ᑲᓇᑕᐅᑉ ᒐᕙᒪᒃᑯᖏᑦ ᓴᖅᑮᔪᑦ ᓄᑖᕐᒥᑦ ᐃᔅᓯᕙᐅᑕᐅᓂᐊᖅᑐᒥᑦ ᑎᒃᑯᐊᖅᓯᓪᓗᑎᓪᓗ ᑎᓴᒪᓂᒃ ᑲᑎᒪᔨᐅᓂᐊᖅᑐᓂᒃ ᓄᓇᑐᖃᐃᑦ ᐃᓕᓴᕆᔭᐅᓯᒪᔪᓪᓗ ᑲᑎᒪᔨᐅᓂᖏᓐᓄᑦ ᑲᓇᑕᒥ
ᑲᓇᑕᐅᑉ ᒐᕙᒪᒃᑯᖏᑦ, ᓄᓇᑐᖃᕐᓂᑦ ᐃᓕᓴᕆᔭᐅᓯᒪᔪᓂᓪᓗ ᑲᑎᒪᔨᐅᓂᕐᒧᑦ ᑲᓇᑕᒥ, ᐃᑲᔪᖅᐸᑦᑐᑦ ᑲᓱᖅᓯᓪᓗᑎᒃ ᑲᓇᑕᒥᐅᑕᕐᓂᑦ ᐱᑐᖃᕐᓄᓪᓗ. ᑭᓇᐃᓐᓇᖅ ᓇᓗᓇᐃᖅᑕᐅᓯᒪᔪᑦ ᐃᓄᒃ, ᓇᒦᓐᓂᖓ, ᖃᓄᐃᓘᕐᓂᐅᖃᑦᑕᖅᓯᒪᓂᖏᓐᓂᓪᓗ ᑲᓇᑕᒥ ᐅᐊᑦᑎᐊᕈᕐᓂᓴᕐᓂᑦ ᐊᔾᔨᐅᖏᑦᑐᓂᒃ ᐅᓂᒃᑳᖅᑐᐊᖃᕐᖓᑕ ᐅᐊᑦᑎᐊᕈᕐᓂᓴᐅᓪᓗᑎᑦ ᓄᐊᑕᐅᕙᑦᑐᓂᑦ ᑭᒃᑯᓂᖏᓐᓂᓪᓗ ᓇᓗᓇᐃᖅᓯᔾᔪᑕᐅᓪᓗᑎᑦ ᐅᕙᑦᑎᓐᓄᑦ.
ᐅᓪᓗᒥ, ᒥᓂᔅᑕ ᐊᕙᑎᓕᕆᓂᕐᒧᑦ ᐊᒻᒪᓗ ᓯᓚ ᐊᓯᔾᔨᐸᓪᓕᐊᓂᖓᓐᓄᑦ ᐊᒻᒪᓗ ᒥᓂᔅᑕ ᑲᒪᔪᖅ ᑲᓇᑕᐅᑉ ᒥᕐᖑᐃᖅᓯᕐᕕᖓᓐᓂ, ᑎᒃᑯᐊᖅᓯᓂᕋᓚᐅᕐᖓᑦ ᐳᓈᑦ ᑐᕌᑦᒥᑦ, ᑭᒡᒐᖅᑐᐃᔨ ᓅ ᐳᕌᓐᓱᐃᒃᒻ, ᐃᖅᓯᕙᐅᑕᖅᑖᖅᑲᐅᒃ. ᐊᒻᒪᓗ, ᐅᖃᒃᑲᓂᖅᑐᓂ ᑎᒃᑯᐊᖅᓯᒻᒪᑦ ᐊᕕᑦᑐᖅᓯᒪᔪᓂᑦ ᑲᓇᑕᒥ ᐅᑭᐅᖅᑕᖅᑐᒥᓪᓗ ᑭᒡᒐᖅᑐᐃᔨᐅᓂᐊᖅᑐᓂᒃ: ᓯᑏᕙᓐ ᐋᔨ (ᐊᓐᑎᐅᕆᔪ), ᕼᐊᐅᕆ ᐴᓪᒪᓐ (ᐳᕆᓐᔅ ᐃᐊᕗᑦ ᐊᐃᓚᒥᑦ). ᕚᓗᕆ ᑯᕆᓇᖅ (ᓴᔅᑳᑦᓱᐊᓐᒥ) ᐊᒻᒪᓗ ᔭᓯᑲ ᑰᑦᑎᖅ (ᓄᓇᕗᒻᒥ).
