ᐱᓕᕆᖃᑎᖃᖅᑐᑎᒃ ᐅᖅᓱᖅᑑᒥᐅᑦ ᐃᓄᖏᓐᓂᑦ, ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᖃᐅᔨᓴᕆᐊᒃᑲᓐᓂᓚᐅᖅᐳᑦ ᐅᒦᔭᕐᓂᑯᒥᓂᕐᒥᑦ ᑯᐃᓐ ᐅᒥᐊᖁᑖᓂᑦ ᐃᐅᕆᐸᔅᒥ (HMS Erebus)

Wrecks of HMS Erebus and HMS Terror National Historic Site

ᑐᓴᕋᑦᓴᓕᐊᖅ

ᑐᓴᖅᑎᑦᓯᔾᔪᑕᐅᑦᓴᐅᑎᒋᔪᒃᓴᒫᖅ

ᐱᓕᕆᖃᑎᖃᖅᑐᑎᒃ ᐅᖅᓱᖅᑑᒥᐅᑦ ᐃᓄᖏᓐᓂᑦ, ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᖃᐅᔨᓴᕆᐊᒃᑲᓐᓂᓚᐅᖅᐳᑦ ᐅᒦᔭᕐᓂᑯᒥᓂᕐᒥᑦ ᑯᐃᓐ ᐅᒥᐊᖁᑖᓂᑦ ᐃᐅᕆᐸᔅᒥ (HMS Erebus)

ᐅᐱᕐᖓᓵᖓᓂ ᐊᐅᔭᖓᓂᓗ 2022 ᖃᐅᔨᓴᕐᓂᕐᒧᑦ ᐱᓕᕆᐊᖑᔪᑦ ᖃᐅᔨᓴᕈᑎᒥᓂᖅ ᖃᓄᐃᓕᖓᓕᕐᒪᖔ ᕗᕌᓐᑭᓕᐅᑉ ᐃᖏᕐᕋᓂᒥᓂᖓᓂᑦ ᐅᒦᔭᕐᕕᒥᓂᕐᒥ.

ᑏᓯᐱᕆ 9, 2022

ᒑᑦᓅ, ᑯᐸᐃᒃ

ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ

Parks Canada Underwater Archaeologist examines a belaying pin on the upper deck of HMS Erebus, September 2022.
ᒥᕐᖑᐃᓯᕐᕕᓕᕆᔩᑦ ᑲᓇᑕᒥ ᐃᖅᑳᓂ ᐊᖅᑲᐅᒪᔫᖅᑏᑦ ᐃᑦᑕᕐᓂᓴᓕᕆᔨᖏᑦ ᕿᒥᕐᕈᔪᑦ ᐸᐅᒍᐊᕐᒥᑦ ᐊᑦᓱᖏᖅᓯᔾᔪᒻᒥᑦ ᐅᒥᐊᕐᔪᐊᑉ ᖁᓛᓂ ᑯᐃᓐ ᐅᒥᐊᖁᑖᓂ ᐃᐅᕆᐸᔅᒥ (HMS Erebus), ᓰᑦᑏᕝᕙ 2022 ᐊᔾᔨᓕᐅᕆᔪᖅ: ᒫᒃ−ᐋᑐᕋᐃ ᕗᓂᐅᕐ(Marc-André Bernier), ᒥᕐᖑᐃᓯᕐᕕᓕᕆᔩᑦ ᑲᓇᑕᒥ

ᐱᓕᕆᖃᑎᒌᖕᓂᖅ – ᐃᓄᐃᑦ ᑐᓐᖓᕕᖏᑕ ᐃᓅᖃᑎᒌᓐᓂᕐᒧᑦ ᐱᒻᒪᕆᖁᑎᖏᑦ ᐅᕝᕙᓘᓐᓃᑦ ᐃᓄᐃᑦ ᖃᐅᔨᒪᔭᑐᖃᖏᑦ (IQ) ᐃᑲᔪᖅᑎᒌᓐᓂᒃᑯᑦ ᐱᓕᕆᒋᐊᓖᑦ − ᐊᑐᖅᑎᑕᐅᓚᐅᖅᐳᖅ ᒥᕐᖑᐃᓯᕐᕕᓕᕆᔨᒃᑯᓐᓄᑦ ᑲᓇᑕᒥ ᐃᓄᖏᓐᓄᓪᓗ ᐅᖅᓱᖅᑑᑉ ᖃᐅᔨᓴᖅᑕᐅᒋᐊᒃᑲᓐᓂᓕᖅᑎᓪᓗᒍ ᐅᒦᔭᕐᓂᑯᒥᓂᖅ ᑯᐃᓐ ᐅᒥᐊᖁᑖ ᐃᐅᕆᐸᔅ (HMS Erebus). ᐅᒦᔭᕐᕕᒥᓂᕐᒥ ᐱᓕᕆᓂᐅᓂᐊᖅᑐᖅ ᑲᔪᓯᑎᑕᐅᓂᐊᖅᑐᖅ ᖃᐅᔨᔾᔪᑕᐅᖁᓪᓗᒋᑦ ᖃᓄᐃᓕᖓᓂᖓᓂᒃ ᐆᒥᔭᕈᑎᒥᓂᖅ ᐊᕙᑖᓃᑦᑐᓪᓗ., ᑐᑭᓯᒃᑲᓐᓂᕈᑎᒋᕙᒃᑲᑦᑎᒍ ᖃᓄᐃᑦᑐᒥᓂᐅᕐᒪᖔᖅ ᐅᓂᒃᑳᖑᓂᖓᑕ 1845−ᖑᑎᓪᓗᒍ ᕗᕌᓐᑭᓐ ᐃᖏᕐᕋᓂᒥᓂᖓᑕ (Franklin Expedition).

