦ ᐃᓪᓗᖅ ᒪᑐᐃᖓᔪᒥᑦ ᓯᑎᐱᕆ 22, 2021, ᑲᑎᖃᑎᖃᓚᐅᖅᑐᑦ ᖃᓂᒋᔭᐸᓗᖏᓐᓂ 25 ᐃᓄᐃᑦ ᐊᒻᒪ ᑐᓂᐅᖅᑲᐃᓪᓗᑎ ᓴᖅᑭᔮᖅᑎᑦᑎᒍᑎᓂᑦ ᐱᔾᔪᑎᖃᖅᑐᓂᑦ ᐊᑕᖏᖅᑐᒋ PCA ᓇᒦᓐᓂᖏᑦ ᓄᓇᕗᒻᒥ
• ᐊᕙᓗᒥᐅᑕᐃᑦ ᓴᖅᑭᔮᖅᑎᑦᑎᔪᑦ ANP ᑕᑯᔅᓴᐅᑎᑕᐅᖏᓐᓇᖅᑐᑦ ᐸᓐᓂᖅᑑᒥ ᐊᒻᒪ ᕿᑭᕐᑕᖅᔪᐊᒥ ᖃᖓᑕᓲᒃᑯᕕᖏᓐᓂ. ᐅᓪᓗᐃᓇᕐᒧᑦ ᐊᐅᓚᑎᑦᑎᓂᕐᒧᑦ ᑕᑯᔅᓴᐅᑎᑕᐅᔪᑦ ᓄᓇᓕᖏᓐᓂ ᐃᖃᓗᐃᑦ ᐊᒻᒪ ᐸᓐᓂᖅᑑᖅ.

---

ᐸᕐᓇᐅᑦ 2: ᑲᑎᓐᓂᐅᔪᑦ ᐊᒻᒪ ᑐᓂᓯᔭᐅᓂᖅ ᖃᐅᔨᒪᓂᐅᔪᓂᑦ ᐃᓚᒋᔭᐅᓕᕐᓗᓂ ᓄᓇᒧᑦ.

ᐊᑐᐊᒐᖅ 2.1: ᐊᑐᕐᓗᒋᑦ ᐃᓄᐃᑦ ᖃᐅᔨᒪᔭᖏᑦ ᐊᒻᒪ ᖃᐅᔨᓴᖅᑎᓄᑦ ᑎᑎᕋᖅᑕᐅᓯᒪᔪᓂᑦ, ᖃᐅᔨᓴᖃᑦᑕᓂᕐᒧᑦ, ᐃᓕᓐᓂᐊᕐᓂᓕᕆᓂᕐᒧᑦ ᐊᒻᒪ ᐳᓚᕋᖅᑎᓄᑦ ᐊᑐᖅᑕᐅᕙᑦᑐᑦ ᐱᓕᕆᐊᑦ ᒥᕐᖑᐃᓯᕐᕕᒻᒥ

ᐱᕙᓪᓕᐊᓂᖓ/ᑕᑯᔅᓴᐅᓂᖏᑦ:

• ᐃᓄᐃᑦ ᐃᖅᑲᓇᐃᔭᖅᑎᕈᕋᑖᖅᓯᒪᔪᑦ ᐃᓚᒋᔭᐅᖃᑕᐅᓚᐅᖅᑐᑦ ᐊᕙᑎᖓᓂ ᐊᑕᐅᓯᐅᑎᑦᑎᓂᕐᒧᑦ ᖃᐅᔨᓴᓂᕐᒧᑦ, ᐱᖃᓯᐅᑎᓪᓗᑎ ᓄᓇᖓ ᖃᐅᔨᓴᖅᑕᐅᖃᑦᑕᕐᓂᖓ, ᐱᖃᓯᐅᑎᓪᓗᑎᑦᑕᐅᖅ ᐊᑯᓂ ᐃᖅᑲᓇᐃᔭᖅᑎᐅᔪᑦ.
• ᓄᓇᕗᒻᒦᑦᑐᑦ ᐱᒋᐊᖅᑎᑦᑎᓚᐅᖅᑐᑦ ᑕᓪᓕᒪᓄᑦ ᐊᕐᕌᒍᓄᑦ ᑐᓂᓯᔭᐅᓂᕐᒧᑦ ᐊᖏᕈᑦ ᑯᐃᓐ ᓯᓚᑦᑐᓴᕐᕕᒃᔪᐊᒧᑦ ᑎᑭᑦᑎᓗᑎ ᑲᑐᑎᔭᐅᔪᓂ ᑐᕌᒐᖏᓐᓂ ᐊᐅᔪᐃᑦᑐᓂᑦ ᖃᐅᔨᓴᖃᑦᑕᓂᕐᒧᑦ, ᐱᖃᓯᐅᑎᓪᓗᓂ ᐊᐅᔪᐃᑦᑐᖅ ᑲᓇᑕᒥ ᒥᕐᖑᐃᓯᕐᕕᒃ.
• ᐃᔅᓯᕙᐅᑕᖓᑦ ᐸᓐᓂᖅᑑᒥ ᐃᓄᐃᑦ ᖃᐅᔨᒪᔭᖏᓐᓂ ᑲᑎᒪᔨᕋᓛᑦ ᑐᓂᓯᓚᐅᖅᑐᖅ ᑲᔪᓯᑦᑎᐊᖅᓯᒪᔪᓂᑦ ᐊᒻᒪ ᐊᔅᓱᕈᕈᑕᐅᔪᓂᑦ ᐱᖃᓯᐅᔾᔭᐅᓪᓗᑎ ᐃᓄᐃᑦ ᖃᐅᔨᒪᔭᖏᑦ ᖃᐅᔨᓴᖃᑦᑕᓂᕐᒧᑦ ᒥᕐᖑᐃᓯᕐᕕᒻᒥ ᐊᕙᑎᖓᓂ ᑲᓇᑕᒥ ᖃᐅᔨᓴᖅᑕᐅᔪᓂᑦ ᒥᕐᖑᐃᓯᕐᕕᓂᑦ ᑲᓇᑕᒥ ᐊᕙᑎᖏᓐᓂ ᖃᐅᔨᓴᖃᑦᑕᓂᕐᒧᑦ ᐱᓕᕆᐊᒥᑦ
• 2021−ᒥᑦ, ᐱᓕᕆᔩᑦ ᖃᐅᔨᓴᕐᓂᖃᓚᐅᖅᑐᑦ ᐊᐅᔪᐃᑦᑐᖅ ᑲᓇᑕᒥ ᒥᕐᖑᐃᓯᕐᕕᒃ, ᖃᐅᔨᓴᖅᑏᑦ ᖃᐅᔨᒋᐊᕐᓂᖃᓚᐅᖅᑐᑦ ᐊᒻᒪ ᐱᓪᓗᑎᑦ ᑎᑎᖅᑲᓂᑦ ᐃᑲᔪᖅᑕᐅᓂᒧᑦ ᓇᑦᑎᕙᑦ ᐆᒪᔪᕐᓂᐊᑎᒃᑯᑦ ᑲᑐᔾᔨᖃᑎᒌᖏᑦ (ᕿᑭᕐᑕᖅᔪᐊᖅ) ᐊᒻᒪ ᐸᓐᓂᖅᑑᒥ ᐆᒪᔪᕐᓂᐊᑎᒃᑯᑦ ᑲᑐᔾᔨᖃᑎᒌᖏᑦ ᖃᐅᔨᒋᐊᒃᑲᓂᖅᑐᑎᑦ ᑲᑎᒪᖃᑎᖃᕐᓂᐅᓚᐅᖅᑐᓂᑦ.
• ᓇᐃᑦᑐᑦ ᑐᑭᓯᒋᐊᕈᑏᑦ ᐊᕙᑎᖓᓂ ᖃᐅᔨᓴᖃᑦᑕᓂᕐᒧᑦ ᐃᖅᑲᓇᐃᔮᖑᓚᐅᖅᑐᖅ ᐊᐅᔪᐃᑦᑐᖅ ᑲᓇᑕᒥ ᒥᕐᖑᐃᓯᕐᕕᒻᒥ ᐊᐅᔭᐅᖓᓂ 2021 ᓴᖅᑭᔮᖅᑎᑕᐅᓚᐅᖅᑐᑦ ᒥᕐᖑᐃᓯᕐᕕᑦ ᑲᓇᑕᒥ ᓄᓇᕗᒻᒥ Facebook ᒪᑉᐱᒐᖓᓂ.