ᐊᑐᓂ ᑲᑎᒪᔩᑦ ᐊᔾᔨᐅᖏᑦᑐᓂᑦ ᐊᑐᖅᓯᒪᒻᒪᑕ ᐅᑉᐱᕆᔭᖃᖅᑐᑎᓪᓗ ᐱᕚᓪᓕᑲᓐᓂᓪᓚᕆᓐᓂᐊᖅᑐᖅ ᐱᒻᒪᕆᐅᔪᑦ ᐱᓕᕆᐊᖑᔭᕆᐊᓖᑦ ᑲᑎᒪᔨᓄᑦ 100−ᖏᓐᓂᑦᑐᓄᑦ ᐅᑭᐅᓄᑦ ᑲᒪᒋᔭᐅᓯᒪᔪᓄᑦ ᐃᓄᓐᓄᑦ, ᓄᓇᑐᖃᕐᓄᑦ ᖃᓄᐃᓘᕐᕕᒥᓂᕐᓄᓪᓗ ᑲᓇᑕᐅᑉ ᖃᓄᐃᓘᕐᓂᕆᓯᒪᔭᖏᓐᓂ. ᑲᓇᑕᐅᑉ ᒥᕐᖑᐃᖅᓯᕐᕕᒃᑯᖏᑦ ᐊᒻᒪᓗ ᓄᓇᑐᖃᐃᑦ ᐃᓕᓴᕆᔭᐅᓯᒪᔪᓪᓗ ᑲᑎᒪᔨᖏᑦ ᑲᓇᑕᒥ ᐱᓕᕆᑦᑎᐊᕐᓂᐊᖅᑐᑦ ᐱᓕᕆᐊᕆᔭᕆᐊᓕᒥᓂᒃ ᐊᑦᑐᐃᓂᖃᕐᓗᑎᓪᓗ ᒪᑯᓂᖓ ᐅᓂᒃᑳᖅᑐᐊᖅᑎᒍᑦ ᐅᐊᑦᑎᐊᕈᕐᓂᓴᐅᔪᓂᓪᓗ ᑲᓇᑕᒥ. ᑕᒪᒃᑮᒃ, ᓈᓚᒍᓐᓇᖃᑦᑕᕐᓂᐊᖅᑐᑦ ᐃᓄᓐᓂᑦ ᐅᓂᒃᑳᖅᑐᐊᕐᓂᑦ ᓂᓪᓕᐊᔾᔪᑕᐅᔪᓂᒃ, ᐃᓱᒪᒋᔭᐅᔪᓂᒃ, ᐊᑐᖅᓯᒪᔭᖏᓐᓂᓪᓗ, ᒪᑯᓂᖓᓗ ᐊᔅᓱᕉᑕᐅᑲᐃᓐᓇᖃᑦᑕᖅᓯᒪᔪᓂᒃ ᐅᐊᑦᑎᐊᕈ.
ᑲᓇᑕᒥᐅᑉ ᐅᑉᐱᕆᔭᖏᓐᓂ ᐅᓂᒃᑳᖃᕈᒪᒻᒪᑕ ᐅᐊᑦᑎᐊᕈᕐᓂᓴᕐᓂᑦ ᐃᓕᓴᕆᔭᐅᓯᒪᓪᓗᑎᑦ ᐱᒻᒪᕆᐅᓂᖏᑦ ᑲᓇᑕᐅᑉ ᐅᐊᑦᑎᐊᕈᕐᓂᓴᖏᑦ ᖃᓄᕐᓗ ᖃᐅᔨᒪᖃᑦᑕᐅᑎᓂᖏᓐᓂ. ᐅᐊᑦᑎᐊᕈᕐᓂᓴᕐᓂᑦ ᑐᑭᓯᐅᒪᑎᑦᑎᑲᓐᓂᕐᓗᑎᑦ ᑭᓄᑐᐃᓐᓇᕐᓂᑦ, ᓴᖅᑭᔮᖅᑎᑦᑎᖃᑦᑕᕐᓗᑎᓪᓗ ᐃᓱᒪᓕᖅᑎᑦᑎᑲᓐᓂᕋᓱᐊᕐᓗᑎᑦ, ᐊᔭᐅᖅᑐᐃᓗᑎᓪᓗ ᐃᓄᑐᐃᓐᓇᕐᓂᑦ ᑲᒪᒋᔭᖃᕆᐊᖃᕐᓂᖏᓐᓂ, ᐃᓚᓕᐅᔾᔨᓂᖅᓴᐅᓗᑎᓪᓗ ᐃᓅᖃᑎᒥᓂᑦ.
