ᐅᑎᕐᐸᓪᓕᐊᑦᓯᐊᖁᓪᓗᒋᑦ ᓇᔪᕐᑕᐅᕙᑦᑐᑦ ᖁᑦᓯᑦᑐᒥ ᑐᒃᑐᓄᑦ ᐊᒻᒪᓗ ᓇᓗᓇᐃᖅᓯᒋᐊᕈᑏᑦ ᖃᐅᔨᓴᕐᑐᓕᕆᓂᕐᒥ ᓯᕗᓪᓕᐅᑎᑕᐅᒋᐊᓕᖕᓂᑦ

ᒥᕐᖑᐃᖅᓯᕕᓕᕆᔩᑦ ᑲᓇᑕᒥ ᐅᓂᒃᑳᖓ ᐱᐅᕐᓱᐊᕐᑐᓕᕆᓂᕐᒥ 2018−ᒥ 2023−ᒧᑦ

ᐱᐅᕐᓱᐊᕐᑐᓕᕆᓂᕐᒥ ᓯᕗᓪᓕᐅᑎᑕᐅᒋᐊᓖᑦ
ᓄᓇᖃᖅᑳᕐᓯᒪᔪᑦ ᓯᕗᓕᕐᓂᖏᑦ ᐱᐅᕐᓱᐊᕐᑐᓕᕆᓂᕐᒥn
ᐃᓂᒋᓂᐊᖅᑕᖓ
ᖃᐅᓱᐃᑦᑐᖅ ᑲᓇᑕᒥ ᒥᕐᖑᐃᕐᓯᕐᕕᒃ, ᐱᓕᕆᖃᑎᒌᓐᓂᒃᑯᑦ ᐊᐅᓚᑕᐅᔪᑦ ᐃᓄᓐᓄᑦ ᐊᒻᒪ ᑲᓇᑕᒥ ᒥᕐᖑᐃᓯᕐᕕᓕᕆᔨᓄᑦ ᖃᐅᓱᐃᑦᑐᖅ ᒥᕐᖑᐃᓯᕐᕕᓕᕆᔩᑦ ᐊᐅᓚᑦᑎᔨᖏᑕ ᑲᑎᒪᔨᕋᓛᖏᓐᓄᑦ, ᓄᓇᕗᑦ

ᖃᐅᓱᐃᑦᑐᖅ ᑲᓇᑕᒥ ᒥᕐᖑᐃᕐᓯᕐᕕᖓᓂ, ᓴᓗᒻᒪᕐᓴᐃᔪᑦ ᓱᕈᕐᓂ ᕿᒻᒪᑯᓂᒃ ᐃᑲᔪᖅᓱᕐᑕᐅᓪᓗᑎ ᖃᐅᓱᐃᑦᑐᒥᐅᓄᑦ, ᖁᑦᓯᑦᑐᒥ ᑐᒃᑐᓄ ᐃᓂᒋᔭᐅᑦᑎᐊᖁᓪᓗᒍ, ᖁᑦᓯᑦᑐᒥ ᑐᒃᑐᐃᑦ ᓇᓗᓇᐃᕐᑕᐅᓯᒪᕗᑦ ᑎᑎᕋᕐᑕᐅᓯᒪᓪᓗᑎᒃ ᐱᑕᖃᕈᓐᓃᑐᐃᓐᓇᕆᐊᖃᕐᓂᖏᓐᓂᑦ ᐱᖁᔭᐃᑦ ᒪᓕᒃᖢᒋᑦ. ᐃᓄᐃᑦ ᖃᐅᔨᒪᔭᑐᖃᖏᑦ, ᐊᑐᕐᓯᒪᔭᖏᓐᓂᑦ ᐱᓯᒪᔪᑦ ᐃᓄᐃᑦ ᑲᐅᔨᓯᒪᔭᖏᑦ, ᑕᓯᐅᕐᓯᒋᕈᑎᒋᒻᒪᔾᔪ ᓴᖅᑭᕐᑐᖃᖁᓪᓗᒍ ᖃᐅᔨᓴᖅᑐᓕᕆᓂᕐᒥ ᐸᕐᓇᐃᒍᑕᐅᖁᓪᓗᒋᑦ ᑲᓇᑕᒥ ᒥᕐᖑᐃᕐᓯᕐᕕᓐᓄᑦ ᐃᑲᔪᖅᓯᒍᑕᐅᓗᑎᒃ ᓴᐳᔾᔨᒍᑕᐅᓗᑎᒃ.