ᐊᑐᐊᒐᖅ 2.2: ᓴᓐᖓᑦᑎᒋᐊᕐᓗᒍ ᒪᒃᑯᑦᑐᑦ ᑲᑎᓐᖓᓂᖏᓐᓄᑦ ᐃᓄᐃᑦ ᐱᖅᑯᓯᖏᓐᓄᑦ ᐊᒻᒪ ᐱᖅᑯᓯᑐᖃᕐᓄᑦ ᐊᒻᒪ ᒥᕐᖑᐃᓯᕐᕕᒻᒧᑦ ᐊᐅᔪᐃᑦᑐᖃᖅᓯᒪᓂᖓ ᓄᓇᖓ ᐊᒻᒪ ᑲᖏᖅᑐᐃᑦ.

ᐱᕙᓪᓕᐊᓂᖓ/ᑕᑯᔅᓴᐅᓂᖏᑦ:

• ᓄᕙᒡᔪᐊᕐᓇᖅ-19 ᓯᓚᕐᔪᐊᒥ ᐋᓐᓂᐊᕐᓇᖅ ᒪᓕᑦᑕᐅᔭᕆᐊᓖᑦ ᖃᓱᔭᐅᑎᓪᓗᒋᑦ, ᐃᓕᓐᓂᐊᖅᑏᑦ ᐃᓕᓐᓂᐊᑲᓐᓂᕈᓐᓇᓚᐅᖅᑐᑦ ᒥᕐᖑᐃᓯᕐᕕᐅᑉ ᒥᔅᓵᓄᑦ ᒥᕐᖑᐃᓯᕐᕕᓕᕆᔨᒃᑯᑦ ᐊᓪᓚᕕᖓᓅᖅᑐᑎ ᐸᓐᓂᖅᑑᒥ, ᐊᒻᒪ ᒥᕐᖑᐃᓯᕐᕕᒻᒥ ᑐᓵᔨ ᑕᑯᔅᓴᐅᑎᑦᑎᓪᓗᓂ ᕿᑭᕐᑕᖅᔪᐊᖅ ᐃᓕᓐᓂᐊᕕᒻᒥ.
• ᐃᓐᓄᑦᑎᑐᑦ ᓄᓇᐃᑦ ᐊᑎᖏᓐᓂ ᓄᓇᖑᐊᖅ ᑕᑯᔅᓴᐅᑎᑕᐅᔪᖅ ᒥᕐᖑᐃᓯᕐᕕᒻᒧ ᐊᓪᓚᕕᖓᓂ ᐸᓐᓂᖅᑑᒥ ᐊᒻᒪ ᕿᑭᕐᑕᖅᔪᐊᒥ ᐊᒻᒪ ᑐᓂᔭᐅᓪᓗᑎ ᒪᒃᑯᑦᑐᓄᑦ ᐊᒻᒪ ᐃᓕᓐᓂᐊᖅᑎᓄᑦ ᒥᕐᖑᐃᓯᕐᕕᒻᒧᑦ ᐊᓪᓚᕕᖓᓅᖅᑐᓄᑦ.

