ᓄᕙᕐᔪᐊᕐᓇᖅ-19 ᐳᓛᕆᐊᕐᓂᐊᕈᕕᓪᓗ
Sirmilik National Park
ᓯᕐᒥᓕᒃ ᑲᓇᑕᒥ ᒥᕐᖑᐃᓯᕐᕕᒃ ᒫᓐᓇ ᐃᖅᑲᓇᐃᔭᕐᑎᑭᑦᓴᖅᑐᖅ. ᑐᐊᕕᕐᓇᖅᑐᖃᑳᓪᓚᑉᐸᑦ ᐅᐸᑲᐅᖅᑐᕈᓐᓇᓪᖏᑦᑐᑦ ᐊᐃᔭᐅᔪᖃᑲᐅᕐᑐᕆᐊᖃᕐᐸᑦ. ᑲᓇᑕᐅᑉ ᒥᕐᖑᐃᓯᕐᕕᓕᕆᔨᖏᑦ ᑲᑐᔾᔨᖃᑎᒋᕙᑦᑕᖏᑦ ᖃᓄᖅᑑᖃᑎᖃᕐᑐᑦ ᐊᑦᑕᓇᕐᑐᒦᖁᔨᓇᑎᒃ ᐱᔨᑦᓯᕈᑕᐅᔪᓂᑦ, ᑭᓯᐊᓂᓕ ᐳᓛᕆᐊᕐᓂᐊᕐᑐᑦ ᐅᔾᔨᕐᑐᑦᓯᐊᕆᐊᓖᑦ ᐱᓕᒻᒪᑦᓯᒪᓂᖕᒥᓂᒃ, ᖃᐅᔨᒪᓂᖕᒥᓂᖕ ᐊᒻᒪ ᐃᒻᒥᓂᖕ ᐊᓐᓇᐅᒪᔪᓐᓇᕐᓗᑎᑦ ᐅᓗᕆᐊᓇᖅᑐᒦᖁᓇᒋᑦ ᐃᒻᒥᓂᖕᓗ ᐸᖅᑭᔪᓐᓇᑦᓯᐊᕐᓗᑎᑦ ᐅᖓᓯᑦᑐᒥ ᐅᑭᐅᖅᑕᖅᑐᒦᓐᓂᐊᕐᑎᓪᓗᒋᑦ ᐊᐅᓪᓚᓚᐅᖏᓂᕐᒥᓂ ᐅᐸᒐᓱᐊᕐᑕᒥᓄᑦ. ᐅᖁᒪᐃᓐᓂᓂᐊᕐᑎᒃᑯᑦ ᓱᒃᑲᐃᑦᑐᒥᑦ ᖃᓱᑎᑦᓯᕙᓪᓕᐊᑎᑦᓯᓂᖏᑦ ᒪᓕᑦᑐᒋᑦ ᖃᓄᐃᓐᖏᑦᓯᐊᖁᓪᓗᒋᑦ ᓄᓇᕗᒥ, ᑲᓇᑕᐅᑉ ᒥᕐᖑᐃᓯᕐᕕᓕᕆᔨᖏᑦ ᒪᑐᐃᖅᓯᑲᓐᓂᖅᐳᑦ ᓯᕐᒥᓕᐅᑉ ᑲᓇᑕᒥ ᒥᕐᖑᐃᓯᕐᕕᖓᓂᑦ ᐳᓚᕋᑎᓄᑦ ᔪᓚᐃ 1, 2022 ᖑᑎᓪᓗᒍ.
ᓄᕙᕐᔪᐊᕐᓇᖅ ᑰᕕᑦ-19 ᐱᔾᔪᑎᒋᓪᓗᒍ, ᐱᔨᑦᓯᕈᑏᑦ ᐃᓪᓗᖁᑎᖏᓪᓗ ᓯᕐᒥᓕᒃ ᑲᓇᑕᒥ ᒥᕐᖑᐃᓯᕐᕕᖓᑕ ᑭᓪᓕᖃᕐᒪᑕ ᓱᓕ ᒫᓐᓇᒃᑯᑦ. ᓂᐅᕐᕈᔪᒪᔪᑦ ᓯᕗᕐᖓᑐᖄᒍᑦ ᐋᖅᑭᑦᓱᐃᒋᐊᓖᑦ ᑎᑭᓚᐅᖏᓂᖏᓂ ᐱᔨᑦᓯᕈᑏᑦ ᐊᑐᐃᓐᓇᐅᓂᐊᕋᓗᐊᕐᒪᖔᑕ. ᑐᓴᕋᑦᓴᑦ ᐊᓯᔾᔨᑲᑕᐃᓐᓇᕐᖓᑕ ᑐᓴᖅᑎᑦᓯᖃᑦᑕᓂᐊᕐᑐᒍᑦ ᑐᓴᕋᑦᓴᐃᑦ ᐊᓯᔾᔨᑐᐊᕋᐃᑉᐸᑕ. ᓯᕐᒥᓕᒃ ᑲᓇᑕᒥ ᒥᕐᖑᐃᓯᕐᕕᖓᒍᑦ ᐃᖏᕐᕋᓂᐊᕈᕕᑦ, ᐊᐅᓪᓚᖃᑎᒋᓯᒪᔭᑎᑦ ᐃᖅᑲᐅᒪᔭᕆᐊᓖᑦ ᐊᑦᑕᓇᕈᓐᓇᕐᒪᑕ ᖃᖅᑲᐃᑦ ᒪᓃᑦᑐᑦ ᐅᑭᐅᖅᑕᖅᑐᒥᓗ ᐃᖅᑲᓇᐃᔭᕐᑎᑭᑦᑑᒍᓐᓇᕐᒪᑕ ᐃᒻᒪᖃᓗ ᖃᓄᐃᓕᔪᖃᑳᓪᓚᑉᐸᑦ ᐊᑯᓂᑲᓪᓚᒃ ᕿᓂᖅᑎᓂᑦ ᑎᑭᑦᑐᖃᕋᓱᒐᔭᕐᖓᑦ (ᐃᒻᒪᖃ ᐅᓪᓗᕋᓴᓂᑦ). ᐊᑦᑕᓇᕐᑐᓕᕆᔪᓐᓇᕐᑐᑦ, ᐋᓐᓂᖅᑐᓕᕆᔪᓐᓇᕐᑐᑦ ᐊᒻᒪ ᑐᐊᕕᕐᓇᕐᑐᓕᕆᔪᓐᓇᕐᑐᑑᒐᔭᕐᖓᑕ ᑭᓯᐊᓂ ᐊᐅᓪᓚᖃᑎᒋᓯᒪᔭᑎᑦ. ᐃᖏᕐᕋᖃᑎᑎᑦ ᖃᐅᔨᒪᒋᐊᓖᑦ ᐊᔪᖅᑕᒥᓂᖕ ᐊᒻᒪ ᐃᒻᒥᓂᖕ ᐊᓐᓇᐅᒪᔪᓐᓇᕐᓗᑎᑦ ᖃᓄᐃᓕᔪᖃᑳᓪᓚᑉᐸᑦ. ᐊᐅᓪᓚᖃᑎᒋᓯᒪᔭᓐᓂᑦ ᐃᑲᔪᕐᑕᐅᔪᖃᕆᐊᖃᕐᐸᑦ ᕿᓂᕐᑎᓄᑦ ᐸᖅᓴᐃᔨᓄᓪᓘᓐᓃᑦ ᓯᕕᑐᓂᖃᖅᐸᑦ 25−ᑎᒍᕇᔅᒥᑦ ᐊᒻᒧᖅᑲᐅᓂᖓ, ᓄᓇᕗᑦ ᓯᓚᑖᓂᑦ ᑎᑭᑎᑦᓯᒋᐊᖃᕋᔭᕐᖓᑕ. ᖁᓛᒎᓕᒃᑯᑦ ᐊᐃᔭᐅᑎᑦᓯᓂᖅ ᐱᑐᐃᓐᓇᐅᖏᒻᒪᑦ ᐊᑐᐃᓐᓇᐅᖏᓐᓇᖏᒻᒪᑕ (ᖁᓛᒎᓕᒃ ᐃᖅᑲᓇᐃᔭᕐᑎᖏᓪᓗ), ᓯᓚᕈᔫᑉᐸᑦ ᒥᕝᕕᓴᖅᓯᐅᕐᓂᕐᓗ ᐱᓪᓗᒋᑦ. ᐊᐅᓪᓚᖃᑎᒋᓯᒪᔭᑎᑦ ᐊᑦᑎᓂᖅᓴᒃᑰᖅᐸᑕ ᓲᕐᓗ ᐊᒃᓵᕐᔪᒃ ᐊᖅᑯᑖᒍᑦ, ᕿᓂᖅᑏᑦ ᐸᖅᓴᐃᔩᓪᓗ ᖃᒧᑕᐅᔭᒃᑰᕈᓐᓇᑐᐃᓐᓇᕆᐊᓖᑦ. ᕿᒥᕐᕈᓗᒋᑦ ᐳᓚᕋᑏᑦ ᐊᑦᑕᓇᕐᑐᒦᕐᔭᐃᕐᓂᖏᑦ (ᖃᓪᓗᓈᑎᑐᑦ ᑭᓯᐊᓂ) ᐃᓚᖓᓃᑦᑐᖅ ᖃᓄᖅ ᐊᑦᑕᓇᖅᑐᒦᑦᑕᐃᓕᒪᒋᐊᑦᓴᖅ ᓯᕐᒥᓕᒃ ᑲᓇᑕᒥ ᒥᕐᖑᐃᓯᕐᕕᖓᓃᓪᓗᓂ.ᐊᓯᔾᔨᖅᓯᒪᔪᑦ ᓱᕐᕋᐃᑐᐃᓐᓇᕆᐊᓖᑦ ᐳᓛᕆᐊᕈᒪᓂᕐᓂᑦ
ᑐᐊᕕᕐᓇᕐᑐᓕᕆᔩᑦ ᐱᔨᑦᓯᕈᑎᖏᑦ ᐳᓚᕋᑏᓪᓗ ᐊᑦᑕᓇᖅᑐᒦᖁᓇᒋᑦ
Related links
- Date modified :