ᑕᕝᕙᓂ ᐊᕐᕌᒍᒥ, ᐱᓕᕆᖃᑎᒋᔭᐅᓪᓗᑎᒃ ᓇᑦᑎᓕᒃ ᐃᓕᖅᑯᓯᓕᕆᔨᒃᑯᖏᑕ ᑲᑐᔾᔨᖃᑎᒌᖏᑦ ᐃᓄᐃᑦ ᓇᐅᑦᓯᑐᖅᑎᖏᑦ ᐅᖅᓱᖅᑑᒥᐅᑦ, ᒥᕐᖑᐃᖅᓯᕐᕕᓕᕆᔨᒃᑯᑦ ᑲᓇᑕᒥ ᐃᖅᑳᓂ ᐊᖅᑲᐅᒪᔫᖅᑏᑦ ᐃᑦᑕᕐᓂᑕᓕᕆᔨᖏᑦ ᐅᑎᕈᓐᓇᓚᐅᕐᒪᑕ ᐅᒦᔭᕈᑎᒥᓂᐅᔪᒧᑦ ᑯᐃᓐ ᐅᒥᐊᖁᑖᓄᑦ ᐃᐅᕆᐸᔅᒧᑦ (HMS Erebus) ᐊᒻᒪᓗ ᑯᐃᓐ ᐅᒥᐊᖁᑖᓄᑦ ᑎᐅᕈᒧᑦ (HMS Terror) ᑲᓇᑕᒥ ᐊᑐᓚᐅᖅᑐᒥᓂᖅ ᐃᓂᖓ ᐊᐅᓚᑕᐅᖁᓪᓗᒍ ᐃᑦᑕᕐᓂᑕᓕᕆᓂᕐᒨᖓᔪᑦ ᐱᔭᕆᐊᖃᓪᓚᕆᑦᑐᑦ ᐱᓕᕆᐊᖑᒋᐊᖃᓪᓚᕆᓐᓂᖏᑦ. ᐱᓕᕆᐊᖑᖃᓯᐅᑎᓪᓗᓂ ᐊᐅᓚᑕᒐᒃᑯᑦ ᐊᐅᓚᑕᐅᓲᑦ ᐃᖏᕐᕋᔫᖅ (ROV) ᓯᑰᑉ ᐊᑖᓂ ᐃᓂᖓᓂ ᑯᐃᓐ ᐅᒥᐊᖁᑖᑕ ᐃᐅᕆᐸᔅ (HMS Erebus). ᐄᑉᐳᓘᒥ ᒪᐃᒥᓗ ᐊᖅᑲᐅᒪᔫᖅᑏᑦ ᐊᖅᑲᐅᒪᕙᑦᑐᑦ ᓯᑦᑏᕝᕙᒧᓄᑦ.

ᐄᑉᐳᓘᒥ ᒪᐃᒥᓗ 2022, ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᓇᐅᑦᓯᑐᖅᑏᓪᓗ ᐅᖅᓱᖅᑑᒦᙶᖅᓯᒪᔪᑦ ᓯᑯᒥ ᑕᒻᒫᖅᓯᒪᓪᓗᑎᒃ ᖁᓛᓃ ᐅᒦᔭᕐᕕᒥᓂᐅᑉ ᐃᐅᕆᐸᔅ (HMS Erebus) ᐃᓂᖓᑕ ᖃᐅᔨᒋᐊᓚᐅᖅᑐᑦ ᐅᒥᐊᒥᓂᖅ ᖃᓄᐃᓕᖓᒻᒪᖔᑦ ᓄᐊᑦᓯᒍᒪᓪᓗᑎᓪᓗ ᓄᑕᓂᒃ ᑕᑯᔭᐅᔪᓂᒃ ᖃᐅᔨᓴᖅᑕᐅᔪᓂᑦ. ᐅᒦᔭᕐᕕᒥᓂᖅ ᖃᐅᔨᓴᑦᓯᐊᖅᑕᐅᒋᐊᖃᕐᓯᒪᓂᖓᓄᑦ ᖃᐅᔨᓴᖅᑕᐅᓚᐅᖅᓯᒪᓐᖏᒻᒪᑦ ᐅᖓᑖᓄᑦ ᐊᕐᕌᒎᑉ ᒪᕐᕉᖅ ᐊᕝᕙᖓᓂᓗ. ᐅᒦᔭᕐᕕᒥᓂᕐᒥ ᖃᐅᔨᓴᕐᓂᒥᓂᖅ ᑲᔪᓯᑦᓯᐊᓚᐅᖅᑐᖅ ᓇᐅᑦᓯᑐᖅᑏᓪᓗ ᐱᓕᕆᔪᒥᓂᐅᓪᓗᑎᒃ ᐃᓗᓕᓪᓗᐊᑕᖏᑦ ᐱᓪᓗᒋᑦ ᖃᐅᔨᓴᕐᓂᐅᑉ ᐃᓗᐊᓂ ᐅᐱᕐᖓᑦᓵᖓᓂ ᓯᑯᒥ ᐊᐅᓚᑕᒐᒃᑯᑦ ᐊᐅᓚᑕᐅᓲᑦ ᐃᖏᕐᕋᔫᖅ ᐊᐅᓚᑦᓯᓂᕐᒧᖓᔪᒃ ᐱᖃᓯᐅᔾᔭᐅᓪᓗᑎᒃ, ᐃᓂᒋᔭᐅᑲᐃᓐᓇᓂᐊᖅᑐᒥ, ᐆᒪᔪᓂᒃ ᖃᐅᔨᓴᖁᓪᓗᒋᑦ ᐃᑦᑕᕐᓂᑕᓕᕆᓂᕐᒨᖓᔪᓂᓪᓗ.