ᐊᑐᐊᒐᖅ 2.3: ᓴᓐᖓᑦᑎᒋᐊᕐᓗᒍ ᑲᑎᓐᖓᑎᑕᐅᓂᖏᑦ ᐊᓯᖏᑦ ᑲᓇᑕᒥᐅᑕᐃᑦ ᐃᓄᐃᑦ ᐱᖅᑯᓯᖏᓐᓄᑦ ᐊᒻᒪ ᐱᖅᑯᓯᑐᖃᕐᓄᑦ ᐊᒻᒪ ᒥᕐᖑᐃᓯᕐᕕᒻᒧᑦ ᐊᐅᔪᐃᑦᑐᖃᖅᓯᒪᓂᖓ ᓄᓇᖓ ᐊᒻᒪ ᑲᖏᖅᑐᐃᑦ.

ᐱᕙᓪᓕᐊᓂᖓ/ᑕᑯᔅᓴᐅᓂᖏᑦ:

• 2021-2022 ᑮᓇᐅᔭᓕᕆᓂᕐᒧᑦ ᐊᕐᕌᒍ, t12−ᖑᓚᐅᖅᑐᑦ ᐱᖓᓱᓂᑦ ᐅᖃᐅᓯᕐᓂᑦ ᑕᑯᔅᓴᐅᑎᑕᐅᔪᑦ ᓴᖅᑭᔮᖅᑎᑦᑎᔪᑦ ᐊᒻᒪ ᑐᑭᓯᒋᐊᕈᑎᖃᖅᑎᑦᑎᔪᑦ ᐱᔾᔪᑎᖃᖅᑐᓂᑦ ᐊᐅᔪᐃᑦᑐᖅ ᑲᓇᑕᒥ ᒥᕐᖑᐃᓯᕐᕕᒃ ᓄᓇᕗᒻᒥ ᒥᕐᖑᐃᓯᕐᕕᑦ ᑲᓇᑕᒥ Facebook ᐊᒻᒪ Twitter ᒪᑉᐱᒐᖏᑦ. ᑲᑎᑦᑐᒋᑦ ᖃᐅᔨᒋᐊᖅᓯᒪᔪᑦ ᑕᓪᓕᒪᓂᑦ ᑕᑯᔅᓴᐅᑎᑕᐅᔪᓂᑦ ᐅᑯᐊᖑᓚᐅᖅᑐᑦ 21,000.
• ᐱᖃᓯᐅᔾᔭᐅᓯᒪᔪᑦ ᐃᓄᒃᑎᑐᑦᓄᓇᐃᑦ ᐊᑎᖏᑦ ᐳᓚᕋᖅᑎᓄᑦ ᐊᑐᐊᒐᕐᓂᑦ ᐊᔭᐅᖅᓯᒋᐊᖅᑐᑦ ᑲᑎᓐᖓᑎᑕᐅᓂᖏᓐᓄᑦ ᐃᓄᐃᑦ ᒥᕐᖑᐃᓯᕐᕕᒻᒧᑦ ᐳᓚᕋᖅᑎᓄᑦ.
• ᐅᓇᐅᑎᓪᓗᒍ ᔪᓚᐃ 31, 2021, ᓄᓇᑦᓯᐊᖅ ᐱᕙᓪᓕᐊᔪᑦ ᓴᖅᑭᑎᑦᑎᓚᐅᖅᑐᑦ ᑎᑎᕋᖅᓯᒪᔪᓂᑦ, ‘ᐊᐅᔪᐃᑦᑐᖅ ᑲᓇᑕᒥ ᒥᕐᖑᐃᓯᕐᕕᒃ ᐃᓚᖓ ᒪᑐᐃᖅᑐᖅ ᓇᒡᒐᔾᔭᐅᒥ’, ᑕᑯᔅᓴᐅᑎᑦᑎᔪᑦ ᒪᑐᐃᖅᑕᐅᑲᓐᓂᕐᓂᖓ ᒥᕐᖑᐃᓯᕐᕕᒃ ᐊᒻᒪ ᑮᓇᐅᔭᓕᕆᓂᕐᒧᑦ ᐊᑦᑐᖅᑕᐅᔪᑦ ᓄᕙᒡᔪᐊᕐᓇᖅ-19 ᓯᓚᕐᔪᐊᒥ ᐋᓐᓂᐊᓇᕐᒧᑦ ᐳᓚᕋᖅᑐᓕᕆᓂᕐᒥᑦ ᐊᑦᑐᐊᓂᖃᖅᑐᓄᑦ ᓄᓇᓕᓐᓄᑦ.
• ᐋᒡᒋᓯᒥ 2021, ᓯᐱᓯ ᐊᒻᒪ ᐱᕙᓪᓕᐊᔪᓕᕆᔨᓄᑦ ᐊᐱᖅᓱᖅᑕᐅᔪᑦ ᐱᔾᔪᑎᖃᖅᑐᑦ ᒪᑐᐃᖅᑕᐅᑲᓐᓂᕐᓂᖓ, “021-08-03 ᐊᐅᔪᐃᑦᑐᖅᑲᓇᑕᒥ ᒥᕐᖑᐃᓯᕐᕕᒃ ᒪᑐᐃᖅᑕᐅᑲᓐᓂᕐᓂᖓ (ᐊᒻᒪ ᒪᑐᐃᖅᑕᐅᑲᓐᓂᕐᓂᖓᓄ ᐸᕐᓇᐅᑦ ᐅᑯᓄᖓ NFU)”.
• ᑐᓴᖅᑎᑦᑎᒍᑎᓄᑦ ᑐᑭᓯᒋᐊᕈᑏᑦ ᓴᖅᑭᖅᑎᑕᐅᓚᐅᖅᑐᑦ ᑕᒪᑐᒪᓂ ᐊᕐᕌᒍᒥ ᓴᓇᕐᕈᑎᐅᓪᓗᓂ ᐅᖃᕐᕕᒋᓗᒋᑦ ᐃᓕᓐᓂᐊᖅᑏᑦ ᐊᒻᒪ ᐳᓚᕋᖅᑏᑦ ᐸᕐᓇᓯᒪᓂᕐᒧᑦ ᐅᓪᓗᒐᓚᓐᓄᑦ ᐱᓱᓐᓂᕐᒧᑦ ᐊᒻᒪ ᓄᓇᒥ ᐃᖅᑲᓇᐃᔭᓂᕐᒧᑦ. ᑐᓴᖅᑎᑎᒃᑲᓐᓂᕈᑎᐅᔪᖅ ᑭᓯᒋᐊᕈᑏᑦ ᑕᑯᔅᓴᐅᑎᑦᑎᒋᐊᓖᑦ ᐃᓄᒃᑎᑎᑐᑦ ᓄᓇᐃᑦ ᐊᑎᖏᓐᓂ ᒫᓐᓇᐅᔪᒥᑦ ᐱᕙᓪᓕᐊᑎᑕᐅᔪᖅ ᐊᒻᒪ ᐱᔭᕇᖅᑕᐅᓂᐊᖅᑐᒋᔭᐅᓪᓗᓂ 2022.