ᓴᖅᑭᖅᑕᐅᓚᐅᖅᓯᒪᔪᑦ 1919−ᒥ, ᓄᓇᑐᖃᐃᑦ ᐃᓕᓴᕆᔭᐅᓯᒪᔪᓪᓗ ᑲᑎᒪᔨᖏᑦ ᑲᓇᑕᒥ ᐅᖃᐅᔾᔨᒋᐊᕆᖃᑦᑕᖅᑐᑦ ᒥᓂᔅᑕ ᐊᕙᑎᓕᕆᓂᕐᒧᑦ ᐊᒻᒪᓗ ᓯᓚ ᐊᓯᔾᔨᐸᓪᓕᐊᓂᖓᓐᓄᑦ ᐊᒻᒪᓗ ᒥᓂᔅᑕ ᑲᒪᔪᑦ ᑲᓇᑕᐅᑉ ᒥᕐᖑᐃᖅᓯᕐᕕᖓᓐᓂ ᒪᑯᓂᖓ ᑲᓇᑕᐅᑉ ᖃᓄᐃᓐᓂᕆᖃᑦᑕᖅᓯᒪᔭᖏᓐᓂ, ᐃᓄᓐᓂᑦ, ᓇᒦᓐᓂᖏᓐᓂ ᐊᒻᒪᓗ ᖃᓄᐃᓘᕐᓂᕆᖃᑦᑕᖅᓯᒪᔭᖏᓐᓂ ᑲᓇᑕᒥ. ᑲᓇᑕᑉ ᒥᕐᖑᐃᖅᓯᕐᕕᖏᒃᑯᖏᑦ ᐃᑲᔪᖅᑐᐃᔪᑦ ᑲᑎᒪᔨᑦ ᐱᓕᕆᐊᖏᓐᓂ ᐊᓪᓚᕕᓕᕆᓂᖏᓐᓂᓪᓗ, ᒪᑯᓂᖓᓗ ᐅᐊᑦᑎᐊᕈᕐᓂᓴᕐᓂᑦ ᐃᑦᑕᕐᓂᓴᕐᓂᓪᓗ ᖃᐅᔨᓴᖅᑕᐅᒋᐊᓕᓐᓂᑦ ᕿᒥᕐᕈᔨᐅᒍᓐᓇᖅᑐᓂᑦ ᓂᕈᐊᕐᓗᑎᑦ.
ᐱᓕᕆᖃᑎᒌᓪᓗᑎᑦ, ᑲᓇᑕᐅᑉ ᒥᕐᖑᐃᖅᓯᕐᕕᓕᕆᔨᒃᑯᖏᑦ ᐊᒻᒪᓗ ᑲᑎᒫᔨᑦ ᑕᒪᒃᑯᓂᖓ ᑲᓇᑕᒥ ᐱᑐᖃᐅᔪᓂᒃ ᐃᓕᓴᕆᔭᐅᑎᑦᑎᓇᓱᐊᕐᓂᐊᕐᖓᑕ, ᑕᒪᒃᑯᐊᓗ ᐱᒻᒪᕆᐅᔪᑦ ᐅᓂᒃᑲᖅᑐᐊᑐᖃᐃᑦ ᐅᖃᐅᓯᐅᖃᑦᑕᕐᓗᑎᑦ ᑲᓇᑕᒥᐅᑕᕐᓄᑦ ᐊᑖᓂ ᑲᓇᑕᒥ ᐃᑲᔪᑎᓂᒃ ᐃᓕᓴᕆᔭᐅᓯᒪᔪᓂᒃ.