ᐃᓄᐃᑦ ᖃᐅᔨᒪᔭᑐᖃᖏᑦ ᐊᑑᑎᖃᑦᑎᐊᕐᑐᑦ ᑐᑭᓯᑎᑦᑎᓪᓗᑎᒡᓗ ᑐᒃᑐᐃᑦ ᒥᒃᓵᓄᑦ. ᑐᓐᖓᓱᒃᑎᑕᐅᑦᑎᐊᕐᖢᑎᒃ ᐃᓄᐃᑦ ᖃᐅᔨᒪᔭᑐᖃᖏᑦ, ᑲᓇᑕᒥ ᒥᕐᖑᐃᕐᓯᕐᕕᓕᕆᔨᒃᑯᓐᓂ ᐊᒻᒪ ᐃᓄᐃᑦ ᑲᑐᑦᔨᖃᑎᒌᑯᓐᓂᒃ ᓄᓇᖃᖅᑳᕐᓯᒪᔪᑦ ᖃᐅᔨᓴᕐᑎᐅᓂᕐᒧᑦ ᐊᐅᓚᑦᔭᒋᐊᕐᓗᑎᒃ, ᐅᑦᔨᖅᑐᕐᓗᒋᑦ ᓂᕐᔪᑏᑦ ᐊᒃᑑᑎᖃᕐᓂᖏᓐᓄᑦ ᐊᕙᑎᒧᑦ ᐊᑕᖏᕐᓗᒋᑦ; ᓄᓇᐃᓐᓇᖅ, ᐃᒪᖅ, ᐆᒪᔪᐃᑦ ᐊᒻᒪ ᐃᓄᖁᑎᒋᔭᐅᔪᓪᓗ.

ᐱᓕᕆᐊᑦ ᐊᓚᒡᒐᐃᓐᓂᖏᑦ

  • ᓴᓗᒻᒪᕐᓴᐃᓚᐅᕐᑐᑦ ᓱᕈᔫᓐᖏᑦᑐᓂᒃ ᓴᓂᕐᓂᒃ 7-ᓄ ᐃᓂᒋᔭᐅᔪᓂᒃ
  • 505 ᐃᓯᒐᐃᑦ ᐊᒡᑎᒋᔪᒥᒃ (47m2 ) ᓱᕈᔪᖕᓂᒃ ᐲᔭᐃᓚᐅᕐᑐᑦ ᐊᕐᕌᒍ 2019−ᒥᑦ 2023-ᒧᑦ
  • ᐅᖓᑖᓂᒃ 205−ᐅᕐᓱᐊᓘᑉ ᖃᑦᑕᐅᔭᕐᔪᐊᖏᑦ ᐲᔭᕐᑕᐅᓚᐅᕐᑐᑦ 2023−ᖑᑎᓪᓗ
  • 10−ᓂᒃ ᓄᑖᓂᒃ ᓯᕗᓪᓕᐅᑎᔭᐅᔪᓂᒃ ᖃᐅᔨᓴᕐᑕᐅᒋᐊᓕᖕᓄ ᓇᓗᓇᐃᕆᓚᐅᕐᑐᑦ ᖃᐅᓱᐃᑦᑐᖅ ᖃᐅᔨᓴᕐᓂᕐᒧᑦ ᐸᕐᓇᐃᔨᒃᑯᑦ ᑲᑎᒪᑎᓪᓗᒋᑦ
  • ᐱᕕᖃᕐᑎᑦᑎᓪᓗᑎᒃ ᑮᓇᐅᔾᔭᒃᓴᓂᕐᒧᑦ ᐊᑐᐃᓐᓇᕈᕐᑎᑦᑎᓪᓗᑎᒃ ᐃᓄᐃᑦ 45-ᓂᒃ ᐊᒻᒪ ᓇᖕᒥᓂᖁᑎᖃᕐᑐᓂᒃ.
On a tundra landscape, Jane Chisholm and Angela Piercey stand up a large, rusty barrel, amid other discarded barrels and metal debris.

ᔭᐃᓐ ᑎᓴᒻ, ᓂᕐᔪᑏᑦ ᖃᐅᔨᓴᕐᑎᖏᓐᓄᑦ ᓯᕗᓕᕐᑎᐅᔪᖅ (ᓴᐅᒥᐊᓂ) ᐊᒻᒪ ᐋᓐᔨᓚ ᐱᐅᓯ, ᖃᐅᓱᐃᑦᑐᖅ ᑲᓇᑕᒥ ᒥᕐᖑᐃᓯᕐᕕᓕᕆᔩᑦ ᐊᐅᓚᑦᑎᔨᖓ (ᑕᓕᕐᐱᐊᓃᑦᑐᖅ), ᖃᑦᑕᐅᔭᓂᒃ ᑭᕕᒃᓯᔫᒃ, ᐊᔾᔨᓕᐅᕆᔪᖅ: ᔪᕚᓐ ᓯᒥᒃ/ᑲᓇᑕᒥ ᒥᕐᖑᐃᕐᓯᕐᕕᓕᕆᔨᖏᓐᓂ