ᐊᑐᐊᒐᖅ 2.4: ᐱᓕᕆᖃᑎᖃᕐᓗᑎ ᓄᓇᓕᓐᓂ ᐸᓐᓂᖅᑑᖅ ᐊᒻᒪ ᕿᑭᕐᑕᖅᔪᐊᖅ ᐊᐅᓚᑦᑎᓗᑎ ᐃᓱᒫᓘᑕᒐᔪᖃᑦᑕᖅᑐᓂᑦ.

ᐱᕙᓪᓕᐊᓂᖓ/ᑕᑯᔅᓴᐅᓂᖏᑦ:

• ᐊᕐᕌᒍᑕᒫᑦ ᑐᑭᓯᒋᐊᕈᑏᑦ ᒥᕐᖑᐃᓯᕐᕕᒻᒥ ᐊᐅᓚᑦᑎᓂᕐᒧᑦ ᑐᓂᐅᖅᑲᖅᑕᐅᔪᑦ ᓄᓇᓕᓐᓄᑦ ᐸᓐᓂᖅᑑᖅ ᐊᒻᒪ ᕿᑭᕐᑕᖅᔪᐊᖅ ᐅᑯᑎᒎᓇ JPMC. ᐱᔾᔪᑎᒋᓪᓗᒍ ᓄᕙᒡᔪᐊᕐᓇᖅ-19 ᐊᑦᑐᐊᓂᓖᑦ ᐃᓄᓐᓄᑦ ᐋᓐᓂᐊᖅᑐᓕᕆᓂᕐᒧᑦ ᐊᑐᖅᑕᐅᔭᕆᐊᓖᑦ ᐊᒻᒪ ᐃᖅᑲᓇᐃᔭᓂᕐᒧᑦ ᑭᓪᓕᖃᖅᑎᑕᐅᔪᑦ, ANP JPMC ᒪᕐᕈᐊᖅᑎᑐᐃᓐᓇᓚᐅᖅᑐᑦ ᐅᖄᓚᐅᑎᒃᑯᑦ ᑲᑎᒪᓪᓗᑎ ᑕᒪᑐᒪᓂ ᑮᓇᐅᔭᓕᕆᓂᕐᒧᑦ ᐊᕐᕌᒍᒥ, ᔪᓚᐃ 2021 ᐊᒻᒪ ᒫᑦᓯ 2022.
• ᒥᕐᖑᐃᓯᕐᕕᓕᕆᔩᑦ ᑲᓇᑕᒥ ᑲᑎᒪᖃᑎᖃᓚᐅᖅᑐᑦ ᕼᐊᒻᒪᓚᒃᑯᑦ ᑲᑎᒪᔨᖏᓐᓂ ᐊᒻᒪ ᐆᒪᔪᕐᓂᐊᑎᒃᑯᑦ ᑲᑐᔾᔨᖃᑎᒌᖏᓐᓂ ᐸᓐᓂᖅᑑᒥ ᐊᒻᒪ ᕿᑭᕐᑕᖅᔪᐊᒥᑦ ᐱᔾᔪᑎᖃᖅᑐᓂᑦ ᒪᑐᐃᖅᑕᐅᓂᖏᓐᓄᑦ ᐊᒻᒪ ᒪᑐᔭᐅᓂᖏᓐᓄᑦ ANP ᑐᓐᖓᓂᖃᖅᑐᑦ ᐋᓐᓂᐊᖅᑐᓕᕆᓂᕐᒧᑦ ᐊᑐᖅᑕᐅᔭᕆᐊᓕᓐᓂᑦ ᓄᕙᒡᔪᐊᕐᓇᖅ-19 ᓯᓚᕐᔪᐊᒥ ᐋᓐᓂᐊᕐᓇᐅᑎᓪᓗᒍ.
• ᓄᑖᖅ ᐊᑯᓂᐅᔪᒧᑦ ᐱᖁᑎᑦ ᒪᑭᒪᑎᑕᐅᓂᖏᓐᓄᑦ ᐊᑐᖅᑕᐅᔪᖅ ᑐᑭᒧᐊᕈᑎᖃᖅᑎᑦᑎᓂᐊᖅᑐᑦ ᐱᖁᑎᐅᔪᓂᑦ ᓯᓚᒧᑦ ᐱᐅᔪᓂᑦ ᒪᑭᒪᑎᑕᐅᓂᖏᓐᓄᑦ ᐱᒋᐊᓚᐅᖅᑐᖅ 2021/22.
• ᐅᓇᑕᖅᑐᓕᕆᔨᒃᑯᑦ ᑲᓇᑕᒥ ᐸᖅᓴᐃᓂᕐᒧᑦ ᐊᒻᒪ ᕿᓂᓂᕐᒧᑦ ᐃᓕᓐᓂᐊᕐᓂᖃᓚᐅᖅᑐᑦ ᐊᐅᔪᐃᑦᑐᖅ ᑲᓇᑕᒥ ᒥᕐᖑᐃᓯᕐᕕᒻᒥ ᔫᓂᒥᑦ ᐊᒻᒪ ᓯᑎᐱᕆᒥᓗ 2021, ᐊᒻᒪ ᒫᑦᓯᒥᑦ 2022. ᑐᑭᓯᐅᒪᖃᑎᒌᓐᓂᕐᒧᑦ ᐊᖏᕈᑦ ᑐᑭᒧᐊᖅᑎᑦᑎᔪᖅ ᐱᓕᕆᖃᑎᒌᓐᓂᖏᓐᓄᑦ ᒥᕐᖑᐃᓯᕐᕕᓕᕆᔩᑦ ᑲᓇᑕᒥ ᐊᒻᒪ DND ᓄᑕᐅᓐᖑᖅᑎᑕᐅᒃᑲᓂᖅᑐᖅ ᑕᒪᑐᒪᓂ ᑮᓇᐅᔭᓕᕆᓂᕐᒧᑦ ᐊᕐᕌᒍᒥᑦ.