ᓯᑦᑏᕝᕙᐅᑎᓪᓗᒍ 2022, ᐃᑦᑕᕐᓂᑕᓕᕆᓂᕐᒧᑦ ᖃᐅᔨᓴᖅᑐᓕᕆᓂᖅ ᓄᓇᓕᕆᓂᕐᓗ ᐱᒋᐊᖅᑕᐅᑲᓐᓂᖅᑐᒥᓂᖅ ᐃᐅᕆᐸᔅ (HMS Erebus) ᐃᓂᖃᖅᓱᑎᒃ RV ᑕᐃᕕᑦ ᑖᒻᓴᓐ ᐅᒥᐊᕐᔪᐊᒥ ᐱᓕᕆᔾᔪᑕᐅᔪᓪᓗ ᐅᓯᑲᑦᑕᐅᑎ ᕿᓂᖅᑎᕐᔪᐊᖅ. ᐱᓕᕆᖃᑎᒌᑦᑐᑦ ᐱᐊᓂᓚᐅᖅᑐᑦ 56−ᓂᑦ ᐊᑐᓂᑦ ᐊᖅᑲᐅᒪᔫᖅᑏᑦ ᐊᖅᑲᐅᒪᓂᖏᑦ ᐅᓪᓗᐃᑦ 11 ᐃᓗᐊᓂ. ᑕᕝᕙᓂ ᐊᕐᕌᒍᒥ, ᐱᐊᓂᑦᑕᐅᔪᑦ ᐱᓕᕆᐊᖑᒋᐊᓖᑦ, ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᐃᑦᑕᕐᓂᑕᓕᕆᔨᖏᑦ ᑐᑭᓯᐅᒪᔭᖅᑖᑲᓐᓂᖅᑐᒥᓃᑦ ᖃᓄᐃᓕᔪᒥᓂᐅᓂᖓ ᐅᒦᔭᕐᓂᑯᒥᓂᕐᓗ ᖃᓄᐃᓕᖓᓕᕐᒪᖔᑦ ᐊᓯᔾᔨᕐᓂᖃᕐᒪᖔᑦ ᐅᒦᔭᕆᐊᓐᖓᑎᓪᓗᒍ, ᐱᒋᐊᕈᑕᐅᓪᓗᓂ ᑐᖏᓕᒥᓂᐅᑉ ᐊᖏᔪᖅᑳᑉ ᐃᒻᒪᖃ ᐃᓪᓘᔭᖓ, ᑲᔪᓯᓪᓗᑎᒃ ᑳᐱᑕᐃᑉ ᐃᓪᓘᔭᒥᓂᖓᓅᔫᑦᓴᐅᔪᖅ, ᑲᔪᓯᓪᓗᑎᓪᓗ ᓱᓕ ᐱᖓᔪᐊᑕ ᐊᖏᔪᖅᑳᖓᑕ ᐃᓪᓘᔭᒥᓂᖓᑕᐅᔪᑦᓴᐅᔪᖅ, ᐱᒪᔭᐅᓪᓗᓂᓗ ᓄᓇᓕᕆᓂᒃᑯᑦ ᐃᓚᖓ ᑳᐱᑕᐃ ᓯᑑᕗᑦ ᓂᕿᒃᑯᕕᒥᓂᖓ. ᓄᓇᓕᕆᓂᕐᒨᖓᔪᑦ ᑯᐃᓐ ᐅᒥᐊᖁᑖ ᐃᐅᕆᐸᔅ (HMS Erebus) ᐱᓪᓗᒍ ᐱᖃᓯᐅᑎᓪᓗᒋᑦ ᖃᐅᔨᓴᖅᑕᐅᑦᓯᐊᖅᓱᑎᒃ ᑲᒪᒋᔭᐅᓚᐅᖅᑐᑦ 275 ᐱᖁᑎᒥᓃᑦ ᐅᒦᔭᕈᑕᐅᔪᒥᓂᕐᒥ. ᑕᒪᒃᑯᐊ ᐱᖁᑎᒥᓃᑦ ᑲᑐᔾᔨᖃᑎᒌᕝᕕᐅᓪᓗᑎᒃ ᓇᒻᒥᓂᕆᔭᐅᔪᑦ ᐃᓄᐃᑦ ᐱᖁᑎᖏᓐᓂᑦ ᓇᐅᑦᓯᑐᖅᑎᖏᓐᓄᑦ ᒐᕙᒪᖓᓄᓪᓗ ᑲᓇᑕᐅᑉ