ᐅᖃᐅᓰᑦ
ᑲᓇᑕᒥᐅᑦ ᐊᔾᔨᐅᖏᒻᒪᑕ ᖃᓄᐃᑦᑑᖃᑦᑕᕈᑎᒋᓯᒪᓕᖅᑐᑎᒍᓪᓗ. ᑕᒪᒃᑯᐊ ᓄᑖᑦ ᑲᑎᒪᔩᑦ ᐊᔾᔨᒌᓐᖏᑦᑐᓂᒃ ᐊᑐᖅᓯᒪᒻᒪᑕ ᐱᓕᕆᒍᒪᖃᑦᑕᖅᓯᒪᓪᓗᑎᓪᓗ ᐅᐊᑦᑎᐊᕈᕐᓂᓴᕐᓂᑦ ᐱᖅᑯᓯᕐᓂᓪᓗ ᓄᓇᑐᖃᒥᓂᕐᓂᑦ ᐃᓕᓴᕆᔭᐅᓯᒪᔪᓂᓪᓗ ᑲᑎᒪᔨᓄᑦ ᑲᓇᑕᒥ. ᐃᓕᓴᕆᔭᐅᓯᒪᔪᑦ ᐃᒻᒥᒃᑰᖅᑐᑦ ᐱᔪᒪᓯᒪᓂᖏᓐᓂ ᐅᓂᒃᑳᕐᒥᓪᓗ ᑲᑐᔾᔨᖃᑎᖃᕈᒪᓪᓗᑎᑦ ᐅᐊᑦᑎᐊᕈᕐᓂᓴᐅᔪᓂᒃ ᑲᓇᑕᒥᐅᑕᕐᓄᑦ ᐅᓪᓗᒥᐅᔪᖅ ᓯᕗᓂᔅᓴᑎᓐᓄᓪᓗ ᑭᖑᕚᑦᑎᓐᓄᑦ. ᐃᑲᔪᕈᒪᓯᒪᑦᑎᐊᖅᑐᑦ ᐱᒻᒪᕆᐅᓂᖓᓐᓂ ᑲᑎᒪᔨᐅᓂᖅ ᐃᑲᔪᕐᓂᖃᕐᓂᐊᖅᑐᑦ ᐊᔾᔨᐅᖏᑦᑐᒥᑦ ᓴᖅᑭᔮᖅᑎᑦᑎᓗᑎᑦ ᐅᐊᑦᑎᐊᕈᕐᓂᓴᕐᓂᑦ ᑲᓇᑕᒥ.
ᓱᓕᔪᑦ
- ᑲᑎᒪᔩᑦ ᑭᒡᒐᖅᑐᐃᔨᖃᖅᑐᑎᒃ ᐊᑐᓂ ᑲᓇᑕᒥ ᐊᕕᑦᑐᖅᓯᒪᔪᓂᒃ ᐅᑭᐅᖅᑕᖅᑐᒥᓗ, ᐊᒻᒪᓗ ᐅᖃᓕᒪᒐᖃᕐᕕᓐᓂᑦ ᐃᑦᑕᕐᓂᓴᓕᕆᔨᓂᓪᓗ ᑲᓇᑕᒥ, ᑭᒡᒐᖅᑐᐃᔨᓂᓪᓗ ᑲᓇᑕᒥ ᑕᑯᔭᒐᖃᕐᕕᓐᓂᑦ ᐃᑦᑕᕐᓂᓴᕐᓂᑦ, ᐊᒻᒪᓗ ᑭᒡᒐᖅᑐᐃᔩᑦ ᑲᓇᑕᐅᑉ ᒥᕐᖑᐃᖅᓯᕐᕕᖓᓐᓂ.
- ᐱᓕᕆᐊᖏᑦ ᐃᑦᑕᕐᓂᓴᐃᑦ ᐊᒻᒪᓗ ᐃᓕᓴᕆᔭᐅᓯᒪᔪᑦ, ᓴᖅᑭᖅᑕᐅᓚᐅᖅᓯᒪᔪᑦ 2019−ᒥ, ᐃᑲᔪᖅᑐᐃᒍᒪᓪᓗᑎᑦ ᐱᓕᕆᐊᖏᓐᓂ ᑲᓇᑕᐅᑉ ᒥᕐᖑᐃᖅᓯᕐᕕᖓᓐᓂ ᑲᑎᒪᔨᓂᓪᓗ ᐋᖅᑭᑦᑕᐅᓯᒪᔪᓂᒃ ᓇᒦᓐᓂᖏᓐᓂ, ᐃᓄᓐᓂᑦ ᖃᓄᐃᓘᕐᕕᐅᖃᑦᑕᖅᓯᒪᔪᓂᓪᓗ ᐊᔾᔨᐅᖏᑦᑐᓂᒃ ᓄᑖᓂᓪᓗ ᐊᔾᔨᐅᖏᑦᑐᓂᒃ ᑭᒃᑯᑐᐃᓐᓇᕐᓄᑦ ᓂᕈᐊᕋᔅᓴᐅᓕᕈᓐᓇᕐᓗᑎᑦ. ᐱᓕᕆᐊᖏᑦ ᒪᑯᓄᖓ ᐃᓚᓕᐅᔾᔨᓗᑎᒃ ᓴᖅᑭᔮᖅᑎᑦᑎᓗᑎᑦ ᐊᔾᔨᐅᖏᑦᑐᓂᑦ ᐱᔭᕆᐊᑐᔪᓂᒃ ᐅᐊᑦᑎᐊᕈᕐᓂᓴᐅᓂᖏᓐᓂ ᑲᓇᑕᒥ, ᒪᑯᐊᓗ ᓄᓇᖃᖅᑳᖅᓯᒪᔪᑦ ᐃᓚᒋᓪᓗᒋᑦ.