---

ᓇᒦᓐᓂᖓ 1: ᐊᔅᓵᔪᖅ ᐊᖅᑯᑎᖓ

ᐊᑐᐊᒐᖅ 1.1: ᖁᕝᕙᕆᐊᕐᓗᒋᑦ ᐊᑐᐃᓐᓇᐅᔪᑦ ᓂᐅᕕᐊᔅᓴᐃᑦ ᐊᒻᒪ ᐱᓕᕆᐊᑦ ᐳᓚᕋᖅᑎᓄᑦ.

ᐱᕙᓪᓕᐊᓂᖓ/ᑕᑯᔅᓴᐅᓂᖏᑦ:

• ᐱᔾᔪᑎᒋᓪᓗᒍ ᓄᕙᒡᔪᐊᕐᓇᖅ-19 ᒥᕐᖑᐃᓯᕐᕕᒃ ᒪᑐᔭᐅᓚᐅᖅᑐᖅ ᐃᓄᓐᓄᑦ ᐃᐳᕈ 2021 ᐊᒻᒪ ᐊᐅᓪᓚᕈᔾᔭᐅᖃᑦᑕᖅᑐᑦ ᖃᒧᑕᐅᔭᒃᑯᑦ ᑕᐃᒪᐃᓐᓂᖃᓚᐅᖏᑦᑐᑦ.
• ᒥᕐᖑᐃᓯᕐᕕᒃ ᒪᑐᐃᒃᑲᓂᕐᖓᑦ ᐋᒡᒌᓯᒥ, ᐊᐅᔭᒃᑯᑦ ᐅᓪᓗᐃᓇᕐᒧᑦ ᐊᐅᓪᓚᕐᓂᐅᔪᑦ ᐅᓗᒻᒧᑦ ᐅᕝᓘᓐᓃᑦ Overlord ᐱᑕᖃᖅᑎᑕᐅᒃᑲᓐᓂᓚᐅᖅᑐᑦ.

ᐊᑐᐊᒐᖅ 1.2: ᒪᑭᒪᑎᓪᓗᒍ ᐊᒻᒪ ᐅᑎᖅᑎᑕᐅᓗᑎ ᐊᕙᑎᖓ ᐊᑕᐅᓯᐅᓂᖓ, ᓴᐳᒻᒥᓗᒋᑦ ᐱᖅᑯᓯᓄᑦ ᓄᓇᒦᖔᖅᑐᑦ ᐊᒻᒪ ᐃᑉᐱᒋᑦᑎᐊᕐᓗᒋ ᐃᓄᐃᑦ ᐱᑯᓯᖏᑦ ᐊᒻᒪ ᐊᖑᓇᓱᓐᓂᖏᑦ.

ᐱᕙᓪᓕᐊᓂᖓ/ᑕᑯᔅᓴᐅᓂᖏᑦ:

• ᓄᓇᕗᒻᒥ ᐃᖅᑲᓇᐃᔭᖅᑏᑦ ᐱᔭᕇᖅᓯᓚᐅᖅᑐᑦ ᐊᕐᕌᒍᑕᒫᑦ ᓄᓇᖓᓂ ᖃᐅᔨᓴᖃᑦᑕᓂᕐᒧᑦ 2021-ᒥᑦ.
• ᑐᑭᓯᒋᐊᕈᑏᑦ ᐃᓄᐃᑦ ᐱᖅᑯᓯᖏᓐᓄᑦ ᐊᒻᒪ ᐊᕙᑎᖓᓄᑦ ᑐᓂᔭᐅᖏᓐᓇᖅᑐᑦ ᐳᓚᕋᖅᑎᓄᑦ ᖃᐅᔨᒪᑎᑕᐅᓂᖏᓐᓄᑦ.

---

ᓇᒦᓐᓂᖓ 2: ᐃᓪᓚᐅᓕᑑᖅ ᓄᕗᐊᓄᑦ ᓇᕐᐸᐃᖕ ᑲᖏᖅᑐᖅ

ᐊᑐᐊᒐᖅ 2.1: ᖁᕝᕙᕆᐊᕐᓗᒋᑦ ᐊᑐᐃᓐᓇᐅᔪᑦ ᓂᐅᕕᐊᔅᓴᐃᑦ ᐊᒻᒪ ᐱᓕᕆᐊᑦ ᐳᓚᕋᖅᑎᓄᑦ.