2022−ᒥ ᐅᒥᔭᕐᕕᒥᓂᕐᒥ ᐱᓕᕆᑎᓪᓗᒋᑦ ᓇᓗᓇᐃᓚᐅᖅᑐᖅ ᐅᒥᐊᒥᓂᐅᑉ ᐊᓯᔾᔨᖅᓯᒪᓕᕐᓂᖓᓂᒃ ᑖᓐᓇ ᑯᐃᓐ ᐅᒥᐊᖁᑖ ᐃᐅᕆᐸᔅ (HMS Erebus) ᑲᒪᒋᔭᐅᒋᐊᒃᑲᓐᓂᓕᖅᑎᓪᓗᒍ, ᐱᔾᔪᑕᐅᓂᖅᐸᐅᔪᕆᔭᐅᓪᓗᓂ ᒪᓕᓐᓄᑦ ᐊᓄᕆᒧᑦ ᐊᐅᓚᑕᐅᓂᒥᓂᖓ. ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᐅᒦᔭᕐᕕᒥᓂᕐᒥᓗ ᓇᐅᑦᓯᑐᖅᑏᑦ ᖃᐅᔨᓴᖅᑐᖅ ᖃᐅᔨᒐᓱᐊᖅᓱᑎᓪᓗ ᑕᒪᒃᑯᓂᖓ ᐊᓯᔾᔨᕈᑕᐅᔪᓂᒃ, ᐱᖃᓯᐅᑎᓪᓗᒍ ᓯᓚᐅᑉ ᐅᖅᑰᓯᕙᓪᓕᐊᓂᖓᓂᒃ ᐱᔾᔪᑎᖃᕈᓐᓇᖅᑐᑦ ᐅᒦᔭᕐᕕᒥᓂᕐᒥ.

ᖃᐅᔨᒃᑲᐃᒍᑎᒥᓃᑦ ᓇᓗᓇᐃᖅᓯᔪᒥᓃᑦ ᖃᐅᔨᔭᐅᒻᒪᐃᑦᑐᒥᓂᕐᓂᒃ ᐱᑯᑎᒥᓂᕐᓂᒃ 2019−ᖑᑎᓪᓗᒍ ᐅᒦᔭᕐᕕᒥᓂᕐᒥ ᖃᐅᔨᔭᐅᓯᒪᔪᑦ ᐊᑐᐃᓐᓇᐅᑎᑕᐅᓪᓗᑎᓪᓗ ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᐃᑭᐊᖅᑭᕕᖓᓐᓂ ᐅᕙᓂ @PCArhaeology ᑐᓴᐅᒪᔾᔪᑎᓕᕆᔾᔪᑎᖏᓐᓂ. ᐃᓚᓕᐅᑎᓯᒪᔪᑦ 2022−ᒥ ᐅᒦᔭᕐᕕᒥᓂᕐᒥ ᖃᐅᔨᓴᐅᑎᒥᓃᑦ ᐊᑐᐃᓐᓇᕈᖅᑕᐅᒍᒫᕐᓂᐊᖅᑐᑦ.

ᐊᔾᔩᑦ

Inuit Guardians and Parks Canada Underwater Archaeology Team members at the end of the April/May project at HMS Erebus, May 2022.
ᐃᓄᐃᑦ ᓇᐅᑦᓯᑐᖅᑏᑦ ᐊᒻᒪᓗ ᒥᕐᖑᐃᓯᕐᕕᓕᕆᔩᑦ ᑲᓇᑕᒥ ᐃᖅᑳᓂ ᐊᖅᑲᐅᒪᔫᖅᑏᑦ ᐃᑦᑕᕐᓂᓴᓕᕆᔨᖏᑕᓗ ᐃᓱᐊᓂ ᐊᐃᑉᐳᓘᒥ/ᒪᐃᓗ ᐱᓕᕆᓚᐅᖅᑎᓪᓗᒋᑦ ᑯᐃᓐ ᐅᒥᐊᖁᑖᓂ ᐃᐅᕆᐸᔅᒥ (HMS Erebus) ᐃᓂᖓᑕ, ᐊᐃᑉᐳᓘ 2022 ᐊᔾᔨᓕᐅᕆᔪᖅ: ᑕᐃᕆ ᕗᐃᔪ (Thierry Boyer), ᒥᕐᖑᐃᓯᕐᕕᓕᕆᔩᑦ ᑲᓇᑕᒥ .
Deep Trekker ROV in the diving hole at the HMS Erebus site, April 2022.
ᐃᑎᔪᒥ ᐃᖏᕐᕋᔫᖅ ᐊᐅᓚᑕᒐᒃᑯᑦ ᐊᐅᓚᑕᐅᓲᑦ ᐊᖅᑲᐅᒪᕕᐅᕙᑦᑑᑉ ᑭᓪᓚᖓᓂ ᑯᐃᓐ ᐅᒥᐊᖁᑖᑕ ᐃᐅᕆᐸᔅ (HMS Erebus) ᐃᓂᖓᓂ, ᐊᐃᑉᐳᓘ 2022 ᐊᔾᔨᓕᐅᕆᔪᖅ: ᐊᐃᒥ ᓂᐅᕋᓐ (Aimie Néron), ᒥᕐᖑᐃᓯᕐᕕᓕᕆᔩᑦ ᑲᓇᑕᒥ .