​

​

ᐃᓄᐃᑦ ᖃᐅᔨᒪᔭᑐᖃᖏᑦ

ᑐᓐᖓᕕᒋᔭᐅᔪᑦ ᐱᖁᔭᖏᓐᓄᑦ ᐃᓄᐃᑦ ᐱᖅᑯᓯᐊᒍᑦ, ᐃᓄᐃᑦ ᐊᑐᓚᐅᕐᓯᒪᔭᖏᑦᑎᒍ ᒥᒃᓵᓄᑦ ᓄᓇᕐᔪᐊᓕᒫᒥᒃ ᐊᒻᒪ ᐃᓕᖁᓯᕆᔭᐅᔪᑎᒍ, ᐅᒃᐱᕆᔭᒥᑦᑎᒍᓪᓗ, ᐊᒻᒪ ᐊᔪᓐᖏᓐᓂᖏᑦᑎᒍ ᐱᕈᕐᐸᓪᓕᐊᓂᖃᕐᑐᑦ ᓱᖃᐃᒻᒪ ᐊᑐᕐᓯᒪᓂᕆᓚᐅᕐᑕᒥᓂᒃ ᖃᐅᔨᒪᖕᒪᑕ ᓇᓗᓇᐃᕐᑕᐅᓯᒪᔪᑦ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ.

ᐃᓗᓕᖏᑦ

A lone caribou with large antlers stands on flat, barren tundra, with a clear blue sky in the background.
ᖁᑦᓯᑦᑐᒥ ᑐᒃᑐ ᑐᒃᑐᓯᕐᐅᕐᕕᖕᒦᑦᑐᖅ ᖃᐅᓱᐃᑦᑐᖅ ᑲᓇᑕᒥ ᒥᕐᖑᐃᕐᓯᕐᕕᐊᓂ. ᐊᔾᔨᓕᐅᕆᔪᖅ: ᒧᐊᒐᓐ ᐋᓐᑐᓴᓐ/ᑲᓇᑕᒥ ᒥᕐᖑᐃᕐᓯᕐᕕᓕᕆᔨ
A small group of four caribou graze on a grassy hillside, dotted with small yellow flowers. The background is barren and rocky.
ᖃᐅᓱᐃᑦᑐᖅ ᑲᓇᑕᒥ ᒥᕐᖑᐃᕐᓯᕐᕕᒃ ᖁᕐᓱᕐᑐᖅ ᐱᕈᕐᓯᐊᑦ ᐃᒍᑦᓴᑦ ᓂᕿᖏᑦ ᐊᒻᒪ ᖁᑦᓯᑦᑐᒥ ᑐᒃᑐ− ᑕᒪᕐᒥᒃ ᖃᓄᐃᖏᑦᓯᐊᕐᑐᒥᒃ ᐊᕙᑎᒦᒋᐊᓖᑦ. ᐊᔾᔨᓕᐅᕆᔨ: ᑲᓇᑕᒥ ᒥᕐᖑᐃᕐᓯᕐᕕᓕᕆᔨ

ᑐᒃᑐᓯᐅᕐᕕᒃ ᐅᑭᐅᖅᑕᖅᑑᑉ ᐊᕝᕙᖓᓂ ᐊᒻᒪᓗ ᒥᑭᓂᕐᓴᓂᒃ ᕿᑭᕐᑕᓂᒃ, ᖃᐅᓱᐃᑦᑐᖅ ᐅᓕᒃᑕᐅᓯᒪᔪᖅ ᐅᑭᐅᖅᑕᖅᑐᒥ ᑲᑦᔮᓇᕐᑐᓂᒃ, ᓯᑯᓂᒃ, ᕿᓚᑦᑎᐊᓂᒃ, ᐅᔭᖅᑲᓂᒃ ᐊᒻᒪ ᐱᕈᕐᓯᐊᑯᓗᖕᓂᒃ ᖁᕐᓱᖅᑐᓂᒃ ᐃᒍᑦᓴᑦ ᓂᕿᖏᓐᓂᒃ. ᒥᕐᖑᐃᕐᓯᕐᕕᒃ ᑲᑐᔾᔨᖃᑎᒌᑐᓂᒃ ᐊᐅᓚᑕᐅᔪᖅ ᑲᓇᑕᒥ ᒥᕐᖑᐃᕐᓯᕐᕕᓕᕆᔨᓄ ᐊᐅᓚᑦᑎᔩᑦ ᑲᑎᒪᔨᕋᓛᖏᓐᓄ. ᑲᑎᒪᔨᕋᓛᑦ ᓄᓇᓕᖕᒥᐅᓂᓐᖔᕐᑐᑦ,ᖃᓂᒋᔭᖓᓂ ᖃᐅᓱᐃᑦᑐᒥᒃ, ᑎᒃᑯᐊᕐᑕᐅᓯᒪᔪᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓄ ᐊᒻᒪ ᑲᓇᑕᐅᑉ ᒐᕙᒪᒃᑯᓂᒃ. ᑐᒃᑐᓯᐅᕐᕕᒃ ᐃᓂᖃᕐᕕᐅᔪᖅ ᖁᑦᓯᑦᑐᒥ ᑐᒃᑐᓄ, ᓂᕿᒃᓴᑦᑎᐊᕙᐅᔪᑦ, ᐊᓐᓄᕌᒃᓴᑦᑎᐊᕙᐅᓪᓗᑎᒃᓗ, ᐊᒻᒪ ᐃᓄᐃᑦ ᓴᓇᕐᕈᑎᒃᓴᖏᓐᓂᒃ ᑕᑯᒥᓇᕐᑐᓂᒃ ᓴᓇᓐᖑᐊᕈᑕᐅᕙᒃᑭᓪᓗᑎᒃ.