ᐱᕙᓪᓕᐊᓂᖓ/ᑕᑯᔅᓴᐅᓂᖏᑦ:

• ᒥᕐᖑᐃᓯᕐᕕᓕᕆᔩᑦ ᑲᓇᑕᒥ ᓇᓗᓇᐃᖅᓯᓯᒪᔪᑦ ᐱᑕᖃᕈᓐᓇᕐᓂᖏᓐᓄᑦ ᐅᒥᐊᕐᔪᐅᒃᑯᑦ ᐳᓚᕋᖅᑎᓂᑦ ᓄᖅᑲᕐᓂᖏᓐᓄᑦ ᐅᐊᓐᓇᖓᓂ ᐸᓐᓂᖅᑑᖅ, ᒪᒃᑖᒃ ᐊᒻᒪ ᐃᓪᓚᐅᓕᑑᖅ.
• ᑭᓪᓕᖃᖅᑎᑦᑎᓂᖅ ᐊᒻᒪ ᐱᔾᔪᑕᐅᔪᑦ ᐊᑦᑐᐃᓂᖃᖅᑐᑦ ᓇᒦᓐᓂᖓᓄ 2 ᐱᖃᓯᐅᔾᔭᐅᓂᐊᖅᑐᑦ ᑲᑎᒪᖃᑎᖃᓂᕐᒧᑦ ANP ᑎᑎᕋᖅᑕᐅᒋᐊᓐᖓᖅᓯᒪᔪᑦ ᐊᐅᓚᑦᑎᓂᕐᒧᑦ ᐸᕐᓇᐅᑦ, ᑲᒪᒋᔭᐅᓂᐊᖅᑐᑦ ᒥᕐᖑᐃᓯᕐᕕᒻᒧᑦ ᐸᕐᓇᐃᔨᓄᑦ ᐊᕐᕌᒍᖓᓂ 2022-2023.
• ᐃᓚᒋᐊᕐᓗᒍ, ᒥᕐᖑᐃᓯᕐᕕᒻᒧᑦ ᐸᕐᓇᐃᔩᑦ ᐱᓕᕆᒋᐊᖃᖅᑎᑕᐅᓯᒪᔪᑦ ᑲᑎᒪᖃᑎᖃᕐᓗᑎ ᓄᓇᓕᓐᓂᑦ ᐱᔾᔪᑎᖃᖅᑐᓂᑦ ᐳᓚᕋᖅᑕᐅᓂᖓᓄ ᐅᑯᓂᖓ ᐱᖅᑯᓯᓄᑦ ᓇᔪᖅᑕᐅᔪᑦ ᐃᓚᒋᓪᓗᓂᐅᒃ ᐊᐅᓚᑦᑎᓂᕐᒧᑦ ᐸᕐᓇᐃᕙᓪᓕᐊᓂᕐᒧᑦ: ᐃᓪᓚᐅᓕᑑᖅ (ᓇᒦᓐᓂᖓ 3 KM ᐱᓱᕝᕕᐅᓪᓗᓂ ᑲᑕᓐᓂᓕᒻᒧᑦ ᐊᒻᒪ ᐊᐅᔪᐃᑦᑐᒧᑦ ᐃᒪᕐᒨᖓᔪᒧᑦ) ᐊᒻᒪ; 205X9 – ᐃᓱᐊᓂ ᐸᓐᓂᖅᑑᖅ ᑲᖏᖅᑐᖓᓂ.

ᐊᑐᐊᒐᖅ 2.2: ᒪᑭᒪᑎᓪᓗᒍ ᐊᒻᒪ ᐅᑎᖅᑎᑕᐅᓗᑎ ᐊᕙᑎᖓ ᐊᑕᐅᓯᐅᓂᖓ, ᓴᐳᒻᒥᓗᒋᑦ ᐱᖅᑯᓯᓄᑦ ᓄᓇᒦᖔᖅᑐᑦ ᐊᒻᒪ ᐃᑉᐱᒋᑦᑎᐊᕐᓗᒋ ᐃᓄᐃᑦ ᐱᑯᓯᖏᑦ ᐊᒻᒪ ᐊᖑᓇᓱᓐᓂᖏᑦ.

ᐱᕙᓪᓕᐊᓂᖓ/ᑕᑯᔅᓴᐅᓂᖏᑦ:

• ᐊᕐᕌᒍ ᐃᓗᐊᓂ ᒪᑐᔭᐅᔪᑦ ᓴᖅᑭᖅᑎᑕᐅᔪᑦ ᐊᕐᕌᒍᑕᒫᒃᑯᑦ ᐊᖏᔪᖅᑳᖓᓐᓄᑦ ᑎᓕᓯᔾᔪᑎᖏᓐᓄᑦ ᐃᑉᐱᒍᓱᑦᑎᐊᕐᓗᑎ ᐃᓄᐃᑦ ᐱᔪᓐᓇᐅᑎᖏᓐᓂ ᓄᓂᕙᐃᓐᓇᕈᓐᓇᕐᓗᑎ ᐊᒻᒪ ᑑᒑᓕᒐᓱᐊᓂᕐᒧᑦ. ᐊᖏᔪᖅᑳᖓᓐᓄᑦ ᑎᓕᓯᔾᔪᑎᖏᑦ ᑐᓴᐅᒪᔾᔪᑎᑕᐅᔪᑦ ᐳᓚᕋᖅᑎᓄᑦ ᑐᑭᓯᒋᐊᕈᑎᓄᑦ, ᐳᓚᕋᖅᑎᓂᑦ ᖃᐅᔨᑎᑦᑎᓂᕐᒧᑦ, ᒥᕐᖑᐃᓯᕐᕕᒻᒧᑦ ᐊᓪᓚᕕᖓᓂ ᕿᑭᕐᑕᖅᔪᐊᒥ ᐊᒻᒪ ᐸᓐᓂᖅᑑᒥ, ᒥᕐᖑᐃᓯᕐᕕᒻᒥ ᑐᐊᕕᕐᓇᖅᑐᓄᑦ ᐃᓪᓗᕋᓛᓂᑦ, ᐊᒻᒪ ᐊᐅᔪᐃᑦᑐᖅ ᑲᓇᑕᒥ ᒥᕐᖑᐃᓯᕐᕕᒃ ᖃᕋᓴᐅᔭᒃᑯᑦ ᑐᑭᓯᒋᐊᕐᕕᖓᒍᑦ.