ᐅᖃᐅᓯᒥᓃᑦ

“ᓇᓂᔭᒥᓂᖅ ᓄᓇᒥ ᐊᔾᔨᖃᖏᑦᑐᒥ ᐊᒻᒪᓗ ᐊᑦᑐᖅᑕᐅᓴᕋᐃᓐᓂᖓᓂ ᑕᕆᐅᑉ ᐃᒪᐅᑉ ᐊᕙᑎᖏᑦ, ᐅᒦᔭᕈᑎᒥᓂᖅ ᑖᒃᑯᐊ ᑯᐃᓐ ᐅᒥᐊᖁᑖ ᐃᐅᕆᐸᔅ (HMS Erebus) ᐊᒻᒪᓗ ᑯᐃᓐ ᐅᒥᐊᖁᑖ ᑎᐅᕈᕐ (Terror) ᐃᓚᖏᑦ ᓱᕐᕋᐃᑦᑑᓂᖃᖅᓱᑎᒃ ᕿᔪᑦ ᐅᒦᔭᕈᑕᐅᓯᒪᔪᓂ ᓄᓇᕐᔪᐊᒥ. ᑲᔪᓯᓂᖃᕐᓂᖅ ᐃᑦᑕᕐᓂᑕᓕᕆᓂᒃᑯᑦ ᐱᔭᕆᐊᖃᓪᓚᕆᑦᑎᓪᓗᒍ ᖃᐅᔨᓴᕐᓂᒃᑯᑦ ᐅᒦᔭᕐᕕᒥᓂᕐᒥ ᑐᑭᓯᒃᑲᓐᓂᕈᑎᒋᓯᒪᒐᑦᑎᒍ ᖃᓄᖅ ᓯᓚᐅᑉ ᐊᓯᔾᔨᕐᓂᖓ ᐊᑦᑐᐃᓂᖃᕈᓐᓇᕐᒪᖔᑦ ᓄᓇᒥᒃ ᑕᒪᒃᓱᒪᖓᑦ ᐃᑲᔪᖅᓯᓪᓗᓂᓗ ᐅᕙᑦᑎᓐᓂᒃ ᐱᐅᖅᓱᐊᓂᒃᑯᑦ ᓴᐳᔾᔨᓂᒃᑯᓪᓗ ᐃᓇᖏᖅᑕᐅᒍᓐᓇᖏᑦᑐᒥᒃ ᓱᕋᐃᑦᑐᒥᒃ ᐊᒻᒪᓗ ᐱᖅᑯᓯᕐᒥᒃ.”

ᒪᓕᒐᓕᐅᖅᑎ ᓯᑏᕙᓐ ᒍᐃᓪᐳᐃᑦ,
ᒥᓂᔅᑕ ᐊᕙᑎᓕᕆᓂᕐᒧᑦ ᐊᒻᒪᓗ ᓯᓚᐅᑉ ᐊᓯᔾᔨᕐᓂᖓᓄᑦ ᒥᓂᔅᑕᐅᓪᓗᓂᓗ ᒥᕐᕈᐃᖅᓯᕕᓕᕆᓂᕐᒧᑦ ᑲᓇᑕᒥ

“ᐃᓄᐃᑦ ᐅᖃᐅᓯᒃᑯᑦ ᐸᐸᑦᓯᓂᖏᑦ ᐅᓂᒃᑳᖅᑎᒍᑦ ᖃᐅᔨᕙᓪᓕᐊᒍᑕᐅᓚᐅᕐᒪᑕ ᐅᒦᔭᕐᓂᑰᒃ ᒥᑦᓵᓄᑦ ᑯᐃᓐ ᐅᒥᐊᖁᑖ ᐃᐅᕆᐸᔅ (HMS Erebus) ᐊᒻᒪᓗ ᑯᐃᓐ ᐅᒥᐊᖁᑖ ᑎᐅᕈᑉ (HMS Terror) ᐊᒻᒪᓗ ᖃᐅᔨᒪᔭᐅᓂᐊᓕᖅᑐᑎᒃ ᑐᓴᐅᒪᔭᐅᔪᑦ ᕿᒻᒪᑦᑕᐅᑦᓯᐊᕐᓂᖏᑦ ᐅᐱᒋᔭᐅᓂᒃᑯᑦ ᐱᐅᓕᔭᐅᒋᐊᕐᓂᖏᓪᓗ ᑲᑐᔾᔨᓂᒃᑯᑦ−ᐱᖁᑎᒥᓃᑦ ᐃᑲᔪᖅᓯᔪᑦ ᐅᕙᑦᑎᓐᓂᒃ ᐅᓂᒃᑳᕆᔭᐅᓂᖓᒍᑦ 1845−ᒥ ᕗᕌᓐᑭᓐ ᐃᖏᕐᕋᓂᒥᓂᖓᑕ. ᐃᓄᐃᑦ ᓱᓕ ᐃᓚᒋᔭᐅᕗᑦ ᐅᓂᒃᑳᖑᓂᖓᓄᑦ ᑲᑐᔾᔨᖃᑎᒌᖕᓂᒃᑯᑦ ᐃᑲᔪᖅᑎᒌᖕᓂᑯᓪᓗ, ᑕᐃᒫᑦᓴᐃᓇᕐᓗᐊᖅ ᐃᑲᔪᖅᑐᖅᑕᐅᓂᒃᑯᑦ ᓇᐅᑦᓯᑐᕐᓂᕐᒧᑦ ᐃᓕᓐᓂᐊᕋᑦᓴᑎᒍᑦ, ᓴᐳᑎᔭᐅᑦᓯᐊᖁᓪᓗᒍ ᐊᒻᒪᓗ ᐋᖅᑭᑦᑕᐅᓯᒪᓂᖓᓄᑦ ᑲᓇᑕᒥ ᐊᑐᖅᑕᐅᓚᐅᖅᑐᒥᓂᐅᓪᓗᓂ ᐅᒦᔭᕐᕕᒥᓂᖅ.”

ᕗᕆᐊᑦ ᐱᐊᑐᓴᓐ,
ᐃᒃᓯᕙᐅᑕᕆᔭᖅ, ᕗᕌᓐᑭᓐ ᐅᖃᐅᔾᔨᒋᐊᖅᑎᑦ ᑲᑎᒪᔨᕋᓛᓄᑦ

ᓇᓗᓇᐃᓯᑲᐃᓐᓇᕈᑎᑦ

  • ᐅᒦᔭᐅᑎᒥᓃᒃ ᑖᒃᑯᐊ ᑯᐃᓐ ᐅᒥᐊᖁᑖ ᐃᐅᕆᐸᔅ (HMS Erebus) ᐊᒻᒪᓗ ᑯᐃᓐ ᐅᒥᐊᖁᑖ ᑎᐅᕈᑉ (HMS Terror) ᑲᓇᑕᒥ ᐊᑐᖅᑕᐅᓚᐅᖅᑐᒥᓂᖅ ᐅᒦᔭᕐᕕᒥᓂᖅ ᓯᕗᓪᓕᖅᐸᐅᕗᖅ ᑲᑐᔾᔨᖃᑎᒌᒍᑕᐅᓂᖓ ᐊᐅᓚᑦᑎᖃᑎᒌᑎᒍᑦ ᑲᓇᑕᒥ ᐃᑦᑕᕐᓂᑕᓕᕆᓂᕐᒥ ᐅᒦᔭᕐᕕᒥᓂᐅᑉ ᐃᓂᖓ ᓄᓇᕗᒻᒥ. ᑯᐃᓐ ᐅᒥᐊᖁᑖ ᑎᐅᕈᕐ (HMS Terror) ᐃᓕᔭᐅᓚᐅᖅᑐᖅ ᐅᒦᔭᕐᕕᒥᓂᐅᑉ ᐃᓕᑕᕆᔭᐅᓂᖓᓄᑦ ᑖᒃᑯᓄᖓ ᑯᐃᓐ ᐅᒥᐊᖁᑖ ᐃᐅᕆᐸᔅ (HMS Erebus) ᐊᒻᒪᓗ ᑯᐃᓐ ᐅᒥᐊᖁᑖ ᑎᐅᕈᑉ (HMS Terror) ᐃᑦᑕᕐᓂᑕᖃᕐᕕᐅᓂᖓᓄᑦ ᐅᒦᔭᕐᓂᖁᒦᓃᑦ ᐃᓂᖏᓐᓄᑦ 2017−ᖑᑎᓪᓗᒍ, ᒪᓕᒐᖅᑎᒍᑦ ᓴᐳᑎᔭᐅᓂᐊᕐᓗᑎᒃ ᐅᒦᔭᕐᕕᒥᓃᒃ ᐃᓂᖏᒃ ᒪᓕᑦᑐᒍ ᑲᓇᑕᒥ ᒥᕐᖑᐃᖅᓯᕐᕕᓕᕆᓂᕐᒧᑦ ᐱᖁᔭᕐᔪᐊᖓ 2015-ᒍᑎᓪᓗᒍ.
  • ᐱᒋᐊᖅᑎᑕᐅᓚᐅᖅᑐᖅ 2016−ᖑᑎᓪᓗᒍ, ᕗᕌᓐᑭᓐ ᐅᖃᐅᔾᔨᒋᐊᖅᑎᑦ ᑲᑎᒪᔨᓛᖏᑦ, ᓄᓇᓕᐅᑉ ᑲᑎᒪᔨᖏᑦ ᑭᒡᒐᖅᑐᐃᔩᓪᓗ ᕿᑎᕐᒥᐅᓂ ᐃᓄᐃᑦ ᑲᑐᔾᔨᖃᑎᒌᖏᓐᓂᒃ, ᐃᓄᐃᑦ ᐱᖁᑎᖏᓐᓂᑦ ᓇᐅᑦᓯᑐᖅᑏᑦ, ᒐᕙᒪᒃᑯᖏᑦ ᓄᓇᕗᑦ, ᐃᓕᖅᑯᓯᑐᖃᓕᕆᔨᒃᑯᑦ ᐳᓚᕋᖅᑐᓕᕆᔨᒃᑯᓪᓗ ᐊᒻᒪᓗ ᑲᓇᑕᒥ ᒥᕐᖑᐃᖅᓯᕐᕕᓕᕆᔨᒃᑯᑦ, ᑖᒃᑯᐊ ᐅᖃᔾᔨᒋᐊᖅᐸᑦᑐᑦ ᐊᐅᓚᑕᐅᓂᖓᑕ ᒥᒃᓵᓐᓄᑦ ᐅᒦᔭᕐᓂᑯᒥᓃᒃ ᐃᓄᐃᑦ ᐊᒃᑐᖅᑕᐅᓂᖅᐸᑕ ᐊᒻᒪᓗ ᐃᑲᔫᑎᓴᐃᑦ ᐊᖏᖃᑎᒌᒍᖓᒍᑦ ᑕᕝᕙᕈᖅᑎᑕᐅᖏᓐᓂᖓᓂ ᑖᒃᑯᓄᖓ ᑲᓇᑕᒥ ᒥᕐᖑᐃᖅᓯᕐᕕᓕᕆᔨᒃᑯᓐᓄᑦ ᐊᒻᒪᓗ ᕿᑎᕐᒥᐅᓂ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ.