ᓴᖅᑭᓚᐅᓐᖏᑎᓪᓗᒍ ᖃᐅᓱᐃᑦᑐᖅ ᑲᓇᑕᒥ ᒥᕐᖑᐃᕐᓯᕐᕕᒃ, ᐅᕐᓯᖅᑎᕈᑏᑦ ᐊᒻᒪ ᐅᕐᓱᐊᓗᖕᓂ ᕿᓂᕐᓴᓚᐅᕐᑎᓪᓗᒋᑦ ᐊᕐᕌᒍ 1960−ᖏᓐᓂᒃ ᐊᒻᒪ 70−ᖏᓐᓂ ᕿᒪᐃᓚᐅᕐᒪᑕ ᓱᕈᔪᖕᓂ ᐊᒃᑕᑯᓂᑦ. ᑕᒪᓐᓇ ᐊᒃᑑᑎᖃᒻᒪᕆᓚᐅᕐᑐᑦ ᑐᒃᑐᐃᑦ ᓂᕆᖃᑦᑕᕐᑕᖏᓐᓄ, ᓂᕐᔪᑎᓄᓪᓗ ᖁᐊᕐᓵᕐᓇᕐᑎᑦᑎᓕᕐᓯᒪᖕᒪᑕ, ᐊᒻᒪ ᑕᒪᓐᓇ ᑐᓗᕐᑕᕈᑎᖃᕆᓪᓗᓂ ᓅᑦᑕᕈᑕᐅᔪᓂᒃ ᐊᒻᒪ ᓂᕐᔪᑎᓄ ᐃᖏᕐᕋᕐᕕᐅᔪᓂᒃ. ᓴᓗᒪᕐᓴᐃᓂᖅ ᓱᕈᕐᓂ ᕿᒪᒃᑕᐅᓚᐅᕐᑐᓂᒃ ᖃᐅᓱᐃᑦᑐᕐᒥᐅᑦ ᐃᓄᖁᑎᖏᓐᓄ ᓇᓗᓇᐃᕐᑕᐅᓚᐅᕐᑐ ᓯᕗᓪᓕᐅᑎᓗᒋᑦ ᐱᓕᕆᐊᕆᔭᐅᑲᐅᑎᒋᒋᐊᒥᒃ ᐊᒻᒪᓗ ᐱᓕᕆᐊᒃᓴᒥᒃ ᓴᖅᑭᑦᑎᓚᐅᕆᓪᓗᑎᒃ ᓴᓗᒪᑎᒋᐊᒥᒃ ᓄᓇᐃᓐᓇᖅ ᑐᒃᑐᐃᑦ ᖃᓄᐃᑦᑕᐃᓕᖁᓪᓗᒋᑦ ᐱᓕᕆᐊᒃᓴᓕᐊᖑᓚᐅᕐᑐᑦ. (Tidy Tundra = Healthy Herd project.)