---

ᓇᒦᓐᓂᖓ 3: ᐅᑯᐊ ᐃᒪᖓᓂ Confederation Fiord−ᒧᑦ.

ᐊᑐᐊᒐᖅ 3.1: ᖁᕝᕙᕆᐊᕐᓗᒋᑦ ᐊᑐᐃᓐᓇᐅᔪᑦ ᓂᐅᕕᐊᔅᓴᐃᑦ ᐊᒻᒪ ᐱᓕᕆᐊᑦ ᐳᓚᕋᖅᑎᓄᑦ.

ᐱᕙᓪᓕᐊᓯᒪᓂᐅᔪᑦ/ᐅᔾᔨᕐᓇᓗᐊᕐᓂᖏᑦ

• ᑭᓪᓕᖃᖅᑎᑦᑎᓂᖅ ᐊᒻᒪ ᐱᔾᔪᑕᐅᔪᑦ ᐊᑦᑐᐃᓂᖃᖅᑐᑦ ᓇᒦᓐᓂᖓᓄ 2 ᐱᖃᓯᐅᔾᔭᐅᓂᐊᖅᑐᑦ ᑲᑎᒪᖃᑎᖃᓂᕐᒧᑦ ANP ᑎᑎᕋᖅᑕᐅᒋᐊᓐᖓᖅᓯᒪᔪᑦ ᐊᐅᓚᑦᑎᓂᕐᒧᑦ ᐸᕐᓇᐅᑦ, ᑲᒪᒋᔭᐅᓂᐊᖅᑐᑦ ᒥᕐᖑᐃᓯᕐᕕᒻᒧᑦ ᐸᕐᓇᐃᔨᓄᑦ ᐊᕐᕌᒍᖓᓂ 2022-2023
• ᐃᓚᒋᐊᕐᓗᒍ, ᒥᕐᖑᐃᓯᕐᕕᒻᒧᑦ ᐸᕐᓇᐃᔩᑦ ᐱᓕᕆᒋᐊᖃᖅᑎᑕᐅᓯᒪᔪᑦ ᑲᑎᒪᖃᑎᖃᕐᓗᑎ ᓄᓇᓕᓐᓂᑦ ᐱᔾᔪᑎᖃᖅᑐᓂᑦ ᐳᓚᕋᖅᑕᐅᓂᖓᓄ ᐅᑯᓂᖓ ᐱᖅᑯᓯᓄᑦ ᓇᔪᖅᑕᐅᔪᖅ ᓂᐊᑦᓗᒃᓯᐊᒃ ᑲᖏᖅᑐᖅ ᐃᓚᒋᓪᓗᓂᐅᒃ ᐊᐅᓚᑦᑎᓂᕐᒧᑦ ᐸᕐᓇᐃᕙᓪᓕᐊᓂᕐᒧᑦ.

ᐊᑐᐊᒐᖅ 3.2: ᒪᑭᒪᑎᓪᓗᒍ ᐊᒻᒪ ᐅᑎᖅᑎᑕᐅᓗᑎ ᐊᕙᑎᖓ ᐊᑕᐅᓯᐅᓂᖓ, ᓴᐳᒻᒥᓗᒋᑦ ᐱᖅᑯᓯᓄᑦ ᓄᓇᒦᖔᖅᑐᑦ ᐊᒻᒪ ᐃᑉᐱᒋᑦᑎᐊᕐᓗᒋ ᐃᓄᐃᑦ ᐱᑯᓯᖏᑦ ᐊᒻᒪ ᐊᖑᓇᓱᓐᓂᖏᑦ.

ᐱᕙᓪᓕᐊᓂᖓ/ᑕᑯᔅᓴᐅᓂᖏᑦ:

• ᐊᑐᖅᑕᐅᔭᕆᐊᓖᑦ CRM ᖃᐅᔨᓴᖃᑦᑕᓂᕐᒧᑦ ᓴᖅᑭᖅᑎᑕᐅᓚᐅᖅᑐᖅ 2021/22, ᐊᒻᒪ ᐊᑐᓕᖅᑎᑕᐅᓂᐊᖅᑐᒋᔭᐅᔪᖅ 2023−ᒥᑦ.