- ᐅᓪᓗᒥᒧᑦ, ᐊᑐᓕᖁᔭᐅᓯᒪᔪᑦ ᑲᑎᒪᔨᓄᑦ ᒪᓕᑦᑐᒋᑦ, ᑲᓇᑕᐅᑉ ᒐᕙᒪᒃᑯᖏᑦ ᓇᓗᓇᐃᖅᓯᓯᒪᔪ ᐅᖓᑖᓄᑦ 2,240 ᓄᓇᑐᖃᒥᓂᕐᓂᑦ, ᖃᓄᐃᓘᕐᕕᒥᓂᖏᓐᓂ ᐃᓄᓐᓂᓪᓗ ᐃᓗᓃᑐᓂᒃ ᑲᓇᑕᒥ ᐅᐊᑦᑎᕈᕐᓂᓴᐅᔪᓂᒃ ᐃᓕᓴᕆᔭᐅᓂᖏᓐᓂ.
- ᐊᑐᓕᖁᔭᐅᓯᒪᒃᑲᓂᖅᑐᓪᓗ ᓇᓗᓇᐃᖅᓯᒍᒪᓪᓗᑎᑦ ᑲᓇᑕᒥ ᐅᐊᑦᑎᐊᕈᕐᓂᓴᐅᔪᑦ ᖃᓄᐃᓘᕐᕕᒥᓃᑦ, ᑲᑎᒪᔩᑦ ᐅᖃᐅᔾᔨᒋᐊᖅᑎᐅᒻᒪᑕ ᐃᑦᑕᕐᓂᓴᕐᓄᑦ ᓄᓇᓯᐅᑎᑯᑖᖃᕐᕕᒥᓂᕐᓄᑦ, ᐅᒥᐊᕐᓄᑦ ᖃᐅᒪᖃᖅᑎᑦᑎᕙᑦᑐᓄᑦ ᓇᑭᖅᑐᐊᓗᓐᓂᑦ ᐃᓪᓗᖁᑖᕐᓂᑦ ᐳᖅᑐᔪᓂᒃ, ᑲᓇᑕᒥᓗ ᐃᓗᕕᖃᕐᕕᒥᓂᕐᓂᑦ ᑲᓇᑕᐅᑉ ᐊᖏᔪᖅᑲᕐᔪᐊᖓᑕ.
- ᓂᕈᐊᕋᔅᓴᐅᔪᑦ ᓴᖅᑭᖅᑕᐅᕙᑦᑐᑦ ᐃᓱᒪᖅᓴᖅᓯᐅᕈᑎᑕᐅᓂᐊᕐᖓᑕ ᓄᓇᑐᖃᕐᓄᑦ ᐃᓕᓴᕆᔭᐅᓯᒪᔪᓄᓪᓗ ᑲᑎᒪᔨᐅᓂᐊᖅᑐᓄᑦ ᑲᓇᑕᒥ ᑭᒃᑯᑐᐃᓐᓇᕐᓃᓐᖔᖅᓯᒪᔪᓂᒃ. ᑐᑭᓯᒋᐊᒃᑲᓐᓂᕈᒪᓐᓂᕈᕕᑦ ᖃᓄᖅ ᓂᕈᐊᕋᔅᓴᓕᐅᖅᑕᐅᕙᒻᒪᖔᑕ, ᐃᓄᐃᑦ, ᓇᒦᓐᓂᖏᑦ ᖃᓄᐃᓘᕐᕕᒥᓃᓪᓘᓐᓃᑦ ᐱᒻᒪᕆᐅᒋᔭᑎᑦ, ᖃᐅᔨᒋᐊᕈᓐᓇᖅᑐᑎᑦ ᐅᕗᖓ ᖃᕋᓴᐅᔭᒃᑯᑦ ᑐᑭᓯᒋᐊᕈᑎᓂᒃ: https://parks.canada.ca/culture/designation/proposer-nominate.