ᓄᓇᐃᓐᓇᖅ ᓴᓗᒪᑎᒋᐊᕐᓗᒍ = ᑐᒃᑐᐃᑦ ᖃᓄᐃᑦᑕᐃᓕᖁᓪᓗᒋᑦ

Five long rows of rusted barrels are arranged on a vast, barren tundra, with patches of snow in the distance, near a cloudy horizon.
ᕿᒻᒪᑯᐃᑦ ᐅᕐᓱᐊᓗᖕᒧ ᖃᑦᑕᐅᔭᕐᔪᐊᑦ ᐱᐅᔪᓐᓃᕐᑎᑦᑎᔪᑦ ᑲᑦᔮᕐᓇᕐᑐᒥᒃ ᓄᓇᒥᒃ ᖃᐅᓱᐃᑦᑐᖅ ᑲᓇᑕᒥ ᒥᕐᖑᐃᕐᓯᕐᕕᐊᓂ. ᐊᔾᔨᓕᐅᕆᔪᖅ: ᔪᕚᓐ ᓯᒥᒃ/ᑲᓇᑕᒥ ᒥᕐᖑᐃᕐᓯᕐᕕᓕᕆᔨ
A close-up of a metal barrel top, embossed with Please Do Not Litter, resting among other barrels and metal debris, covering the landscape.
ᐊᒃᑕᑯᓂ ᕿᒪᐃᕝᕕᐅᔪᑦ ᕿᑭᕐᑕᓂ (Young Island), ᐅᑭᐅᖅᑕᖅᑐᒥ ᑕᕆᐅᑉ ᐊᖅᑯᓵᕐᕕᐊᓂ, ᕿᑭᕐᑕᓂ ᓄᓇᕗᒻᒥ. ᐊᔾᔨᓕᐅᕆᔨ: ᓕᐊ ᐱᖓᓕ/ᑲᓇᑕᒥ ᒥᕐᖑᐃᕐᓯᕐᕕᓕᕆᔨ

ᑕᕝᕘᓇ ᓴᓗᒻᒪᓴᕐᑕᐅᓂᖓᒍᑦ ᓄᓇᐅᑉ=ᑐᒃᑐᐃᑦ ᖃᓄᐃᖁᓇᒋᑦ, (Tidy Tundra = Healthy Herd project) ᐱᐅᓯᕚᓪᓕᕐᑎᑕᐅᓇᓱᐊᕐᑐᑦ ᖁᑦᓯᑦᑐᒥ ᑐᒃᑐᐃᑦ ᓇᔪᕐᐸᑦᑕᖏᑦ ᐊᕙᑎᖓᓗ ᖃᓄᐃᓐᓇᖁᓇᒍ ᒥᕐᖑᐃᕐᓯᕕᖕᒥᑦ. ᓴᓃᑦ ᕿᒻᒪᑯ ᐲᔭᕐᑕᐅᓪᓗᑎᒃ ᐅᓄᕐᑐᐃᓪᓗ ᐅᕐᓱᐊᓗᖃᕐᕕᒥᓃᑦ ᖃᑦᑕᐅᔭᕐᔪᐊᑦ ᐱᓕᕆᖃᑎᖃᕐᑐᑎᒃ ᑲᓇᑕᒥ ᐅᕐᓱᐊᓗᓕᕆᔨᒃᑯᑦ ᓄᓇᕐᔪᐊᑉ ᑲᑦᔨᖓᓂ ᐱᓕᕆᔨᖏᑦ, ᑲᓇᑕᒥ ᐆᒪᔪᓕᕆᔩᑦ ᐱᔨᑦᑎᕐᑎᖏᑦ ᖃᐅᓱᐃᑦᑐᕐᒥᐅᑕᐃᓪᓗ ᑲᑐᔾᔨᖃᑕᐅᓪᓗᑎᒃ. ᑕᒪᕐᒥᒃ ᖃᐅᓱᐃᑦᑐᖅ ᑲᓇᑕᒥ ᒥᕐᖑᐃᕐᓯᕐᕕᓕᕆᔨᒃᑯᓪᓗ ᐱᔭᕆᐊᑐᔪᒥᒃ ᐱᓕᕆᖃᑎᒌᓚᐅᕐᑐᑦ ᖁᓕᒦᒎᓕᓄᑦ, ᖃᖓᑕᓲᕋᓛᒧᑦ, ᓯᑭᑑᒃᑯᑦ ᐅᓯᓕᕐᑐᐃᓪᓗᑎᒃ ᐊᒻᒪᓗ ᓯᓚᐅᑉ ᖃᓄᐃᓐᓂᖓ ᒪᓕᒃᖢᒍ. ᒐᕙᒪᑐᖃᒃᑯᑦ−ᓄᓇᖅᑲᖅᑳᑐᓕᕆᔨᒃᑯᑦ ᑎᒍᒥᐊᕐᑎᐅᔪᑦ ᓱᕈᖕᓂ ᓴᓗᒻᒪᕐᓴᐃᓂᐅᔪᓂᒃ ᐊᒻᒪ ᑲᑐᔾᔨᖃᑎᒌᒃᑎᒻᒪᕆᐅᓪᓗᑎᒃ ᑕᒪᓐᓇ ᓯᕗᒧᑦᑎᐊᖁᓪᓗᒍ ᑲᑐᔾᔨᑦᑎᐊᖃᕐᓂᐅᑦ ᐱᓕᕆᐊᒃᓴᖏᑎᒍ.