---

---

ᑭᖑᓪᓕᕐᒥ ᐱᓕᕆᐊᖑᓂᐊᖅᑐᑦ

ᒥᕐᖑᐃᓯᕐᕕᓕᕆᔩᑦ ᑲᓇᑕᒥ ᐊᒻᒪ ᐊᐅᔪᐃᑦᑐᖅ JPMC ᑲᔪᓯᑦᑎᐊᑲᓐᓂᖅᑐᓂᑦ ᐊᕐᕌᒎᓂᐊᖅᑐᒥᑦ. ᓄᕙᒡᔪᐊᕐᓇᖅ-19 ᓄᑖᖑᓯᒪᔪᖅ ᐊᔅᓱᕈᕈᑕᐅᓪᓗᓂ ᐅᑯᓄᖓ ANP ᐊᒻᒪ PCA ᓄᓇᕗᒻᒥ. ᐃᖅᑲᓇᐃᔭᖅᑏᑦ ᑲᔪᓯᓂᐊᖅᑐᑦ ᓴᓐᖏᔫᓗᑎ ᐊᓯᔾᔨᕐᓂᖃᖅᑎᓪᓗᒍ ᐊᒻᒪ ᕿᒥᕐᕈᓂᐊᖅᑐᑦ ᓄᑖᓂᑦ ᐊᑐᖅᑕᐅᔪᓐᓇᖅᑐᓂᑦ ᐃᓚᒋᔭᐅᑎᑦᑎᓗᓂ ᐊᑦᑕᓇᖏᑦᑐᒥᑦ JPMC, ᓄᓇᓕᒻᒥᐅᑕᓄᑦ, ᐱᓕᕆᖃᑎᖏᓐᓄᑦ ᐊᒻᒪ ᓯᕗᓂᔅᓴᒥ ᐳᓚᕋᖅᑎᓄᑦ. ᐸᕐᓇᐅᑏᑦ 2022-23−ᒧᑦ ᐋᖅᑭᒋᐊᖅᑕᐅᕙᓪᓕᐊᖏᓐᓇᖅᑐᑦ ᖃᓄᐃᓕᓯᒋᐊᕈᑎᐅᓪᓗᓂ ᐊᓯᔾᔨᐸᓪᓕᐊᔪᒧᑦ ᓯᓚᕐᔪᐊᒥ ᓄᕙᒡᔪᐊᕐᓇᖅ-19 ᐋᓐᓂᐊᓇᕐᒧᑦ. ᐱᓕᕆᐊᕆᔭᓪᓗᐊᑕᐅᓂᐊᖅᑐᑦ ᐊᕐᕌᒍᒧᑦ ᐊᒡᒋᖅᑐᒧᑦ ᐱᖃᓯᐅᔾᔨᔪᑦ:

• ᐊᐅᔪᐃᑦᑐᖅ ᒥᕐᖑᐃᓯᕐᕕᒻᒧᑦ ᐸᕐᓇᐃᔩᑦ ᑲᔪᓯᓂᐊᖅᑐᑦ ᐱᐅᓯᑎᑦᑎᒋᐊᕐᓗᑎ ᐊᐅᓚᑦᑎᓂᕐᒧᑦ ᐸᕐᓇᐃᓂᕐᒥᑦ ᒪᓕᑦᑐᒍ ᕿᑭᖅᑖᓗᒻᒥ IIBA, ᐱᖃᓯᐅᑎᓪᓗᑎ ᑭᖑᓪᓕᖅᐹᒥ ᐊᖏᓂᖓᓄᑦ ᑎᑎᕋᖅᓯᒪᔪᑦ ᐊᒻᒪ ᐱᒋᐊᖅᑎᑕᐅᓂᖏᑦ ᑎᑎᕋᖅᑕᐅᒋᐊᓐᖓᖅᓯᒪᔪᑦ ᐊᐅᓚᑦᑎᓂᕐᒧᑦ ᐸᕐᓇᐅᑦ. ᐊᐅᓚᑦᑎᓂᕐᒧᑦ ᐸᕐᓇᐅᑦ ᑲᑎᒪᑎᑦᑎᓂᐅᔪᑦ ᐱᒋᐊᓚᐅᖅᑐᑦ 2022-2023, ᐊᒻᒪ ᐱᖃᓯᐅᔾᔨᓂᐊᖅᑐᑦ ᐅᖃᐅᓯᖃᓂᕐᒥᑦ ᑭᓪᓕᖃᖅᑎᑦᑎᓂᕐᒧᑦ, ᐅᒥᐊᕐᔪᐊᓂ ᐳᓚᕋᖅᑎᓄᑦ ᐊᒻᒪ ᐱᖅᑯᓯᓅᖓᔪᓂᑦ ᐃᑲᔪᕐᓗᒍ ᐱᕙᓪᓕᐊᓂᖓ ᐊᒥᓱᒐᓚᓐᓄᑦ ᐱᓕᕆᐊᓄᑦ.
• ᑲᔪᓯᑎᓪᓗᒍ ᒥᕐᖑᐃᓯᕐᕕᒃ ᐊᐅᓚᓂᖓ ᐊᔾᔨᖓᑎᑐᑦ ᐋᓐᓂᐊᓇᖅᑐᑕᖃᓚᐅᖅᑎᓐᓇᒍ, ᑐᓐᖓᓂᖃᖅᑐᑦ ᐃᓄᓐᓄᑦ ᐋᓐᓂᐊᖅᑐᓕᕆᓂᕐᒧᑦ ᐊᑐᖅᑕᐅᔭᕆᐊᓕᓐᓄᑦ.
• ᑲᔪᓯᑎᓪᓗᒍ ᐊᑐᓕᖅᑎᑕᐅᓗᓂ ᐊᕙᑎᖓᓄ ᐊᑕᐅᓯᐅᓂᖓᓄᑦ ᖃᐅᔨᓴᖃᑦᑕᓂᕐᒧᑦ ᐱᓕᕆᐊᖅ ᒥᕐᖑᐃᓯᕐᕕᒻᒧᑦ, ᐱᖃᓯᐅᑎᓪᓗᑎ ᐃᓄᐃᑦ ᖃᐅᔨᒪᔭᖏᑦ ᐱᓕᕆᐊᓐᖓᐅᑦ, ᐊᒻᒪ ᕿᒥᕐᕈᔭᐅᓗᑎ ᒥᕐᖑᐃᓯᕐᕕᒻᒧᑦ ᐊᐅᔪᐃᑦᑐᖏᓐᓂ ᖃᐅᔨᓴᖃᑦᑕᓂᕐᒧᑦ ᐱᓕᕆᐊᖅ.