  • 2017-ᒥᓂᒃ, ᓇᐅᑦᓯᑐᕐᓂᕐᒧᑦ ᐃᓕᓐᓂᐊᕋᑦᓴᖅ ᐊᐅᓚᓂᖃᖅᓯᒪᓕᖅᑐᖅ ᑖᒃᑯᐊ ᐅᒦᔭᕐᓂᒥᓂᖏᑕ ᑯᐃᓐ ᐅᒥᐊᖁᑖ ᐃᐅᕆᐸᔅ (HMS Erebus) ᐊᒻᒪᓗ ᑯᐃᓐ ᐅᒥᐊᖁᑖ ᑎᐅᕈᑉ (HMS Terror) ᑲᓇᑕᒥ ᐃᑦᑕᕐᓂᑕᓕᕆᔩᑦ ᐅᒦᔭᕐᕕᒥᓂᕐᒥ, ᐱᖃᑕᐅᑎᑕᐅᓪᓗᑎᒃ ᐃᓄᐃᑦ ᐅᖅᓱᖅᑑᕐᒥᐅᑦ ᓴᐳᑎᔭᐅᓂᖓᓄᑦ ᓇᐅᑦᓯᑐᖅᑕᐅᓂᖏᑕᓄᑦ ᕗᕌᓐᑭᓐ ᐅᒦᔭᕐᓂᒥᓃᑦ ᐃᑲᔪᖅᓂᖃᕈᑕᐅᓪᓗᓂ ᐊᑐᖅᑕᐅᑎᑕᐅᓂᖓᓂᒃ ᐃᓄᐃᑦ ᖃᐅᔨᒪᓂᖓᑦ ᑲᓇᑕᒥ ᒥᕐᖑᐃᖅᓯᕐᕕᓕᕆᔨᒃᑯᑦ ᐊᐅᓚᓂᖃᖅᑎᑕᖏᓐᓂ ᐊᐅᓚᑕᐅᓂᖓᓗ ᑲᓇᑕᒥ ᐃᖅᑕᕐᓂᑕᓕᕆᔩᑦ ᐅᒦᔭᕐᕕᒥᓂᖏᒃ.
  • ᐅᒦᔭᐅᑎᒥᓂᖅ ᑯᐃᓐ ᐅᒥᐊᖁᑖ ᑎᐅᕈᑉ (HMS Terror) ᐅᐸᑦᑕᐅᓚᐅᓐᖏᑦᑐᖅ 2022−ᒥ ᐊᑲᐅᓈᕈᑎᓐᓂᖏᒻᒪᑦ ᐃᓗᓕᕆᒍᓐᓇᖅᑕᖏᑕᓗ ᓇᓗᓇᐃᖅᓯᒍᑕᐅᓗᑎᒃ ᐊᑲᐅᓈᕈᑎᔪᒥᓂᐅᖏᒻᒪᑕ.
  • 2018−ᒥᓂᒃ, ᓄᑖᑦ ᓇᓂᔭᐅᔪᑦ ᐱᖁᑎᒥᓃᑦ ᑯᐃᓐ ᐅᒥᐊᖁᑖᓂ ᐃᐅᕆᐸᔅᒥ (HMS Erebus) ᐊᒻᒪᓗ ᑯᐃᓐ ᐅᒥᐊᖁᑖᓂ ᑎᐅᕈᕐᒥ (HMS Terror) ᑲᑐᔾᔨᖃᑎᒌᒍᑕᐅᓪᓗᑎᒃ ᓇᒻᒥᓂᖁᑎᒋᔭᐃᑦ ᒐᕙᒪᒃᑯᖏᓐᓄᑦ ᑲᓇᑕᐅᑉ ᐃᓄᓐᓄᓪᓗ. ᐄᐳᓘ 2019−ᖑᑎᓪᓗᒍ, ᒐᕙᒪᒃᑯᖏᑦ ᑲᓇᑕᐅᑉ ᐊᒻᒪᓗ ᐃᓄᐃᑦ ᐱᖁᑎᖏᓐᓂᑦ ᓇᐅᑦᓯᑐᖅᑏᑦ ᐊᑎᓕᐅᖅᑐᒥᓃᒃ ᑎᑎᕋᖅᓯᒪᔪᒥᒃ ᑐᑭᓯᐅᒪᖃᑎᒌᖕᓂᕐᒧᑦ ᓇᓗᓇᐃᔭᐃᒍᑕᐅᓯᒪᔪᖅ ᖃᓄᖅ ᑖᒃᑯᐊ ᑎᒥᐅᖃᑎᒌᒃ ᐱᓕᕆᖃᑎᒌᓐᓂᐊᕐᒪᖔᑎᒃ ᓴᐳᔾᔨᖃᑎᒌᓪᓗᑎᒃ, ᖃᐅᔨᓴᕐᓂᒃᑯᑦ, ᐱᐅᖅᓱᐊᖅᑕᐅᓗᑎᓪᓗ ᐊᒥᖅᑲᐅᑕᐅᓗᑎᓪᓗ ᕗᕌᓐᑭᓐ ᐱᖁᑎᒥᓂᖏᓐᓂᑦ.