ᖃᐅᓱᐃᑦᑐᖅ ᑲᓇᑕᒥ ᒥᕐᖑᐃᕐᓯᕐᕕᓕᕆᔩᑦ ᖃᐅᔨᓴᖅᑐᓕᕆᓂᕐᒧᑦ ᑲᑎᒪᑦᔪᑎᖃᕐᑐᑦ.

A person places a round sticker on chart paper covered in notes in Inuktitut and English, hung on a wall next to a map.
Eight engaged people sit at a table and look to where one person points on a map. Behind them, note covered chart paper hangs on the wall.
ᖃᐅᓱᐃᑦᑐᕐᒥᑦ, ᑲᓇᑕᒥ ᒥᕐᖑᐃᕐᓯᕐᕕᓕᕆᔨᒃᑯᑦ ᐊᒻᒪ ᐃᓄᐃᑦ ᑲᑐᔾᔨᖃᑎᒌᒃᖢᑎ ᓯᕗᓪᓕᐅᑎᑕᐅᒋᐊᖃᕐᑐᓂᒃ ᐃᓄᐃᑦ ᖃᐅᔨᒪᔭᑐᖃᖏᓐᓂ ᑲᑎᒪᖃᑎᖃᕐᖢᑎᒃ ᖁᑦᓯᑦᑐᒥ ᑐᒃᑐᐃ ᓴᐳᑎᔭᐅᒋᐊᖃᕐᓂᖏᓐᓂᒃ ᐸᕐᓇᐃᔪᑦ. ᐊᔾᔨᓕᐅᕆᔨ: ᑕᔅ ᐊᔅᐱ/ᑲᓇᑕᒥ ᒥᕐᖑᐃᕐᓯᕐᕕᓕᕆᔨᑯᓐᓂ

ᑲᓇᑕᒥ ᒥᕐᖑᐃᕐᓯᕐᕕᓕᕆᔩᑦ, ᖃᐅᓱᐃᑦᑐᕐᒥ ᐃᓄᖁᑎᖏᑦ, ᐊᒻᒪ ᖃᐅᓱᐃᑦᑐᖅ ᒥᕐᖑᐃᕐᓯᕐᕕᓕᕆᓂᕐᒧᑦ ᐊᐅᓚᑦᑎᔩᑦ ᑲᑎᒪᔨᕋᓛᖏᑦ ᑲᑐᔾᔨᖃᑎᒌᒃᖢᑎᒃ ᐃᓄᐃᑦ ᖃᐅᔨᒪᔭᑐᖃᖏᑦ ᓯᕗᓪᓕᐅᑎᑕᐅᓪᓗᑎᒃ ᖃᐅᓯᒪᐃᓂᕐᒧᑦ ᐸᕐᓇᐃᕙᓪᓕᐊᔪᑦ ᖃᐅᓱᐃᑦᑐᖅ ᑲᓇᑕᒥ ᒥᕐᖑᐃᕐᓯᕐᕕᐊᓄ. ᑕᖀᓇᕐᔪᐊᖅ (ᔭᓄᐊᕆ) 2023 ᖑᑎᓪᓗᒍ ᑐᒃᑐᓂ ᑲᑎᖃᑎᖃᕐᓂᕐᒧᑦ ᑲᑎᒪᑦᔪᑎᖃᓚᐅᕐᑐᑦ, (Caribou Connections workshop) ᑕᐱᕆᔭᒥᓄᑦ ᑲᑎᕐᓱᐃᖃᑎᖃᕐᖢᑎᒃ ᓇᓗᓇᐃᕆᓂᕐᒥᒃ ᖃᐅᔨᓴᕈᑎᓂᒃ ᓯᕗᓪᓕᐅᑎᔭᐅᒋᐊᖃᕐᑐᓂᒃ. ᐊᑑᑎᖃᕐᑐ ᐊᑯᓂ ᖃᐅᔨᓴᕐᓂᐊᕐᓗᒍ ᑐᑭᓯᒐᓱᐊᕐᓗᒍ ᓯᓚᐅᑉ ᐊᓯᑦᔨᕐᐸᓪᓕᐊᓂᖓ, ᐊᒻᒪᓗ ᐃᓚᓕᐅᑎᓗᒍ ᐃᑦᑕᕐᓂᑕᓂᒃ ᐊᒻᒪ ᐱᖅᑯᓯᕆᔭᐅᕙᓚᐅᕐᑐᓂᒃ ᐱᓕᕆᐊᕆᓂᐊᕐᓗᒍ ᒥᕐᖑᐃᕐᓯᕐᕕᒃ ᐃᓕᑕᕆᔭᐅᓚᐅᕐᑐᖅ. ᑲᑎᒪᓂᐅᔪᖅ ᖁᐊᕐᓵᕐᓇᖅᑐᓂᒃ ᖁᑦᓯᑦᑐᒥ ᑐᒃᑐ ᐱᓕᕆᐊᕆᔭᐅᓪᓗᐊᑕᕐᓂᕐᓴᐅᓚᐅᕐᑐᑦ, ᐱᑦᔪᑎᒋᓪᓗᒋᑦ ᓂᕐᔪᑏᑦ ᐱᒻᒪᕆᒋᔭᐅᓂᖏᓐᓄᑦ ᐃᓄᐃᑦ ᐊᖑᓇᓱᐊᕐᐸᖕᒪᒋᑦ, ᐊᓐᓄᕌᓕᐅᕈᑕᐅᕙᒃᖢᑎᒃ, ᓴᐅᓃᑦ ᐊᒻᒪ ᓇᒡᔪᐃᑦ ᓴᓐᓇᓐᖑᐊᕐᑕᐅᕙᒃᖢᑎᒃ ᐊᑐᕐᑐᓂᒃ ᐱᖁᑎᓕᐅᕈᑕᐅᕙᒃᑐᑦ ᐊᒻᒪ ᐱᐅᓴᐅᑎᒋᔭᐅᒋᓪᓗᑎᒃ.