- ᑲᓇᑕᐅᑉ ᒐᕙᒪᒃᑯᖏᑦ ᒪᑐᐃᖓᑦᑎᐊᖅᑐᑦ, ᐃᖏᕐᕋᑦᑎᐊᕈᒪᓪᓗᑎᑦ, ᐅᑉᐱᕆᔭᐅᔪᓂᒃ ᓂᕈᐊᕈᒪᓪᓗᑎᑦ ᑲᑎᒪᔨᐅᓂᐊᖅᑐᓂᒃ ᑎᒃᑯᐊᖅᓯᓂᕐᒥᑦ, ᑲᔪᓯᑦᑎᐊᖁᓪᓗᒋᑦ ᐅᑉᐱᕆᔭᐅᑦᑎᐊᕐᓗᑎᑦ ᑲᓇᑕᒥ ᑲᑎᒪᔨᐅᓂᖏᓐᓂ ᓱᓕᑦᑎᐊᖅᑐᓂᓪᓗ ᓴᖅᑭᔮᖅᑎᑦᑎᓗᑎᑦ ᑎᒥᐅᔪᒥᑦ ᑭᒃᑯᑐᐃᓐᓇᕐᓄᑦ. ᓂᕈᐊᖅᑕᐅᖃᑦᑕᖅᑐᑦ ᒪᓕᑦᑐᑦ ᑐᓐᖓᕕᖃᖅᑐᑎᒃ ᑲᑎᑦᒪᔩ ᑎᒃᑯᐊᖅᑕᐅᓯᒪᓂᖏᓐᓂ ᑲᑎᒪᔨᐅᓂᕐᒧᑦ ᐱᔨᑦᑎᕈᓐᓇᕐᓗᑎᑦ ᑲᑎᒪᔨᐅᓂᕐᒧᑦ, ᑲᑎᒪᕕᓐᓄᑦ, ᑭᖕ ᑭᒡᒐᖅᑐᐃᓂᕐᒧᑦ ᑯᐊᕈᕇᓴᓐᓂᑦ, ᑎᒥᐅᔪᓂᒃ, ᑲᑎᒪᔨᐅᔪᓂᑦ ᓯᓚᑖᓃᓐᖔᖅᓯᒪᔪᓂᒃ ᑲᓇᑕᓂ.
ᐊᓯᖏᑦ ᐸᐃᑉᐹᑦ ᐊᔾᔨᐸᓗᖏᑦ
ᑐᓄᐊᓂᑦᑐᑦ: ᐅᓂᒃᑳᑦ ᐃᓄᐃᑦ ᒥᔅᓵᓅᖓᔪᑦ ᓄᑖᑦ HSMBC−ᑯᓐᓄᑦ ᐃᔅᓯᕙᐅᑕᖅ ᑎᒃᑯᐊᖅᑕᐅᓯᒪᔪᓪᓗ ᑭᔅᒐᖅᑐᐃᔨᑦ
ᐊᓯᖏᑦ ᐊᑦᑐᐊᔪᑦ ᐃᕐᖐᕐᓈᖅᑕᐅᑎᒃᑯᑦ ᑕᑯᔭᔅᓴᑦ
- ᑲᓇᐅᑉ ᒥᕐᖑᐃᖅᓯᕐᕕᖓ
- ᓄᓇᑐᖃᐃᑦ ᐃᓕᓴᕆᔭᐅᓯᒪᔪᓄᓪᓗ ᑲᑎᒪᔨᑦ ᑲᓇᑕᒥ ᒫᓐᓇ
- ᑲᔫᓰᓐᓇᓂᐊᖅᑐᑎᓪᓗ ᑲᑎᒪᔨᖏᑦ ᑎᒃᑯᐊᖅᑕᐅᔪᑦ
ᖃᐅᔨᒋᐊᕐᕕᐅᔪᓐᓇᖅᑐᖅ
ᑲᐃᑦᓕᓐ ᐸᐅᕗᔅ
ᐅᓂᒃᑳᓕᐅᖅᖅᑎ
ᐊᓪᓚᕕᖓᓐᓂ ᒥᓂᔅᑕ ᐊᕙᑎᓕᕆᓂᕐᒧᑦ ᐊᒻᒪᓗ ᓯᓚ ᐊᓯᔾᔨᐸᓪᓕᐊᓂᖓᓐᓄᑦ
819-230-1557
kaitlin.power@ec.gc.ca
ᐱᕙᓪᓕᐊᔪᓕᕆᔩᑦ
ᑲᓇᑕᐅᑉ ᒥᕐᖑᐃᖅᓯᕐᕕᖓ
855-862-1812
pc.media@pc.gc.ca
- Date modified :