  • ᐊᐅᒡᒍᓯ 2019-ᖑᑎᓪᓗᒍ, ᒥᕐᖑᐃᖅᓯᕕᓕᕆᔨᒃᑯᑦ ᑲᓇᑕᒥ ᓴᖅᑮᔪᒥᓃᑦ ᓂᕆᐅᒋᔭᐅᖏᑦᑐᒥᒃ, ᑕᑯᔭᐅᓚᐅᖅᓯᒪᖏᑦᑐᒥᒃ ᐊᔾᔨᓕᐅᒐᕐᒥᒃ video footage ᑖᒃᓱᒥᖓ ᑯᐃᓐ ᐅᒥᐊᖁᑖ ᑎᐅᕈᑉ (HMS Terror) ᐊᖏᓂᖅᐸᐅᖃᑕᐅᓪᓗᓂ, ᐊᔪᕐᓇᕐᓂᖅᐸᐅᓪᓗᓂᓗ ᐃᖅᑲᕐᒥ ᐃᑦᑕᕐᓂᓕᕆᔾᔪᑎᒥᓂᖅ ᑲᓇᑕᒥ. ᐱᕙᓪᓕᐊᔭᐅᓂᖓ ᐃᖅᑲᐅᒪᒐᑦᓴᖅ ᓯᕗᓪᓕᖅᐸᓪᓗᓂ ᖃᐅᔨᒐᓱᐊᕐᓂᒥᓂᖅ ᐃᓗᐊᓂ ᑯᐃᓐ ᐅᒥᐊᖁᑖ ᑎᐅᕈᑉ (HMS Terror) ᒥᕐᖑᐃᖅᓯᕕᓕᕆᔨᒃᑯᑦ ᑲᓇᑕᒥ ᐃᖅᑳᓂ ᐃᑦᑕᕐᓂᑕᓕᕆᓂᕐᒧᑦ ᐱᓕᕆᖃᑎᒌᑦ, ᐱᓕᕆᖃᑎᖃᖅᓱᑎᒃ ᐃᓄᖕᓂᑦ, 350 ᐅᖓᑖᓂᑦᑐᓂᒃ ᐱᖁᑎᒥᓂᕐᓂᒃ ᓇᓂᔭᐅᔪᖃᖅᓯᒪᓕᖅᑐᓂ ᑕᕝᕙᖓᑦ ᑯᐃᓐ ᐅᒥᐊᖁᑖᓂᑦ ᐃᐅᕆᐸᔅᒥᑦ (HMS Erebus)
  • ᐃᑲᔪᖅᓯᓗᒍ 2022 ᖃᐅᔨᓴᕐᓂᐅᓚᐅᖅᑐᖅ, ᒐᕙᒪᒃᑯᖏᑦ ᑲᓇᑕᐅᑉ ᐱᕙᓪᓕᐊᔭᖓ ᐊᐃᑉᐱᖅᑐᖅ ᐊᕐᕌᒍᖓ ᐱᓕᕆᓂᖓᑕ ᓯᑕᒪᓄᓪᓗ ᐊᕐᕌᒍᓄᑦ ᐊᖏᕈᑕᐅᓯᒪᓪᓗᓂ ᑕᒪᓐᓇ ᑮᓇᐅᔭᖅᑐᕐᓂᐊᕐᓂᖓ 2021-ᒥ Budget 2021 ᐱᕙᓪᓕᐊᔭᐅᒋᐊᒃᑲᓐᓂᖁᓪᓗᒍ ᐃᑦᑕᕐᓂᑕᓕᕆᓂᖅ ᐱᐅᖅᓱᐊᕆᐊᖃᕐᓂᕐᓗ ᐱᓕᕆᐊᖑᓂᖓ ᕗᕌᓐᑭᓐ ᐃᖏᕐᕋᒥᓂᖓᑕ ᐃᓂᖏᒃ.

ᑐᕌᕈᑎᑦ ᖃᕆᑕᐅᔭᒃᑯᑦ ᑕᒪᒃᓱᒧᖓᓕᖓᔪᑦ

ᖃᐅᔨᒋᐊᕐᕕᑦᓴᐃᑦ

ᑲᐃᑦᓕᓐ ᐸᐅᕗ
ᑐᓴᕋᑦᓴᓕᕆᓂᕐᒧᑦ ᑎᑎᕋᖅᑎ
ᐊᓪᓚᕝᕕᖓᓂ ᒥᓂᔅᑕᐅᑉ ᐊᕙᑎᓕᕆᓂᕐᒧᑦ ᐊᒻᒪᓗ ᓯᓚᐅᑉ ᐊᓯᔾᔨᕐᓂᖓᓄᑦ
819-230-1557
Kaitlin.power@ec.gc.ca

ᑐᓴᕋᑦᓴᓕᕆᔨᒃᑯᑦ
ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ
pc.media@pc.gc.ca

Related links

Date modified :