ᖃᑦᑕᐅᔭᕐᔪᐊᖃᐅᕕᒡᔪᐊᕐᑐᖅ ᓇᒥᒥᐊᖅ, ᐅᖁᖅᓯᒪᔪᓂᒃ, ᑕᑯᔅᓱᓇᕐᑐᐊᓗᐃᑦ. ᖃᐅᔨᒪᔭᑐᐊᕋ ᓴᓗᒪᕐᓴᖅᑕᐅᔪᖅ ᖃᐅᓱᐃᑦᑐᖅ; ᓴᓗᒪᔪᒥᒃ ᑕᑯᔪᒪᓐᓇᕐᒪ ᐃᓂᒋᔭᐅᔪᒥᒃ. ᑲᓇᑕᒥ ᒥᕐᖑᐃᕐᓯᕐᕕᓕᕆᔨᒃᑯᑦ ᐱᐅᔪᒥᒃ ᐱᓕᕆᐊᖃᕐᑐᑦ, ᖁᕕᐊᓱᒃᐳᖓ ᓴᐳᑎᔭᐅᖕᒪᑕ ᓂᕐᔪᑎᒋᔭᕗᑦ.
ᑲᓚᐃᑦ ᑲᓪᓗᒃ, ᖃᐅᓱᐃᑦᑐᖅ ᒥᕐᖑᐃᕐᓯᕐᕕᓕᕆᓂᕐᒧ ᐊᐅᓚᑦᑎᔩᑦ ᑲᑎᒪᔨᕋᓛᖑᖃᑕᐅᔪᖅ

ᑕᑯᓐᓇᕋᑦᓴᖅ

ᑕᑯᓐᓇᕆᑦ ᖃᓄᖅ ᑲᓇᑕᒥ ᒥᕐᖑᐃᕐᓯᕐᕕᓕᕆᔨᒃᑯᑦ ᓴᐳᔾᔨᖕᒪᖔᑕ ᖁᑦᓯᑦᑐᒥ ᑐᒃᑐᓂ ᖃᐅᓱᐃᑦᑐᕐᒥᑦ.

ᑎᑎᕋᕐᓯᒪᔪᑦ

ᑐᒃᑐᕋᓛᑦ ᐃᑲᔪᖅᑕᐅᒋᐊᓕᑦ

ᑐᒃᑐᐃᑦ, 50,000ᖏᓐᓃᓚᐅᖅᓯᒪᔪᐃᑦ, ᐊᒥᓲᓂᖏᑦ ᒥᑭᓪᓕᓯᒪᓕᖅᑐᑦ 74−ᐳᓴᑦᓂᑦ 1960ᒥᓂᑦ

ᑲᓇᑕᐅᑉ ᐅᑭᐅᖅᑕᖅᑐᐊᓂ ᓄᓇᖃᐅᖅᑐᑦ

ᐃᓄᒃᓄᑦ ᐊᑐᖅᑕᐅᖃᑦᑕᖅᓯᒪᔪᑦ ᐅᑭᐅᒐᓴᒃᓄᑦ

ᐃᓄᐃᑦ ᑐᒃᑐᓂᒃ ᓴᐳᔾᔨᓯᒪᓇᓱᐊᕐᓂᕐᒥᑦ ᓯᕗᓪᓕᐅᑎᑦᑎᕗᑦ ᐱᒻᒪᕆᐅᑎᑕᐅᓪᓗᑎᒃ ᖃᐅᓱᐃᑦᑐᖅ ᒥᕐᖑᐃᖅᓯᕐᕕᖓᑕ ᐃᓗᐊᓂ

ᒥᕐᖑᐃᖅᓯᕐᕕᒃ 11,000 ᑭᓚᒦᑕᓂᒃ ᓄᓇᓕᒃ ᑐᒃᑐᐃᑦ ᐊᑐᖃᑦᑕᖅᑕᖏᓐᓂ ᑐᒃᑐᓯᐅᕐᕕᐅ ᕿᑭᖅᑕᖓᓂ, ᓄᓇᕗᒻᒥ

ᑭᓯᐊᓂ ᓴᓗᒻᒪᖅᓴᖅᑕᐅᔭᕆᐊᓕᒃ

ᐃᒪᖃᖏᑦᑐᑦ ᖃᑦᑕᐅᔭᐃᑦ ᕿᒪᒃᑕᐅᓯᒪᓂᑯᐃᑦ ᐅᖅᓱᐊᓗᓕᕆᔨᒃᑯᓐᓄᑦ ᓄᓇᒥᑦ ᓴᓐᓇᒃᓴᐃᓯᒪᔪᑦ

ᑐᒃᑐᓂᒃ ᓂᕆᑎᑦᑎᔪᓐᓇᐃᓪᓕᓪᓗᑎᒃ ᑕᒫᓂ ᓄᓇᖓᓂ ᐊᒻᒪᓗ ᓅᑦᑎᐊᖅᑎᑦᑎᔪᓐᓃᖅᖢᑎᒃ

ᒥᕐᖑᐃᖅᓯᕐᕕᒃᑯᑦ ᑲᓇᑕᒥ ᐊᒻᒪᓗ ᐃᓄᐃᑦ ᐱᒻᒪᕆᐅᑎᑦᑎᔪᑦ ᖃᑦᑕᐅᔭᓂᒃ ᐲᔭᖅᑕᐅᖁᔨᓪᓗᑎᒃ

ᐅᓪᓗᒥᒧᑦ ᑎᑭᖦᖢᒍ, 194 ᐃᒪᖃᖏᑦᑐᑦ ᕐᑲᑦᑕᐅᔭᐃᑦ ᐲᔭᖅᑕᐅᓯᒪᓕᖅᑐᑦ ᒥᕐᖑᐃᖅᓯᕕᒻᒥᑦ

ᖃᑦᑕᐅᔭᐃᑦ ᓅᑕᐅᓚᐅᖅᑐᑦ ᖁᓕᒥᒎᒃᑯᑦ ᖃᓂᓛᒧᑦ ᖃᖓᑕᓲᑉ ᒥᕝᕕᒋᔪᓐᓇᖅᑕᖓᓄᑦ

ᑕᐃᑲᙵᑦ, ᖃᐅᓱᐃᑦᑐᒨᖅᑎᑕᐅᓪᓗᑎᒃ ᖃᖓᑕᓲᒃᑯᑦ ᐅᐊᓴᖅᑕᐅᓂᐊᕐᒪᑕ ᐊᒻᒪᓗ ᓱᕋᑦᑎᖅᑕᐅᓗᑎᒃ

ᖁᕕᐊᓱᖃᑎᒌᓚᐅᖅᑐᑦ ᓄᓇᓖᑦ ᖃᑦᑕᐅᔭᐃᑦ ᐲᔭᖅᑕᐅᓚᐅᕐᓂᖏᓐᓄᑦ

ᒥᕐᖑᐃᖅᓯᕐᕕᒃᑯᑦ ᑲᓇᑕᒥ ᑲᔪᓰᓐᓇᕐᓂᐊᖅᑐᑦ ᐱᒻᒪᕆᐅᔪᒥᑦ ᓴᓗᒻᒪᖅᓴᐃᓂᕐᒥᑦ

ᒥᕐᖑᐃᖅᓯᕐᕕᒃᑯᑦ ᑲᓇᑕᒥ ᐃᑲᔪᖅᑐᑦ ᒪᒃᑯᒃᑐᓂᒃ ᐃᓚᓕᐅᑎᑦᑎᓇᓱᒃᑐᐃ ᒥᕐᖑᐃᖅᓯᕐᕕᒻᒧᑦ ᐱᓕᕆᖃᑎᒋᔭᐅᓪᓗᑎ

ᐃᓄᐃᑦ ᑕᒫᓂ ᓄᓇᖃᔅᓲᔭᖅᑐᐃᑦ ᐊᒻᒪᓗ ᑕᒫᓂ ᓄᓇᖃᐃᓐᓇᐅᔭᕐᓂᐊᖅᑐᑦ

ᑐᒃᑐᕋᓛᑎᑐᑦ

pc.gc.ca/parksinsider Like. Comment. Share.

Special thanks to: Canadian Wildlife Service / L. Pirie-Dominix Government of Nunavut / M. Anderson for the Peary caribou photographs

ᐃᓕᑦᑎᒃᑲᓐᓂᕆᑦ

​ ​

Date modified :